Enzũko 13:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Neryo nasyayira abana bawe ngʼolũtũtũ lwʼekitaka, neryo omundu amatoka eriganza olũtũtũ lwʼekitaka, neryo abana bawe ibanganaganzwa.

Enzũko 13:16 Iomraidhean Croise

Enzũko 15:5

Neryo Nyamuhanga mwamũhũlũkĩrya eyĩhya mwabũga ati, Ũlebaye omo kyanya, uganze esyongũnũnũ, wamabya wanganatoka eriganzasyo. Neryo mwabũga naye ati, Abana bawe ko basyabya batya.

Enzũko 16:10

Kandi omũlaĩka wʼOmwami Mukulu mwabũga naye ati, Nasyakanyĩrĩrya abana bawe bo kutsibu, nabo sibendisyaganzwa oko bungi bwabo.

Enzũko 17:16

Nasyamutsumula, nʼakandi nasyakuha omugala ukwʼiye, ega, nasyamutsumula, naye asyabya nyĩnya wʼebihanda, nʼabami bʼebihanda basyatsũka ukwʼiye.

Enzũko 17:2

Nage nasyayira endagano yage omo katĩkatĩ kage nawe, nasyakũkanyĩrĩrya kutsibu.

Enzũko 17:20

Nĩkwa busana na Ĩsĩmaelĩ, nabĩrĩkowa, lebaya, nabirimutsumula, nasyamũkanyĩrĩrya nʼerimutomekera kutsibu. Asyabuta abakama erĩkũmĩ nʼababiri, kandi nasyamuyira mo kihanda kinene.

Enzũko 17:6

Neryo nasyakũkanyĩrĩrya kutsibu, kandi nasyakuyira mo bihanda, nʼabami basyatsũka ukʼuwe.

Enzũko 18:18

Kusangwa kwenene asyabya kihanda kinene kyʼamaka, nʼebihanda byosĩ byʼekihugo byasyatsumulwa omwisi siwe.

Enzũko 21:13

Omugala wʼomũkalĩ mukobe nibya nasyamuyira mo kihanda, kusangwa naye ni mwana wawe.

Enzũko 22:17

Omwʼitsumula ngandisyakutsumula, nʼomwʼikanya nasyakanyĩrĩrya abana bawe ngʼesyongũnũnũ esiri omo kyanya, kandi ngʼemisege yʼoko mũsĩke wʼengetsi. Kandi abana bawe basyasĩgalya olũkyo lwʼesyonzĩgũ syabo.

Enzũko 26:4

Nage nasyakanyĩrĩrya abana bawe ngʼesyongũnũnũ syʼelubula, kandi nasyaha oko bana bawe ebihugo byosĩ ebĩ. Kandi busana nʼabana bawe ebihanda byosĩ byʼekihugo byasyatsumulwa.

Enzũko 28:14

Kandi abana bawe basyabya ngʼolũtũtũ lwʼekitaka, neryo wasyabwayira omo kihugo kyʼeyĩkwa nʼomo kyʼendata, nʼomo butambi bwʼendata nʼomo bundi butambi bwʼeyĩkwa, nʼomwisi wawe nʼomo bana bawe, ebihanda byosĩ byʼekihugo byasyatsumulwa.

Enzũko 28:3

Nyamuhanga Omũtokĩ Wʼebyosĩ akutsumule nʼerĩkũkanyĩa, nʼerikutomekera, iwabya ndeko yʼabandu.

Enzũko 32:12

Nawe mowabũga uti, Kwenene nasyakukola ndeke, nʼeriyira abana bawe ngʼemisege yʼomo ngetsi, eyite yangatoka eriganzwa busana nʼobungi.

Enzũko 32:13

Neryo Yakobo mwagotseraho ekiro ekyo, neryo mwĩmya oluhembo oko bindu abya nabyo bibye luhembo busana na mugala wabo ye Esaũ.

Enzũko 35:11

Kandi Nyamuhanga mwabũga naye ati, Ĩngye indi Nyamuhanga Omũtokĩ Wʼebyosĩ. Ukanyirire utomekerawe; ekihanda nʼendeko yʼebihanda byasyalũa ukʼuwe, kandi Wasyabya tata wʼabami.

Enzũko 46:3

Neryo mwabũga ati, Ĩngye indi Nyamuhanga, Nyamuhanga wa tata wawe, Sigubahe eriandagalira eMĩsĩrĩ, kusangwa eyo nasyakuyira mo kihanda kinene.

1 Abami 3:8

Nʼomugombe wawe ali omo katĩkatĩ kʼabandu bawe abo wayisoga, abandu bangi abatetoka eriganzwa, kutse eriganzika busana nʼobungi bwabo.

1 Abami 4:20

Abayũda nʼAbaĩsraelĩ babya bangi ngʼomusege gʼoko ngetsi busana nʼobungi; ibakalya nʼerĩpũlya nʼeritsanga.

2 Abami 13:23

Nĩkwa Omwami Mukulu mwaganyirabo, mwakwĩrabo olukogo, kandi mwakeberabo busana nʼendagano yiwe haguma na Abrahamũ, na Ĩsaka, na Yakobo, ĩsĩanzĩre erĩheryabo, kutse erigusabo erĩlũa embere siwe erĩhĩka na lino.

1 Emyatsi yʼEmigulu 21:5

Neryo Yoabũ mwaha Dawĩdĩ emiganzo yʼabandu. NʼAbaĩsraelĩ bosĩ abalume abakakula omũyalĩ mobabya mĩlĩonĩ nguma na elfu erĩgana (1,100,000); nʼAbayũda babya elfu magana ani nʼamakũmĩ alinda (470,000) abakakula omũyalĩ.

1 Emyatsi yʼEmigulu 27:23

Nĩkwa Dawĩdĩ mwataganza abʼemyaka makũmĩ abiri nʼabalere kwʼaho, kusangwa Omwami Mukulu mwabũga ati, asyakanyĩa Ĩsraelĩ ngʼesyongũnũnũ syʼekyanya.

2 Emyatsi yʼEmigulu 1:9

Neryo lino, uwe Mwami Mukulu Nyamuhanga, erilaga lyawe uku tata wage Dawĩdĩ lĩberererĩbawe; kusangwa wabirinyiyira mo mwami wʼabandu bangi ngʼolũtũtũ lwʼekitaka.

Yobũ 5:25

Wasyaminya nibya kwʼabana bawe basyabya bangi, Nʼabana bawe ngʼebiti byʼomolĩ.

Erĩlũayo 1:7

Nʼabana ba Ĩsraelĩ mobabuta-bũtanĩa, mobakanya kutsibu, nʼerikanyirira, mobabya nʼamaka kutsibu; kandi mobabuga-bugana omo kihugo ekyo.

Erĩlũayo 32:13

Wibuke Abrahamũ, Ĩsaka, na Ĩsraelĩ, abagombe bawe, abo walahĩrĩrayako busana nawe, nʼerĩbũga nabo, uti, Nasyakanyĩrĩrya olubuto lwenyũ ngʼesyongũnũnũ syʼelubula, nʼekihugo kyosĩ ekyo nabiriahula nasyahakyo abana benyũ, basyalyakyo mo mwandu wa kera na kera.

Yeremĩa 33:22

Ngoko emilondo yʼengũnũnũ yʼomo kyanya itetoka eriganzwa, kutse emisege yʼomo ngetsi itetoka eriganzwa, ko nasyatomeka nyitya abana ba Dawĩdĩ omugombe wage, nʼAbalawĩ abakanyikolera.

Emiganzo 23:10

Nindi wangatoka eriganza olũtũtũ lwa Yakobo, Kutse oyo wangaganza oluhande luguma lwʼomo bini lwa Ĩsraelĩ kwehĩ? Uleke nyihole oluholo lwʼomutunganene, Nʼendũlĩ yage ibye ngʼeyiwe!

Eryibuka Ebihano 1:10

Omwami Mukulu Nyamuhanga wenyũ abĩrĩbakanyĩrĩrya, neryo mũlebaye, mũnabwĩre muli bangana nʼesyongũnũnũ syʼekyanya omo nzige.

AbaEbrania 11:12

Neryo Abrahamũ nomo mubiri wuwe abya ngʼabirihola, mwabuta abandu bangi ngʼesyongũnũnũ esiri omo kyanya, abateganzika ngʼemisege eyiri oko mũsĩke wʼengetsi.

Eribisurirwa 7:9

Enyũma wʼemyatsi eyĩ monalangira, neryo, lebaya, habya endeko nene, eyo mundu ate angatoka eriganza. Endeko eyĩ yalũa oko buli kĩtũnga, nʼebihanda byosĩ, nʼabandu bosĩ, nʼemĩbũge yosĩ. Babya bimene embere wʼekĩtũmbĩ kyʼobwami, nʼembere wʼEkyana kyʼEmbũlĩ, ibambite esyokanzu nyeru-nyeru, kandi ibawite oko mitahi yʼamabondo omo byala byabo.

Abatswerĩ 6:3

Neryo omugulu Abaĩsraelĩ babiba embuto Abamĩdĩanĩ mobasa, nʼAbaamalekĩ, nʼabana bʼendata; mobasa eribambirabo.

Abatswerĩ 6:5

Kusangwa mobasa haguma nʼesyonde syabo nʼamahema wabo; mobasa ngʼesyongĩke busana nʼobungi bwabo; ibo nʼesyongamia syabo ini butaganzika. Mobasa omo kihugo eriheryakyo,