Emĩsyo 3:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Ũsĩkaye Omwami Mukulu omo bũsokĩ bwawe, Nʼomo buyilula bwʼerikanyirira lyawe lyosĩ.

Emĩsyo 3:9 Iomraidhean Croise

Enzũko 28:22

Nʼerĩbwe eryo nasingika eribya ndũyĩ, lyasyabya nyũmba ya Nyamuhanga. Nʼomo byosĩ wasyamba, kwenene nasyakuha ekiguma kyʼomwʼĩkũmĩ.

2 Emyatsi yʼEmigulu 31:10

Na Azaria omũmĩnyererĩ mukulu, owʼekĩtũnga kya Zadokĩ, mwamũsũbĩrya ati, Erĩtsũka omugulu abandu batsũka erireta esyohongo omo nyũmba yʼOmwami Mukulu, twabiribana ebitutolere byʼerirya nʼebingi kwʼaho, kusangwa Omwami Mukulu abiritsumula abandu buwe; nʼebiriasaka byebĩ ni bingi.

2 Emyatsi yʼEmigulu 31:21

Nʼomo buli mũbĩrĩ ogo atsũka omo mũbĩrĩ wʼenyũmba ya Nyamuhanga, omo migambo nʼomo bihano, erisonda-sonda Nyamuhanga wuwe, mwakolabyo nʼomutima wuwe gosĩ, neryo mwagasa.

Esyonyimbo 144:13

Esyombĩso syetu syũsũle nʼemihanda yosĩ yʼakalyo; Nʼesyombũlĩ omo malĩsĩryo wetu, sibute ehyana elfu ĩkũmĩ!

Erĩlũayo 22:29

Susyerindirira eriha oko byo uliagesa, nʼoko bĩnyũ ukakama. Wasyamba akambere kʼabagala bawe.

Erĩlũayo 23:16

Ekiro kikulu kyʼerigesa ebĩgũma byʼerĩmbere byʼemĩbĩrĩ yawe, eyo wahera omwʼirima; ekiro kikulu kyʼerikumakuma erigesa lyosĩ oko ndũlĩ yʼomwaka, omugulu ũkahĩndanaya ebyo wahingira omwʼirima.

Erĩlũayo 23:19

Ebĩgũma ebĩkatsũka eriera omwʼirima lyawe wasyaletabyo omo nyũmba yʼOmwami Mukulu Nyamuhanga wawe. Sũsyehũka ekyana kyʼembene kyʼomo masabũ wʼenyĩnya wakyo.

Erĩlũayo 34:26

Ebĩkatsũka erihululwa wasyaletabyo omo nyũmba yʼOmwami Mukulu Nyamuhanga wawe. Sũsyehũka ekyana kyʼembene omo masabũ wʼenyĩnya wakyo.

Emĩsyo 11:25

Omutima wʼerĩsũnza asyanenehĩbwa; Nʼoyukaha omundu yʼamagetsi, naye asyahabwago.

Emĩsyo 14:31

Oyũkanũbaya abera akatsuma Omũhangĩkĩ; Nĩkwa oyukaganyira abʼobwaga akamũsĩkaya.

Ĩsaya 43:23

Simulitanyiretera esyombũlĩ syʼamahere wenyũ wʼerĩokererya, kutse momũtanyĩsĩkya omwʼihonga lyenyũ, sinditakũlĩtohya omo mahere kutse sinditakũlũhya omo bukwa obukakumba ndeke.

Abalawĩ 19:25

Nʼoko mwaka wʼakatanu mwasyalya oko bĩgũma byayo, iyatoka eribahetera erikanya lyayo. Ĩngye indi Mwami Mukulu Nyamuhanga wenyũ.

Emiganzo 15:20

Oko buyilula bwʼesĩsyano syenyũ mwasyahonga akatole eribya buhere bwʼerisumba; ngʼobuhere bwʼerisumba bwʼekibuga kyʼerĩhũmbĩrako, ko mwasyasumba bo mutya.

Matayo 25:17

Nʼoyo wabya nʼesyotalanta ĩbĩrĩ mwatũndyasyo, mwabana esindi ĩbĩrĩ.

1 AbanyaKorinto 16:2

Oko buli kiro kyʼeyenga, obuli mundu abike ekihande kyʼendũndĩ akabana, butsira erĩlabya ekĩbo ekiro nasyahĩka.

Eryibuka Ebihano 14:29

NʼOmũlawĩ, kusangwa siawite erĩgabo kutse mwandu haguma nenyũ, nʼowʼehandi, nʼengũbĩ, nʼomũkwakalĩ, abali omo butala bwenyũ, basyasa, basyalya, basyũgũta; Omwami Mukulu Nyamuhanga wenyũ atoke eribatsumula omo mũbĩrĩ gosĩ wʼebyala byenyũ ogo mukakola.