Enzũko 10:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Ukwʼaba ebitsira byʼebihanda mobyagabirwa omo bihugo byabo, obuli muguma ngʼomũbũge wuwe, ngʼebĩtũnga byabo, omo bihanda byabo.

Enzũko 10:5 Iomraidhean Croise

Enzũko 10:20

Aba ni bagala ba Hamũ oko bĩtũnga byabo, nʼoko mĩbũge yabo, omo bihugo byabo, nʼomo bihanda byabo.

Enzũko 10:25

Neryo Eberĩ mwabuta abagala babiri, erĩna lyʼomuguma nĩ Pelegĩ, kusangwa omo biro biwe ekihugo mokyagabana, nʼerĩna lyʼomugala wabo lyabya Yokĩtanĩ.

Enzũko 10:32

Ebĩ nĩ bĩtũnga byʼabagala ba Noa, ngʼesyondengo syabo, omo bihanda byabo, Nĩkwa ebihanda mobyagabirwa omo kihugo enyũma wʼerigunga.

Enzũko 10:4

Abagala ba Yawanĩ babya Elĩsa, Tarsĩsĩ, Kĩtĩmũ, na Dodanĩmũ.

Enzũko 10:6

Neryo abagala ba Hamũ nĩ Kũsĩ, Mĩsraĩmũ, Pũtĩ, na Kanana.

Enzũko 9:19

Abasatu aba babya bana ba Noa, nabo mobatsungana oko kihugo kyosĩ.

Esĩterĩ 10:1

Neryo omwami Ahasuero mwahĩra omusolo omo kihugo, nʼomo bitsira byʼengetsi.

Esyonyimbo 72:10

Abami bʼEspanĩa nʼabami bʼoko bitsira basyamuha esyonzũnzo, Abami bʼeArabĩa nʼabʼeEtĩopĩa basyamuletera omuhako.

Ĩsaya 11:11

Neryo oko kiro ekyo, Omukama omo byala biwe engendo yʼakabiri, asyaswahamba abasĩgalira bʼabandu buwe, abasyasaka erĩlũa eAsũrĩa, nʼerĩlũa eMĩsĩrĩ, nʼerĩlũa ePatĩ-rosĩ, nʼerĩlũa eKũsĩ, nʼerĩlũa eElamũ, nʼerĩlũa eSĩnarĩ, nʼerĩlũa eHamatĩ, nʼerĩlũa oko bitsira byʼengetsi.

Ĩsaya 24:15

Neryo ĩnywe mũsĩkaye Omwami Mukulu eyo eryuba likasira, nʼerĩna lyʼOmwami Mukulu, Nyamuhanga wa Ĩsraelĩ, omo katĩkatĩ kʼebitsira byʼengetsi.

Ĩsaya 40:15

Lebaya ebihanda biri ngʼerĩtondĩ omo kalega, bakaganzawa ngʼakasũsũ kʼolũtũtũ oko lulengo lwʼekĩlo. Lebaya, akasumba ebitsira ngʼolũtũtũ luke kutsibu.

Ĩsaya 41:5

Emĩsĩke yʼengetsi yabirilangira, yabiriubaha. Esyondũlĩ syʼekihugo sikatitimana. Syabirisegera hakũhĩ, syabĩrĩhĩka.

Ĩsaya 42:10

Mwimbire Omwami Mukulu Olwimbo luhya-luhya, Mwimbe eripipa liwe oko ndũlĩ yʼekihugo! Ĩnywe mũkakĩmĩra oko ngetsi, nʼebyosĩ birimo, Ĩnywe bitsira nʼesyondũlanĩ syabyo.

Ĩsaya 42:4

Siendisyatalukana kutse eribula omutima, erĩhĩka aho asyahĩra erĩbanza lĩhĩkene omo kihugo. Emĩsĩke yʼengetsi yasyalinda emigambo yiwe nʼamaha.

Ĩsaya 49:1

Ĩnywe bitsira, munyihulikirire, ĩnywe bandu bʼehali mowe. Omwami Mukulu mwanyibirikira isindinabutwa. Inyine omo nda ya koyo mwahula erĩna lyage.

Ĩsaya 51:5

Eritunganene ryage liri hakũhĩ, nʼomulamo wage abirihongoka, nʼamaboko wage asyatswera ebihanda. Emĩsĩke yʼengetsi yasyanyirinda, kandi basyalinda nʼamaha okuboko kwage.

Ĩsaya 59:18

Asyalihabo ngʼemĩbĩrĩ yabo, erihitana oko nzĩgũ siwe, nʼerĩkĩsĩrya oko nzĩgũ siwe. Akasyakĩsĩraya emĩsĩke yʼengetsi.

Ĩsaya 60:9

Kwenene emĩsĩke yʼengetsi yasyandinda, Nʼamato wʼeTarsisi asyatsũka erĩhĩka. Erireta abagala bawe bakalũa ehali, Ebĩtsĩpa byabo nʼesyamagetsi syabo haguma nabo, Busana nʼerĩna lyʼOmwami Mukulu, Nyamuhanga wawe, Na busana nʼoyũbũyĩrĩre wa Ĩsraelĩ, Kusangwa abiribasitika.

Yeremĩa 2:10

Ego musokere oko bitsira byʼeKĩtĩmũ, mulangire. Mutume eKedarĩ, mũlengekanaye kutsibu, nʼerilangira nga hane omwatsi alingene nʼoyũ!

Yeremĩa 25:22

nʼabami bosĩ bʼeTĩro, nʼabami bosĩ bʼeSĩdonĩ, nʼabami bʼebihugo ebiri eyisirya oko ngetsi;

Ezekĩelĩ 26:15

Omukama Iye Omwami Mukulu akabwira Tĩro ati, Ebihugo byʼoko mũsĩke wʼengetsi sibyendisyatitimana oko mulenge wʼeritera lyawe kwehĩ, omugulu abahutere bakasĩmba, nʼomugulu erĩkwa likakolawa omo katĩkatĩ kawe?

Ezekĩelĩ 26:18

Lino ebihugo ebiri oko mũsĩke wʼengetsi byasyatitimana oko kiro kyʼeritera lyawe. Ega, ebihugo ebiri oko mũsĩke wʼengetsi byasyubaha busana nʼerilaba lyawe.

Danĩelĩ 11:18

Neryo omwami oyo wʼelutambi lwʼeNdata asyayĩlolya ebwanga bwʼengetsi nʼerĩhũnga abangi. Nĩkwa ogundi mũsondolĩ asyamũhanganĩa nʼerĩmũsĩnga omo bĩtsũmĩ biwe.

Zefania 2:11

Omwami Mukulu asyabya wʼerĩũbahya kubo, kusangwa asyabondya esyonyamuhanga syosĩ syʼekihugo omo nzala; nʼabandu bosĩ bʼebihanda ebiri oko mũsĩke wʼengetsi basyamũramya, obuli mundu aho ali.

Eryibuka Ebihano 32:8

Omugulu Owendata Kutsibu aha ebihanda byʼomwandu wabo, Omugulu asolola abana bʼabandu, Mwahĩra emitano yʼebihanda Ngʼemiganzo yʼabana ba Ĩsraelĩ.