Enzũko 1:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Neryo Nyamuhanga mwabũga ati, Ekitaka kĩlasaye ebiti, nʼesyonyenyĩ esikabuta embuto, nʼemiti yʼebĩgũma moyaheta kwʼebĩgũma ngʼomũsĩndo wayo, eyiwite embuto yayo, oko kihugo: neryo mobyabya bitya.

Enzũko 1:11 Iomraidhean Croise

Enzũko 1:12

Nʼekitaka mokyalasya ebiti, nʼesyonyenyĩ mosyabuta embuto ngʼomũsĩndo wasyo, nʼemiti moyaheta kwʼebĩgũma obuli mbuto byayo, ngʼomũsĩndo wayo: neryo Nyamuhanga mwalangira ko kyowene.

Enzũko 1:29

Neryo Nyamuhanga mwabũga ati, Lebaya, nabiribaha obuli nyenyĩ esikayira esyombuto, esiri endata oko kihugo kyosĩ, nʼobuli muti owali nʼebĩgũma bikayira embuto; byasyabya kalyo busana nenyũ.

Enzũko 2:16

Neryo Omwami Mukulu Nyamuhanga mwahana omundu oyo ati, Oko bĩgũma byosĩ byʼobuli muti omwʼirima wanganalya kubyo.

Enzũko 2:5

Neryo isihali mwaka wʼomwʼirima omo kihugo, nʼebiti byʼomolĩ isibiri byalasa. Kusangwa Omwami Mukulu Nyamuhanga isiali awĩsya embũla oko kitaka. Isihali mundu oyo wangalima ekitaka.

Enzũko 2:9

Neryo Omwami Mukulu Nyamuhanga mwalasya oko kitaka obuli muti owakowana omo meso, nʼogowene oko kalyo. Kandi mwalasya omuti wʼengebe omo katĩkatĩ kʼeririma, nʼomuti wʼeriminya ekibuya nʼekibi.

Yobũ 28:5

Nĩkwa akalyo kakalũa omo kitaka; Nʼomwisi kikabindulawa ngʼomo muliro.

Esyonyimbo 1:3

Ali ngʼomuti owaherĩre oko mũsĩke wʼolũsĩ; Owakahetaya omo kirimo kyago, Nʼebikoma byago sibiriuma. Nʼebyosĩ omundu oyũ akakola bikatsumulawa.

Esyonyimbo 147:8

Akasanza ebĩtũ oko kyanya; Akabana embũla busana nʼekihugo, Akalasaya ebiti oko bitwa.

Ĩsaya 61:11

Kusangwa ngoko ekitaka kĩkalasaya emigera yakyo, kandi ngʼeririma lĩkalasaya ebyaherawa mulyo: litya Omukama Omwami Mukulu asyahanganĩa eritunganene nʼeripipa embere syʼebihanda byosĩ.

Yeremĩa 17:8

Kusangwa asyabya ngʼomuti owaherĩre hakũhĩ nʼamagetsi, owakasanza emĩrĩhĩ yago hakũhĩ nʼolũsĩ, isyaliubaha omugulu wʼerĩhĩka lyʼekĩhũhanĩ, nĩkwa ekikoma kyago kyasyabya kibisi; kandi omo mwaka wʼobugoma sĩalĩkwa ngitsi, kutse sĩendĩsyũmbya eributa ebĩgũma.

Matayo 3:10

Kandi embasa ĩnĩkĩrye oko mĩrĩhĩ yʼomuti. Obuli muti owatehetaya ebĩgũma byowene akakondawa nʼeriguswa omo muliro.

Matayo 6:30

Nĩkwa Nyamuhanga oyũkambalaya ebiti byʼomolĩ, ebikabyaho mũnabwĩre nʼomo ngyakya bikagusawa omo lĩko, siendĩsyabambalya kwilaba aho ĩnywe bandu bʼerĩkĩrĩrya ĩke kwehĩ?

Mariko 4:28

Ekitaka kikaleka emyaka eyo iyalasa nʼeriera. Erĩmbere emigera ikahuluka, enyũma wʼaho ikasohola, nʼenyũma wʼaho amakũndĩ awerĩre.

1 AbanyaKorinto 15:38

Nĩkwa Nyamuhanga akahayo omubiri ngoko anzĩre, nʼoko buli mbuto akahayo omubiri wayo ĩyoyene.

AbaEbrania 6:7

Nyamuhanga akatsumula ekitaka ekikabana embũla eyikawa kukyo engendo nyingi, ekitaka ekyo kĩkalasaya esyombuto syowene busana nʼabakalima kukyo.

Yakobo 3:12

Kandi balĩkyetu, omuti wʼomũtĩnĩ anganatoka eriheta kwʼebĩgũma byʼemĩzeĩtũnĩ kwehĩ? Kutse omũlĩkĩ wʼebĩnyũ anganatoka eriheta kwʼebĩgũma byʼomũtĩnĩ kwehĩ? Litya amagetsi wʼOmũnyũ siangatoka erĩhũlũkya awasĩhĩre.