Enzũko 1:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Neryo Nyamuhanga mwabũga ati, Habye ekyanya omo katĩkatĩ kʼamagetsi, neryo kigabe amagetsi nʼamagetsi.

Enzũko 1:6 Iomraidhean Croise

Enzũko 1:14

Neryo Nyamuhanga mwabũga ati, Habye esyotala omo kyanya kyʼelubula erigaba omusibo nʼekiro; neryo bibye biminyikalo, kandi busana nʼebirimo, na busana nʼebiro nʼemyaka.

Enzũko 1:20

Neryo Nyamuhanga mwabũga ati, Amagetsi osũle nʼerikanya nʼebĩhangĩkĩre ebiriho nʼesyonyonyũ sigulukire endata oko kihugo omo kyanya kyʼolubula.

Yobũ 26:13

Busana nʼomuka wuwe ekyanya kĩkowana; Ebyala biwe byabiritsimita enzoka eyikatibita.

Yobũ 37:11

Akahekaya ebĩtũ ebĩbĩmbĩre mwʼamagetsi, Akapanza-panza ekĩtũ kyʼerĩpalya liwe.

Yobũ 37:18

Wanganatoka erisanza ekyanya haguma naye kwehĩ? Ekĩkalĩre ngʼekyuma kwehĩ?

Esyonyimbo 104:2

Ukayiswika ekyakakala. Ukasanza ekyanya ngʼehema.

Esyonyimbo 148:4

Mumupipe, olubula lwʼendata kutsibu, Nenyũ amagetsi awali endata oko kyanya!

Esyonyimbo 150:1

Mupipe Omwami Mukulu! Mupipe Nyamuhanga omo Hekalũ yiwe! Mupipe amaka wuwe elubula!

Esyonyimbo 19:1

Olubula lũkakanaya olukengerwa lwa Nyamuhanga, Nʼekyanya kĩkabĩsũla ndeke ebyo abirikola.

Esyonyimbo 19:2

Obuli musibo akabwira ogundi musibo, Nʼobuli kiro kĩkakangaya ekindi kiro amenge.

Esyonyimbo 33:6

Omwami Mukulu mwabũga ekĩnywa kisa neryo amatũkũ mwahangikwa, Kandi mwategeka, neryo eryuba nʼomukera nʼesyongũnũnũ mobyahangikwa,

Esyonyimbo 33:9

Omugulu abũga ekĩnywa kisa, ekihugo mokyahangikwa; Omugulu ahana, ebyosĩ mobyahuluka.

Omũgambũlĩ 11:3

Ebĩtũ byamũsũla mwʼembũla, bĩkũtũlĩrayo oko kihugo. Nʼomuti amatera akalolaya elutambi lwʼeyĩkwa, kutse elutambi lwʼendata, aho muti akaterera, ho asyabya.

Ĩsaya 40:22

Nina ye oyo wĩkere endata oko kĩrĩngo kyʼekihugo, nʼesyondũlanĩ syakyo siri ngʼesyongĩke. Oyukabamba ekyanya ngʼolukimba olukaleremba nʼerisanzakyo ngʼerĩhema lyʼerĩĩkalamo.

Yeremĩa 10:10

Nĩkwa Omwami Mukulu yo Nyamuhanga wʼekwenene. Iye ni Nyamuhanga oyuliho, kandi ni Mwami wa kera na kera. Erihitana liwe lĩkatĩtĩmanaya ekihugo, nʼebihanda sibyetoka eribegera erihitana liwe.

Yeremĩa 51:15

Ni ye oyo wahangika ekihugo omo maka wuwe, abĩrĩsĩkya ekihugo omo menge wuwe, nʼomwʼiminya liwe abirisanza olubula.

Zekarĩa 12:1

Enzumwa yʼekĩnywa kyʼOmwami Mukulu busana na Ĩsraelĩ. Omwami Mukulu akabũga, oyo wasanza ekyanya, nʼerĩhĩra ekibanza kyʼekihugo, nʼerihangika ekĩrĩmũ kyʼomundu omwisi wuwe ati,

2 Petero 3:5

Kusangwa omugulu bakabũga batya, bakagana eryĩbũkya omwatsi oyũ, ngoko kera Nyamuhanga mwabũga ekĩnywa, neryo olubula nʼekihugo mobyahangikwa. Nʼekihugo mokyahangikwa erĩlũa omo magetsi,