Emĩsyo 9:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Amenge abĩrĩhĩmba enyũmba yago; Abiribatsa esyondũyĩ syago sirinda

Emĩsyo 9:1 Iomraidhean Croise

1 Abami 7:21

Neryo mwasingika esyondũyĩ omo bũsekũ bwʼeHekalũ; neryo mwasingika endũyĩ yʼamali, neryo mwahula erĩna lyayo mo Yakĩnĩ; neryo mwasingika endũyĩ yʼamalembe, neryo mwahulayo mo Boazĩ.

1 Abami 7:6

Neryo mwakokotya ekisusu kyʼesyondũyĩ; obuli bwakyo ni maboko makũmĩ atanu, nʼobugali bwakyo amaboko makũmĩ asatu; nʼekisusu embere yasyo; nʼesyondũyĩ nʼekĩsekũ embere wabyo.

Emĩsyo 1:20

Amenge akatũla endulo omo nzira; Akowĩsaya omulenge wago omo bibuga;

Emĩsyo 2:1

Mugala wage, wamalĩga eriangirira ebĩnywa byage, Nʼeriyibikira amahano wage haguma nawe;

Emĩsyo 24:3

Enyũmba ĩkahĩmbawa omo menge; Na busana nʼeriminya ikasingikawa;

Emĩsyo 3:1

Mugala wage, Siwibirirawe erihana lyage; Nĩkwa omutima wawe ategaye amategeko wage.

Emĩsyo 8:1

Kwʼamenge sialibirikira, Nʼamenge sialisumba omulenge wago kwehĩ?

Ĩsaya 55:1

Ego! Obuli mundu oyũkwĩre enyota, mwase oko magetsi; nʼĩnywe mutawite esyofranka mwase, mutugule, mulye; ega, mwase, mugule ebĩnyũ nʼamasabũ butsira franka kandi butsira bũgũlĩ.

Matayo 16:18

Kandi ngakubwira kʼuli Petero, nʼoko lĩbwe erĩ nasyahĩmba ekanĩsa yage; kandi amaka wʼoluholo siendĩsyakĩndayo na kera.

AbanyaGalatia 2:9

Neryo ababya ngʼabasondolĩ, ye Yakobo, na Petero, na Yoane, mobaminya ngoko Nyamuhanga abirimba omũbĩrĩ oyũ, mobanyĩkokya haguma na Baranaba ngʼabasangĩrĩ omo mũbĩrĩ, bati ĩtwe tukole omo katĩkatĩ kʼEbihanda, nabo bakole haguma nʼAbayũda.

1 Timoteo 3:15

Nĩkwa namamala ndambĩ, ngakusakira iwatoka eriminya ngoko abandu bangayĩtondekanĩa omo kĩtũnga kya Nyamuhanga, ekiri ekanĩsa ya Nyamuhanga oyuliho. Ekanĩsa eyo nĩ ndũyĩ nʼeyĩkasĩkaya omwatsi wʼekwenene.

Eribisurirwa 3:12

Oyukakinda, nasyamuyira mo ndũyĩ yʼomo Hekalũ ya Nyamuhanga wage, kandi isiendĩsyalũamo kera na kera. Kandi nasyamusaka kwʼerĩna lya Nyamuhanga wage, nʼerĩna lyʼomũyĩ wa Nyamuhanga wage, go mũyĩ wʼeYerũsalema muhya-muhya, owakandisyandagala akalũa elubula uku Nyamuhanga wage. Kandi nasyamusakako erĩna lyage lihya-lihya.