8 Ũhamayego, nago asyakutandalika; Asyakubanira erĩsĩkĩbwa, omugulu wasyakũmbatirago.
Oluhembo lwʼoyũkayĩkehaya nʼeriubaha lyʼOmwami Mukulu Ni bindu, nʼerĩsĩkya, nʼengebe.
Ebiro bingi biri omo byala byago byʼamali; Nʼomo byala byʼamalembe muli ebindu nʼerĩsĩkya.
Abʼamenge basyalya ebyalagawa byʼolukengerwa; Nĩkwa esĩsonĩ syasyabya byambalo byʼabakĩrũ.
Ebyala biwe byʼamalembe bibye omwisi wʼomutwe wage, Nʼebyala biwe byʼamali binyihambe.
Nĩkwa abandu bʼamenge basyakangabasanĩa ngʼerĩhema lyʼekyanya. Kandi abakasondola abandu bangi eribana ekitunganene, basyakangabasanĩa ngʼesyongũnũnũ kera na kera.
Neryo Omwami Mukulu, Nyamuhanga wa Ĩsraelĩ ati, Kwenene monabũga nyiti ekĩtũnga kyawe, nʼekĩtũnga kya tata wawe, kyasyalendera embere syage emigulu yosĩ; nĩkwa lino Omwami Mukulu ati, Kinyihigukaleko. Kusangwa abakanyĩsĩkaya nasyasĩkyabo, nʼabakanyipona sĩbendĩsyasĩmwa ndeke.