Enzũko 12:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Neryo Omwami Mukulu mwahulukira Abramu, mwabũga ati, Oko lubuto lwawe nasyahabo ekihugo ekĩ. Neryo mwahĩmbaho ekiherero oko Mwami Mukulu, oyo wamuhulukako.

Enzũko 12:7 Iomraidhean Croise

Enzũko 12:8

Neryo mwalũayo mwaya oko kitwa ebwanga bwʼendata wʼeBetelĩ, mwahanda ehema yiwe, eBetelĩ iyiri oko luhande lwʼeyĩkwa, nʼeAĩ oko luhande lwʼendata. Nʼaho mwahĩmbĩra Omwami Mukulu yʼekiherero, neryo mwayibirikirira erĩna lyʼOmwami Mukulu,

Enzũko 13:15

kusangwa ekihugo kyosĩ ukalangira nasyakuhakyo, nʼoko lubuto lwawe kera na kera.

Enzũko 13:17

Hangana, ulendere omo kihugo oko buli bwakyo nʼobugali bwakyo, kusangwa nasyakuhakyo.

Enzũko 13:18

Neryo Abramu mwahũmya ehema yiwe, mwasa mwĩkala hakũhĩ nʼemiti yʼeMamũre, eyiri eHebronĩ, neryo mwahĩmbaho ekiherero oko Mwami Mukulu.

Enzũko 13:4

Kandi ho habya ekiherero ekyo ahĩmba erĩmbere. Nʼaho Abramu ayibirikirira erĩna lyʼOmwami Mukulu.

Enzũko 15:18

Oko kiro ekyo Omwami Mukulu mwayira endagane na Abramu ati, Nasyaha ekihugo ekĩ oko bana bawe erĩtsũka oko lũsĩ lwʼeMĩsĩrĩ erĩhĩka oko lũsĩ lunene lwʼeEfũratĩ.

Enzũko 17:1

Neryo omugulu Abramu abya wʼemyaka makũmĩ mwenda nʼomwenda Omwami Mukulu mwamuhulukira, mwabũga naye ati, Ĩngye indi Nyamuhanga Omũtokĩ Wʼebyosĩ. Ulendere embere syage, ũhĩkane.

Enzũko 17:3

Neryo Abramu mwalambama, neryo Nyamuhanga mwakanĩa naye ati,

Enzũko 17:8

Kandi nasyakuha, nʼoko bana bawe enyũma wawe, ekihugo ekyo wabirirenderamo mo mubunga, ekihugo kyosĩ kyʼeKanana, eribya bũsokĩ bwawe bwa kera na kera, nage nasyabya Nyamuhanga wabo.

Enzũko 18:1

Neryo Omwami Mukulu mwamuhulukirako hakũhĩ nʼemiti yʼeMamũre, omugulu abya ĩkere omo lũkyo lwʼehema, omugulu eryuba lyasingirira.

Enzũko 22:9

Neryo mobahĩka aho Nyamuhanga amwahũlĩraya, neryo Abrahamũ mwahĩmbaho ekiherero, mwatondekaho esyongwĩ, neryo mwaboha Ĩsaka mugala wuwe, neryo mwamutalika endata oko kiherero, oko ngwĩ.

Enzũko 24:7

Omwami Mukulu Nyamuhanga wʼel­ubula oyo wandũsaya omo nyũmba ya tata wage nʼomo kihugo ekyo nabutawamo, nʼoyo wakanaya nage, nʼoyo wanyĩlahĩrayako, ati, Nasyaha ekihugo ekĩ oko bana bawe asyatuma omũlaĩka wuwe embere syawe, wasyabanira mugala wage yʼomũkalĩ erĩlũa eyo.

Enzũko 26:25

Neryo mwahĩmbaho ekiherero, kandi mwabirikira oko lĩna lyʼOmwami Mukulu, neryo mwahandaho ehema yiwe. Nʼaho abagombe ba Ĩsaka mobatakula ekitehero.

Enzũko 26:3

Ubunge omo kihugo ekĩ, nage nasyabya haguma nawe, nʼerikutsumula, kusangwa ukʼuwe nʼoko bana bawe nasyabaha ebihugo byosĩ ebĩ, kandi nasyahanganĩa erĩlahĩrya eryo nalahĩraya uku tata wawe Abrahamũ.

Enzũko 28:13

Kandi lebaya, Omwami Mukulu iniahangene endata kukyo, akabũga ati, Ĩngye indi Mwami Mukulu, wa Abrahamũ, tata wawe, na Nyamuhanga wa Ĩsaka. Ekihugo ekyo ugotsereko nasyahakyo ukʼuwe nʼoko bana bawe.

Enzũko 28:4

Kandi akuhe eritsumula lya Abrahamũ, ukʼuwe nʼoko bana bawe haguma nawe. Iwatoka erĩsĩgalya ekihugo ekyo ukabungiramo, ekyo Nyamuhanga aha Abrahamũ.

Enzũko 32:30

Neryo Yakobo mwalukaho mo Penũelĩ, kusangwa abũga ati, Twamalolanako na Nyamuhanga ameso nʼawandi, nʼengebe yage yamalamĩbwa.

Enzũko 33:20

Neryo mwahĩmbaho ekiherero, mwalukaho mo Elĩ-elohe-ĩsraeli. Kiti, Nyamuhanga, Nyamuhanga wa Ĩsraelĩ.

Enzũko 35:12

Ekihugo ekyo naha Abrahamũ na Ĩsaka, nasyahakyo ukʼuwe, nʼoko lubuto lwawe enyũma syawe.

Enzũko 35:7

Nʼeyo mwahĩmba yʼekiherero, mwalukaho mo El-betelĩ, kusangwa Nyamuhanga amuhulukiraho, omugulu abya akasaga mugala wabo.

Enzũko 50:24

Neryo Yosefũ mwabũga nʼabagala babo ati, Nyĩkĩsĩya inahola, nĩkwa Nyamuhanga asyabateya, asyabahetũkya erĩlũa omo kihugo ekĩ eriya oko kihugo ekyo alahĩrĩraya Abrahamũ, na Ĩsaka, na Yakobo.

Enzũko 8:20

Neryo Noa mwahĩmba ekiherero busana nʼOmwami Mukulu, neryo mwĩmya oko buli nyama yowene, nʼobuli nyonyũ yowene, neryo mwayirabyo mo mahere wʼerĩokererya oko kiherero.

2 Samwelĩ 24:25

Neryo Dawĩdĩ mwahĩmbĩra Omukama Mukulu yʼekiherero, kandi mwahonga amahere wʼerĩokererya nʼamahere wʼobuholo. Neryo Omwami Mukulu mwowa erĩbũganganira ekihugo, nʼobũkonĩ bwʼakasũsũ mobwakakĩrĩbwa oko Ĩsraelĩ.

1 Abami 18:32

Neryo Elĩya mwahĩmba omo mabwe ayo mwʼekiherero omo lĩna lyʼOmwami Mukulu; neryo mwatakula omugende owatĩmbĩre oko kiherero, obunene bwago bwangahamba ndengĩ ĩbĩrĩ syʼembuto.

1 Emyatsi yʼEmigulu 16:16

Endagano eyo ayira na Abrahamũ, Nʼerĩlahĩrya liwe uku Isaka.

1 Emyatsi yʼEmigulu 16:18

Ati, Nasyakuha ekihugo kyʼeKanana, Erĩgabo lyʼomwandu wenyũ.

2 Emyatsi yʼEmigulu 20:11

lebaya, ngoko bakatuliha, eriasa nʼerĩtũlũsya omo kihugo kyawe ekyo watuha omo ndagano.

2 Emyatsi yʼEmigulu 20:7

Uwe Nyamuhanga wetu, uwe utahiga esyondũlanĩ syʼekihugo ekĩ embere syʼabandu bawe Ĩsraelĩ kwehĩ, nʼerihakyo kera na kera oko bana bʼomwĩra wawe Abrahamũ kwehĩ?

Ezera 3:2

Neryo Yesũa mugala wa Yozadakĩ mwahangana, nʼabagala babo abahererĩ, na Zerũbabelĩ mugala wa Salatĩele, nʼabagala babo, mobahĩmba ekiherero kya Nyamuhanga wa Ĩsraelĩ, eriherera kukyo amahere wʼerĩokererya, ngoko kĩsakĩre omo bihano bya Musa omundu wa Nyamuhanga.

Erĩlũayo 17:15

Neryo Musa mwahĩmba ekiherero, mwahula erĩna lyaho mo Mwami Mukulu ni Bendera yage;

Erĩlũayo 24:4

Neryo Musa mwasaka ebĩnywa byosĩ byʼOmwami Mukulu. Neryo mwabuka omo ngyakya-ngyakya, neryo mwahĩmba ekiherero eyĩkwa oko kitwa, haguma nʼesyondũyĩ erĩkũmĩ nʼesĩbĩrĩ, ngʼebihanda erĩkũmĩ nʼebibiri bya Ĩsraelĩ.

Erĩlũayo 32:13

Wibuke Abrahamũ, Ĩsaka, na Ĩsraelĩ, abagombe bawe, abo walahĩrĩrayako busana nawe, nʼerĩbũga nabo, uti, Nasyakanyĩrĩrya olubuto lwenyũ ngʼesyongũnũnũ syʼelubula, nʼekihugo kyosĩ ekyo nabiriahula nasyahakyo abana benyũ, basyalyakyo mo mwandu wa kera na kera.

Erĩlũayo 33:1

Neryo Omwami Mukulu mwabũga na Musa, ati, Hongoka, Ũlũe hano, uwe nʼabandu abo walũsaya omo kihugo kyʼeMĩsĩrĩ, eriya oko kihugo ekyo nalahĩraya Abrahamũ, na Ĩsaka, na Yakobo, nyiti, Nasyahakyo oko bana benyũ.

Erĩlũayo 6:3

kandi monahulukira uku Abrahamũ, nʼuku Ĩsaka, nʼuku Yakobo, nga Nyamuhanga Omũtokĩ; nĩkwa omo lĩna lyage Mwami Mukulu, mondaminyikala kubo.

Erĩlũayo 6:4

Kandi nabirihanda endagano yage haguma nabo, erihabo ekihugo kyʼeKanana, ekihugo kyʼobubunga bwabo, ekyo babungiramo.

Yeremĩa 3:18

Oko biro ebyo ekĩtũnga kya Yũda kyasyalendera haguma nʼekĩtũnga kya Ĩsraelĩ, nabo basyasa haguma bakalũa omo kihugo kyʼelutambi lwʼendata, erĩhĩka oko kihugo ekyo naha abotata wenyũ mo mwandu.

Emiganzo 26:53

Ekihugo kyasyagabirwa Ukwʼaba eribya mwandu ngʼemiganzo yʼamena kwʼiri.

Emiganzo 32:11

Kwenene sihali mundu nʼomuguma oko balũa eMĩsĩrĩ, erĩtsũka oko myaka makũmĩ abiri nʼabakulu kwʼaho oyo wasyalangira ekihugo ekyo nalahĩraya Abrahamũ na Ĩsaka, na Yakobo; kusangwa mobatanyikwama ndeke.

Emibiri 7:5

Oko mugulu oyo Nyamuhanga mwataha Abrahamũ oko kihugo ekĩ, kutse nʼekitswe kyʼemetere nguma. Nĩkwa mwamulagakyo isiawite mwana, ati asyamuhakyo mo kitaka kiwe, nʼekyʼabana buwe.

AbanyaRoma 9:8

Ekĩ kĩkakangaya ngoko abana bakabulawa omo mubiri si bana ba Nyamuhanga, nĩkwa abana bʼendagane, bo bakaganzawa mo lubuto lwʼekwenene.

AbanyaGalatia 3:16

Neryo. Nyamuhanga mwaha esyondagane siwe uku Abrahamũ nʼoko lubuto luwe. Sĩalĩbũga ati, oko bana buwe, eriahula bangi, nĩkwa akabũga ati, oko lubuto lwawe mundu muguma, iniakahula Kristo.

AbanyaGalatia 4:28

Nĩkwa ĩnywe, balĩkyetu, nga Ĩsaka, tuli bana bʼendagane.

Eryibuka Ebihano 1:8

Mũlebaye, nabĩrĩhĩra ekihugo embere syenyũ; muyemo mwĩmaye ekihugo ekyo Mwami Mukulu alahĩrĩraya abotata wenyũ, Abrahamũ, na Ĩsaka, na Yakobo eriha kyobo nʼoko bana babo enyũma kubo.

Eryibuka Ebihano 30:20

erianza Omwami Mukulu Nyamuhanga wenyũ, erĩowa omulenge wuwe, nʼerimumakirira; kusangwa eyĩ ni ngebe yenyũ, nʼobungi bwʼebiro byenyũ; imwatoka erĩĩkala omo kihugo ekyo Mwami Mukulu alahĩrĩraya abotata-kulu wenyũ, uku Abrahamũ, nʼuku Ĩsaka, nʼuku Yakobo, eriha kyobo.

Eryibuka Ebihano 34:4

Neryo Omwami Mukulu mwabũga naye ati, Ekĩ kye kihugo nalahĩrĩraya Abrahamũ, na Ĩsaka, na Yakobo, nyiti, ngandisyahakyo oko bana bawe. Namaleka iwalangirakyo omo meso wawe, nĩkwa siwendisyasokerayo.

Eryibuka Ebihano 6:10

Neryo Omwami Mukulu Nyamuhanga wawe asyabya abibaleta omo kihugo ekyo alahĩraya oko botata-kulu wawe, uku Abrahamũ, nʼuku Ĩsaka, nʼuku Yakobo eribaha emĩyĩ minene-minene mibuya, eyo mũtahĩmba,

Eryibuka Ebihano 9:5

Si busana nʼeritunganene lyenyũ, kutse busana nʼerĩhĩkana lyʼomutima wenyũ, ukingira erĩsĩgalya ekihugo kyabo; nĩkwa busana nʼebibi byʼebihanda ebĩ, Omwami Mukulu akahigabyo embere syenyũ, iniatoka erĩsĩkya erĩlahĩrya eryo Mwami Mukulu alahĩrĩraya abotata-kulu wenyũ, Abrahamũ, na Ĩsaka, na Yakobo.

AbaEbrania 11:13

Abosĩ aba mobahola omwʼĩkĩrĩrya, isibetabana ebyalagawa na Nyamuhanga, nĩkwa mobalangirabyo hali, nʼerĩrĩgabyo, kandi mobakangya ngoko babya balalĩrĩrĩ, nʼabĩkalanĩ muna-kihugo.

AbaEbrania 11:8

Busana nʼerĩkĩrĩrya, Abrahamũ omugulu abirikirawa, mwowa, nʼeriya oko kihugo ekyo Nyamuhanga amulaga erimuhakyo. Neryo mwalũa omo kihugo kiwe, ĩsĩasĩ eyo akaya.

Yosũa 1:6

Ubye nʼamaka nʼeriyisiga; kusangwa wasyalĩsya abandu aba bʼomwandu wʼekihugo ekyo nalahĩrĩraya abotata-kulu wabo eriha kyobo.

Yosũa 22:10

Kandi omugulu bahĩka oko mbande syʼeYorodanĩ, esiri omo kihugo kyʼeKanana, abana ba Rũbenĩ nʼabana ba Gadĩ nʼekihande kyʼekihanda kya Manase mobahĩmba ekiherero hakũhĩ nʼeYorodanĩ, erilolwako kyabya ini kiherero kinene.

Yosũa 8:30

Neryo Yosũa mwahĩmbĩra Omwami Mukulu Nyamuhanga wa Ĩsraelĩ ekiherero omo kitwa kyʼeEbalĩ,

Abatswerĩ 6:24

Neryo Gĩdeonĩ mwahĩmbĩra Omwami Mukulu ekiherero aho, mwahulaho mo Mwami Mukulu ni Buholo. Nʼerĩhĩka mũnabwĩre kikineho eOfra wa Abĩezerĩ.

1 Samwelĩ 7:17

Kandi mwasuba eRama, kusangwa yo yabya enyũmba yiwe; nʼeyo mwatswera Ĩsraelĩ, kandi mwahĩmbayo ekiherero oko Mwami Mukulu.