4 Naye mwanyĩkangĩrĩrya, akambwira ati, Omutima wawe abike ebĩnywa byage; Ũtegaye amategeko wage, ubyeho.
Kwenene nabiriyisogaye iniatoka erihana abana buwe nʼenyũmba yiwe enyũma siwe, ĩbateya enzira yʼOmwami Mukulu erikola ekitunganene nʼeritswera eritunganene. Neryo Omwami Mukulu atoke eriretera Abrahamũ yʼebyo amulaga.
Nawe Solomono, mugala wage, Uminye Nyamuhanga wa tata wawe, umukolere nʼomutima owahĩkene nʼomo bũlengekanĩa obukanza; kusangwa Omwami Mukulu akasondaya emitima yosĩ nʼeriminya amaganĩryo gosĩ wʼobũlengekanĩa. Wamamusonda-sonda, asyabanika ukʼuwe; nĩkwa wamamũsĩga, asyakugana kera na kera.
Ngabika emigambo yawe omo mutima wage, Neryo sindiendisyakukolera amalolo.
Amategeko wawe atunganene kera na kera; Umbe eriminya, neryo nasyabyaho.
Ngakenga ebihano byawe, nʼerikangirira, lyawe, Ukalangira ebyosĩ ebyo ngakola.
Ũkangĩrĩraye omwana omo nzira eyimutolere erilabamo, Neryo omugulu asyabya mukulu sĩendĩsyalũa muyo.
Mugala wage, Umba omutima wawe; Nʼameso wawe atsemere esyonzira syage.
Mugala wage, Siwibirirawe erihana lyage; Nĩkwa omutima wawe ategaye amategeko wage.
Kusangwa ebiro bingi, nʼemĩtũta yʼobuyingo, Nʼobuholo byasyakutomekerwako.
Ũtegaye ebihano byage ubyeho; Nʼamahano wage ngʼakalangira kʼerĩso lyawe.
Mutege amatwĩ wenyũ, mwase kwĩngye. Muhulikirire, mutoke eribyaho. Nage nasyayira endagano ya kera na kera haguma nenyũ, ngʼeriganyira literegula eryalagawa uku Dawĩdĩ.
Nĩkwa Yeremĩa mwabũga ati, Sibendisyakuhotera. Kĩsĩ-kĩsĩ nyiti, Ukenge omulenge wʼOmwami Mukulu umwʼebyo ngakubwira, neryo omwatsi asyakowanako, nʼomutima wawe asyabyaho.
Kandi nyĩnasĩ erihana liwe ni ngebe yʼerikota. Neryo emyatsi eyo ngabũga, ngabũga ngoko Tata abirimbwira.
Nenyũ abotata, sĩmũhĩtanaye abana benyũ, nĩkwa mũkũlayebo omo nzira yʼomukama, nʼerikungabo, nʼerĩkangĩrĩryabo, omwʼĩkangĩrĩrya lyʼomukama.
Ekiguma kisa Ũyĩtegaye, Ũtegaye ndeke ekĩrĩmũ kyawe, ukasyibirirwa emyatsi eyo ameso wawe alangira, ĩkasyalũa omo mutima wawe ebiro byosĩ byʼengebe yawe; nĩkwa ũmĩnyĩsayeyo abana bawe, nʼabitsikulu bawe.
Nʼebĩnywa ebyo ngakuhana mũnabwĩre, byasyabya omo mutima wawe;
Neryo ngibuka erĩkĩrĩrya lyawe lyʼekwenene; ngʼeryo mukaka wawe Loĩsĩ na koyo wawe Eũnĩkĩ babya bawite. Kandi nawe nyasĩ uwiteryo nibya.
Kandi ũnasĩ erĩtsũka omo bwana bwawe wabiriminya Amasako Abũyĩrĩre, awakatoka erikuha amenge wʼerikutwala okwʼilamĩbwa busana nʼerĩkĩrĩrya Kristo Yesu.
Kandi abere abiyirwa mʼoyũhĩkene, mwabya nzũko yʼerilama erya kera na kera busana nʼabosĩ abakamowa.
Neryo Manoa mwabũga ati, Lino ebĩnywa byawe bibererere; omwana oyo asyabya ati, twasyamukola tuti kwehĩ?