Enzũko 1:26 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁶ Neryo Nyamuhanga mwabũga ati, Tuhangike omundu omo mũsĩndo, nʼomo kĩsosekanĩo kyetu, atabale oko mahere wʼomo ngetsi nʼoko syonyonyũ syʼomo kyanya, nʼoko syonyama, nʼoko kihugo kyosĩ, nʼoko buli kindu ekikaku­luluka oko kitaka.

Enzũko 1:26 Iomraidhean Croise

Enzũko 11:7

Mwase, twandagale, tuhindule omũbũge wabo, ibatatoka erĩowana mũbũge.

Enzũko 2:19

Neryo Omwami Mukulu Nyamuhanga mwabumba omo mutaka obuli nyama yʼomolĩ, nʼobuli nyonyũ syʼomo kyanya. Mwaletasyo oko mundu oyo ngʼakandiahulasyo omo mena wahi. Neryo obuli kindu kyahangi­kawa ekiriho, erĩna eryo alukakyo molyabya lĩna lyakyo.

Enzũko 3:22

Neryo Omwami Mukulu Nyamuhanga mwabũga, ati, Lebaya, omundu oyũ abiribya nga muguma gʼũkwʼĩtwe, eriminya ebibuya nʼebibi. Lino syaswehĩra ebyala biwe erioha ebĩgũma byʼomuti wʼengebe, nʼerirya kubyo, akabyaho akakota.

Enzũko 5:1

Ekĩ kye kitabu kyʼesyondengo sya Adamu. Oko kiro Nyamuhanga ahangika omundu, mwamuyira omo kĩsosekanĩo kya Nyamuhanga.

Enzũko 9:6

Omundundi oyũkũta omusasi wʼomundu, omusasi wuwe asyũtwa nʼomundu, kusangwa Nyamuhanga mwahangika omundu omo kĩsosekanĩo kiwe.

Yobũ 35:10

Nĩkwa sihali oyũkabũga ati, Nyamuhanga Omũhangĩkĩ wage ali hahi? Oyukaha esyonyimbo omo kiro,

Yobũ 39:11

Wasyayiketerayo kusangwa amaka wayo ni manene kwehĩ? Kutse wasyasĩgĩrayo omũbĩrĩ wawe kwehĩ?

Yobũ 5:23

Amalima wasyalima syendisyabanika mo mabwe; Nʼesyonyama syʼomolĩ sisyendisyakuluma.

Esyonyimbo 100:3

Simwibirirawe Omwami Mukulu ko ni Nyamuhanga! Iye mwatuhangika, netu tuli buwe, Tuli bandu buwe, tuli kihangulo kiwe.

Esyonyimbo 149:2

Uwe Ĩsraelĩ, utseme, busana nʼmũhangĩkĩ wawe; Ĩnywe bandu bʼeSĩonĩ, mutseme, busana nʼomwami wenyũ!

Omũgambũlĩ 7:29

Lebaya, namabana ekĩ ĩkyokyene: nyiti Nyamuhanga mwahangika abandu batunganene; nĩkwa mobasondya ebĩhĩmbano bingi.

Olwimbo lwʼEsyonyimbo 1:11

Tukandisyakulukira ebikarara byʼesyamagetsi Haguma nʼesyongwangĩ syʼekĩtsĩpa.

Ĩsaya 45:18

Omwami Mukulu oyo wahangika olubula. Iye ni Nyamuhanga oyo wabumba ekihugo, nʼerihangikakyo mwahanganĩakyo, mwatahangikakyo eribya mulala, mwabumbakyo kyĩkalawemo ati, Ĩngye indi Mwami Mukulu sihali gundi.

Ĩsaya 6:8

Neryo monowa omulenge wʼOmwami Mukulu ati, Nganditumandi, nandi akanditugendera kwehĩ? Neryo monabũga nyiti, Ĩngye yono hano. Unyitume!

Ĩsaya 64:8

Nĩkwa lino, Uwe Mwami Mukulu, uwe uli Tata wetu. Tuli eribumba, nawe uli mũbũmbi wetu. Ĩtwe bosĩ tuli mũbĩrĩ wʼebyala byawe.

Yeremĩa 27:6

Na lino nabiriha ebihugo byosĩ ebĩ omo byala bya Nebũkadeneza omwami wʼeBabelĩ, omugombe wage. Kandi nabirimuha esyonyama syʼomolĩ erimukolera.

Yoane 14:23

Yesu mwamũsũbĩrya ati, Omundu amanyanza asyakenga ekĩnywa kyage. Kandi Tata wage asyamwanza netu twasyamũhĩkako, ĩtwakokotya obwĩkalo bwetu haguma naye.

Yoane 5:17

Nĩkwa Yesu mwasũbĩryabo ati, Tata wage akakola emigulu yosĩ, ĩngye nage ngakola.

Emibiri 17:20

Emyatsi eyo tũkowa ũkabũga ni yʼehandi eyo tũtasĩ, neryo twanzĩre eriminya omũsĩndo wayo,

Emibiri 17:26

Kandi omo mundu muguma mwahangika ebihanda byosĩ byʼabandu erĩĩkala omo kihugo ehosĩ. Kandi mwasoha emigulu yabo, nʼemitano yʼobwĩkalo bwabo.

1 AbanyaKorinto 11:7

Omulume siangaswika omutwe wuwe, kusangwa iye akakanganaya ekĩsosekanĩo nʼolukengerwa bya Nyamuhanga. Nĩkwa omũkalĩ akakanganaya olukengerwa lwʼomulume.

2 AbanyaKorinto 3:18

Neryo kusangwa situwite ekitambara oko bũsũ bwetu, tũkakanganaya ngʼomo kiyo olukengerwa lwʼOmukama. Kandi busana nʼolukengerwa luwe tũkahĩndũkĩbawa omo kĩsosekanĩo kiwe omo lukengerwa luwe, kusangwa lũkalũa oko Mukama oyuli Mũlĩmũ.

2 AbanyaKorinto 4:4

Sĩbalĩkĩrĩraya kusangwa nyamuhanga mubi wʼekihugo kino abĩrĩrĩba ameso wʼobũlengekanĩa bwabo ati sibalangire ekyakakala kyʼEngulu Yowene eyʼolukengerwa lwa Kristo, oyuli kĩsosekanĩo kya Nyamuhanga.

AbanyaEfeso 4:24

Mubye bandu bahya-bahya abahangikawa omo kĩsosekanĩo kya Nyamuhanga, omo bitunganene nʼomo bĩbũyĩrĩre byʼekwenene.

AbanyaKolosai 1:15

Kristo nĩ kĩsosekanĩo kya Nyamuhanga oyutelolawako. Kristo ni Mugala akambere, oyũlabĩre ebyosĩ byahangikawa.

AbanyaKolosai 3:10

Kandi mwabiriambala omundu muhya-muhya, oyo Nyamuhanga, mũhangĩkĩ wuwe akabindula, itwatoka erimusosa nʼerimuminya ndeke.

Yakobo 3:7

Abandu bakabegeraya emihanda yosĩ yʼesyonyama esyʼomolĩ, nʼesyonyonyũ, nʼesyonyama esikakululuka, nʼesyosĩ syʼomo ngetsi, kandi babĩrĩbegerya esyosĩ.

Yakobo 3:9

Omo lulimi tukapipa Omukama wetu na Tata; kandi mulo tukatakira abandu abahangikawa omo kĩsosekanĩo kya Nyamuhanga!

1 Yoane 5:7

Kandi nĩ Mũlĩmũ yo yũkatũlago, kusangwa Omũlĩmũ ni wʼekwenene.