Enzũko 12:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Nage nasyatsumula abakakutsumula, nʼoyukakutsuma nasyamutsuma. Omwisi syawe ebihanda byosĩ byʼekihugo ĩngye Nyamuhanga nasyatsumulabyo.

Enzũko 12:3 Iomraidhean Croise

Enzũko 18:18

Kusangwa kwenene asyabya kihanda kinene kyʼamaka, nʼebihanda byosĩ byʼekihugo byasyatsumulwa omwisi siwe.

Enzũko 18:19

Kwenene nabiriyisogaye iniatoka erihana abana buwe nʼenyũmba yiwe enyũma siwe, ĩbateya enzira yʼOmwami Mukulu erikola ekitunganene nʼeritswera eritunganene. Neryo Omwami Mukulu atoke eriretera Abrahamũ yʼebyo amulaga.

Enzũko 22:18

Kandi Nasyatsumula ebihanda byosĩ byʼekihugo kusangwa wabirikenga omulenge wage.

Enzũko 24:35

Nĩkwa Omwami Mukulu abiritsumula omukama wage yo kutsibu. Abiribya muteke. Abirimuha esyombũlĩ, esyonde, ebĩtsĩpa, nʼesyamagetsi, nʼabagombe bʼobulume, nʼabʼobũkalĩ, nʼesyongamia, nʼesyopu­nda.

Enzũko 25:11

Neryo enyũma wʼoluholo lwa Abrahamũ, Nyamuhanga mwatsumula Ĩsaka mugala wuwe, Neryo Ĩsaka mwĩkala hakũhĩ nʼeBerĩ-lahaĩ-roĩ.

Enzũko 26:29

uti, Siwendisyatukola nabi, ngoko tũtakũtũlako, kandi ngoko tutakukolera kindu kye nʼekibuya, nʼerikutsindika nʼobuholo. Lino uli mutsumulwa wʼOmwami Mukulu.

Enzũko 26:4

Nage nasyakanyĩrĩrya abana bawe ngʼesyongũnũnũ syʼelubula, kandi nasyaha oko bana bawe ebihugo byosĩ ebĩ. Kandi busana nʼabana bawe ebihanda byosĩ byʼekihugo byasyatsumulwa.

Enzũko 27:29

Kandi abandu bakukolere Ebihanda byũname embere syawe; Ubye mukama uku bagala benyũ, Nʼabagala ba koyo wawe bakũnamire; Atakirawe oyukakutakira, Nʼobuli mundu oyukakutsumula atsumulawe.

Enzũko 28:14

Kandi abana bawe basyabya ngʼolũtũtũ lwʼekitaka, neryo wasyabwayira omo kihugo kyʼeyĩkwa nʼomo kyʼendata, nʼomo butambi bwʼendata nʼomo bundi butambi bwʼeyĩkwa, nʼomwisi wawe nʼomo bana bawe, ebihanda byosĩ byʼekihugo byasyatsumulwa.

Enzũko 30:27

Neryo Labanĩ mwamubwira ati, Namabya nabĩrĩsĩmwa omo meso wawe, Wĩkale. Kusangwa namaminya ngoko Mwami Mukulu abirinzumula busana nawe.

Enzũko 30:30

Kusangwa byabya bike ebyo wabya uwite nde nasa, neryo byabirikanya eribya bingi, kandi Omwami Mukulu abirikutsumula ehosĩ nabĩrĩlolya. Na lino nasyabirikira ekĩtũnga kyage kyo mugulu wahi kwehĩ?

Enzũko 39:5

Enyũma wʼaho erĩtsũka omugulu amuyira mo mũhangamĩ oko nyũmba yiwe, nʼoko byosĩ abya nabyo, Omwami Mukulu mwatsumula enyũmba yʼOmunya Mĩsĩrĩ busana na Yosefũ. Omũyĩsa wʼOmwami Mukulu mwabya oko byosĩ abya awite, omo nyũmba, nʼomwʼirima.

Esyonyimbo 72:17

Erĩna liwe siribiriranawe na kera; Engulu yiwe ikote ngʼeryuba. Abandu bayitsumule busana naye, Ebihanda byosĩ bipipe Omwami.

Erĩlũayo 23:22

Nĩkwa wamahulikirira ndeke omulenge wuwe, nʼerikola ebyosĩ ngabũga; neryo nasyabya nzĩgũ yʼesyonzĩgũ syawe, nʼekyabise oko byabise byawe.

Emiganzo 24:9

Akũnama, akabundama ngʼendale, Ngʼebuguma yʼendale; nindi wasyamũbũkya kwehĩ? Atsumulawe obuli mundu oyukakutsumula, Kandi atakirawe obuli mundu oyukakutakira.

Matayo 25:40

Nʼomwami oyo asyasũbĩryabo ati, Kwenene ngabũga nenyũ nyiti, Ngoko mwakolera omuguma gʼoko bagala betu bake-bake aba, momwakolakyo ũkwʼĩngye.

Matayo 25:45

Neryo Omwami asyasũbĩryabo ati, Kwenene ngabũga nenyũ nyiti, Ngoko mutakolera omuguma gʼoko bake-bake aba, momutakolakyo ũkwʼĩngye.

Luka 24:27

Neryo Yesu mwakanĩryabo emyatsi yiwe eyiri omo Masako erĩtsũka omo bitabu bya Musa nʼamasako wʼabamĩnyererĩ bosĩ.

AbanyaRoma 4:11

Nʼeribambwa liwe lyabya ekiminyikalo, erĩmĩnyĩsya ngoko Nyamuhanga mwamuganza mo mutunganene busana nʼerĩkĩrĩrya, isiabwene. Abrahamũ atoke eribya tata wʼabosĩ abakĩkĩrĩraya Nyamuhanga isibabwene, baganzawe mo batunganene.

1 AbanyaKorinto 1:30

Nĩkwa Nyamuhanga abĩrĩbamatĩkanĩa na Kristo Yesu. Kandi Nyamuhanga abiriyira Kristo eribya menge wetu. Busana na Kristo tukatunganana embere sya Nyamuhanga, kandi busana na Kristo tukabya bana ba Nyamuhanga, nʼeribya bwĩranda.

AbanyaGalatia 3:16

Neryo. Nyamuhanga mwaha esyondagane siwe uku Abrahamũ nʼoko lubuto luwe. Sĩalĩbũga ati, oko bana buwe, eriahula bangi, nĩkwa akabũga ati, oko lubuto lwawe mundu muguma, iniakahula Kristo.

AbanyaGalatia 3:28

Sihali Omũyũda nʼOmũgĩrĩkĩ, sihali omukoba nʼogʼobwĩranda, sihali wʼobulume kutse wʼobũkalĩ; kusangwa ĩnywe bosĩ muli muguma erimatikana na Kristo Yesu.

AbanyaGalatia 3:8

Neryo Amasako mwaminya erĩmbere ngoko Nyamuhanga asyatũngananĩa Ebihanda busana nʼerĩkĩrĩrya, neryo mwatũla Engulu Yowene uku Abrahamũ ati, Omwisi syawe, ĩngye Nyamuhanga nasyatsumula Ebihanda byosĩ.

AbanyaEfeso 1:3

Tupipe Nyamuhanga Tata wʼOmukama wetu Yesu Kristo! Busana nʼerimatikana na Kristo Nyamuhanga abirituha omũyĩsa munene. Abirituha obuli mũyĩsa wʼekĩrĩmũ owakalũa omo myanya yʼelubula.

AbanyaKolosai 3:11

Neryo sihakiri kandi omundu wʼEbihanda nʼOmũyũda, kutse oyubwene nʼoyutabwene kutse omũyĩra, kutse mundu wʼomolĩ, kutse omukobe, kutse owʼobwĩranda, nĩkwa Kristo ni mukulu wʼabosĩ, kandi Kristo ali omwisi Wʼebyosĩ.

Eribisurirwa 7:9

Enyũma wʼemyatsi eyĩ monalangira, neryo, lebaya, habya endeko nene, eyo mundu ate angatoka eriganza. Endeko eyĩ yalũa oko buli kĩtũnga, nʼebihanda byosĩ, nʼabandu bosĩ, nʼemĩbũge yosĩ. Babya bimene embere wʼekĩtũmbĩ kyʼobwami, nʼembere wʼEkyana kyʼEmbũlĩ, ibambite esyokanzu nyeru-nyeru, kandi ibawite oko mitahi yʼamabondo omo byala byabo.