Enzũko 12:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Naye mwakolera Abramu yo ndeke bu­sana naye. Naye abya nʼesyombũlĩ, nʼesyonde, nʼesyopunda syʼobulume, nʼabakobe bʼobulume, nʼabakobe bʼobũkalĩ, nʼesyopunda syʼobũkalĩ, nʼesyongamia,

Enzũko 12:16 Iomraidhean Croise

Enzũko 13:2

Neryo Abramu abya wʼebindu binene, esyonyama syʼeka, nʼebĩtsĩpa, nʼesyamagetsi.

Enzũko 13:6

Ekihugo mokitatolera kubo, okwʼĩkala haguma, kusangwa ebindu byabo byabya bingi, kyaleka ibataluka erĩĩkala haguma.

Enzũko 16:1

Nĩkwa Saraĩ, muka Abramu, mwatamubutira bana. Neryo abya awite omukobe wʼobũkalĩ, Omunya Mĩsĩrĩ, erĩna liwe lyabya Hagarĩ.

Enzũko 20:14

Neryo Abĩmelekĩ mwĩmya esyombũlĩ nʼesyonde, nʼabagombe bʼobulume, nʼabʼobũkalĩ, mwahabo uku Abrahamũ, neryo mwamũsũbũlĩrya Sara omũkalĩ wuwe.

Enzũko 24:35

Nĩkwa Omwami Mukulu abiritsumula omukama wage yo kutsibu. Abiribya muteke. Abirimuha esyombũlĩ, esyonde, ebĩtsĩpa, nʼesyamagetsi, nʼabagombe bʼobulume, nʼabʼobũkalĩ, nʼesyongamia, nʼesyopu­nda.

Enzũko 26:14

Kusangwa mwabya nʼebihangulo byʼesyombũlĩ, nʼebihangulo byʼesyonde, nʼabagombe bangi nʼAbafĩlĩstĩnĩ mobamutsura.

Enzũko 30:43

Neryo omundu oyo mwakamaha kutsibu, mwabya nʼebihangulo binene, nʼabagombe bʼobũkalĩ, nʼabʼobulume, nʼesyongamia nʼesyopunda.

Enzũko 32:5

Kandi ngwite esyonde, nʼesyopunda, nʼesyombene, nʼabagombe bʼobulume nʼabʼobũkalĩ, neryo namabatuma eribwira omukama wage, inabana eriganyira embere syʼameso wawe.

Yobũ 1:3

Nʼobũsokĩ buwe bwabya esyombũlĩ elfu irinda (7,000), nʼesyongamia elfu ĩsatu (3,000), nʼesyonume syʼesyonde esiri kwʼengomo, elfu nguma (1,000), nʼesyopunda syʼobũkalĩ magana atanu (500). Kandi abagombe buwe babya bangi. Omundu oyo abya mukulu kwilaba abandu bosĩ bʼekihugo kyʼendata.

Yobũ 42:12

Litya Omwami Mukulu mwatsumula ebiro ebyo byʼenyũma bya Yobũ, kwilaba ebiro byʼerĩtsũka liwe. Kandi mwabya nʼesyombũlĩ elfu ĩkumĩ nʼĩnĩ, nʼesyongamia elfu ndatu, nʼesyonume syʼesyonde syʼoko ngomo elfu ĩbĩrĩ, nʼesyopunda syʼobũkalĩ elfu nguma.

Luka 12:45

Nĩkwa omugombe oyo amayibwira omo mutima wuwe ati, Omukama wage sialitasa lũba, ĩnĩatsũka erĩswĩrya abagombe bʼobulume nʼabʼobũkalĩ, nʼerirya, nʼerĩpũlya nʼerĩkũnda,