Enzũko 1:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Neryo Nyamuhanga mwahangika esyotala ĩbĩrĩ esyonenenene; etala nene eritabala omo musibo, nʼetala nge eritabala omo kiro; mwahangika nʼesyongũnũnũ nibya.

Enzũko 1:16 Iomraidhean Croise

Enzũko 1:15

Nabyo bibye busana nʼesyotala omo mwanya wʼelubula erĩkolerya ekihugo; neryo mobyabya bitya.

Yobũ 31:26

Sĩndĩtaramya eryuba omugulu lyabĩrĩkolerya, Kutse omukera omwʼikanga lyago,

Yobũ 38:7

Omugulu esyongũnũnũ syʼengyakya-ngyakya syimbira haguma, Nʼabagala bosĩ ba Nyamuhanga mobũta obogo busana nʼobutseme.

Esyonyimbo 148:3

Mumupipe, ĩnywe eryuba nʼomukera; Mumupipe, ĩnywe esyongũnũnũ esĩkakangabasanaya!

Esyonyimbo 148:5

Ebyosĩ ebĩ, bipipe erĩna lyʼOmwami Mukulu! Iye mwahana, neryo mobyahangikwa.

Esyonyimbo 19:6

Lĩkatsũka oko ndũlĩ nguma yʼekyanya, Neryo lĩkatĩmba oko yindi ndũlĩ yakyo; Isihali kindu ekĩkabĩsama ekĩhũhanĩ kyalyo.

Esyonyimbo 74:16

Mowahangika omusibo nʼekiro, Kandi mowahĩra eryuba nʼomukera omo myanya yabyo.

Esyonyimbo 8:3

Omugulu ngasamalira olubula lwawe, omũbĩrĩ wʼeminwe yawe, Nʼomukera nʼesyongũnũnũ, ebyo wabĩrĩhĩra aho wabyo;

Ĩsaya 13:10

Kusangwa esyongũnũnũ syʼekyanya nʼesyondeko syasyo sisyendisyaleta ekyakakala kyasyo; nʼeryuba lyasyakĩna omugulu rikahuluka, nʼomukera asyaleka erĩkolerya lyago.

Ĩsaya 24:23

Oko mugulu oyo, omukera asyahemuka, nʼeryuba lyasyakwa esĩsonĩ, kusangwa Omwami Mukulu wʼemilondo asyatabala oko Kitwa kyʼeSĩonĩ, nʼeYerũsalema, nʼolukengerwa luwe lwasyabya embere syʼabakulu buwe.

Ĩsaya 40:26

Musumbe ameso wenyũ endata, mulangire oyo wahangika esyongũnũnũ esĩ, Oyukasondola emilondo yasyo omo miganzo. Akabirikira esyosĩ omo mena wasyo. Busana nʼobukulu bwʼobũtokĩ buwe, na busana nʼakagala kʼamaka wuwe, sihali kiguma ekikabula.

Ĩsaya 45:7

Ĩngye yo yukayira ekyakakala, kandi ngahangika omwĩrĩmya. Ngahĩra Obuholo, nʼerihangika erĩkwa. Ĩngye indi Mwami Mukulu, oyukakola emyatsi yosĩ eyĩ.

Yeremĩa 31:35

Omwami Mukulu akabũga, oyukaha eryuba busana nʼekyakakala omo musibo, nʼebihano bĩtegekenĩe byʼomukera nʼesyongũnũnũ busana nʼekyakakala omo kiro, oyũkatabũla engetsi kikaleka ebisunda byayo ibyahuha. Omwami Mukulu wʼemilondo lyo lĩna liwe.

Habakũkĩ 3:11

Eryuba nʼomukera mobyahangana omo myanya yabyo, Oko kyakakala kyʼemisoha yawe mobyalũaho, Okwʼĩkangabasanĩa lyʼerĩtũmo lyawe erĩkahenaya.

Matayo 24:29

Nĩkwa neryo-neryo enyũma wʼobũlĩge bwʼebiro ebyo, eryuba lyasyabya mwĩrĩmya, nʼomukera siendisyaswakola, nʼesyongũnũnũ syasyatogonga erĩlũa omo kyanya, nʼebyʼamaka byʼomo kyanya byasyatenga-tenganĩbwa.

Matayo 27:45

Neryo bwabere bwahĩka saa ndatu omwĩrĩmya mwaswika ekihugo kyosĩ, erĩhĩka oko saa tĩsa.

1 AbanyaKorinto 15:41

Eryuba liwite obubuya bwalyo, nʼomukera awite obubuya bwago, nʼesyongũnũnũ nasyo siwite obubuya bwasyo. Kandi esyongũnũnũ siwite obubuya mũsĩndo-mũsĩndo.

Eryibuka Ebihano 4:19

Kandi mukasyalalamira obũtũkũ, kandi omugulu mukalangira eryuba nʼomukera nʼesyongũnũnũ, esyonzige syosĩ syʼekyanya, ukatwalawa erĩramyabyo, nʼerikolerabyo, ebyo Mwami Mukulu abirigabira bandu bosĩ eyĩkwa wʼobũtũkũ.

Eribisurirwa 21:23

Kandi omũyĩ oyo siali nʼobwaga bwʼeryuba kutse omukera byʼerĩkolerya mugo, kusangwa olukengerwa lwa Nyamuhanga lũkakolerayago nʼetala yago ni Kyana kyʼEmbũlĩ.