Emĩsyo 3:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Subye wʼamenge omo meso wawe; Gubahe Omwami Mukulu, Ũlũe oko bibi.

Emĩsyo 3:7 Iomraidhean Croise

2 Samwelĩ 12:20

Neryo Dawĩdĩ mwahangana aho, mwayikosa, mwayĩhakabya amagũta, mwambala esindi ngimba; neryo mwayaramya omo nyũmba yʼOmwami Mukulu. Neryo mwahĩka omuwe; nʼomugulu asonda kalyo, mobateka ebyalya embere siwe, neryo mwalya.

Nehemĩa 5:15

Nĩkwa abatabalĩ ababya embere syage mobatsotsoberya bandu, mobĩmya kubo kwʼebyalya nʼebĩnyũ, na kwilaba aho esyosekelĩ makũmĩ ani syʼekĩtsĩpa; ega, nʼabagombe babo mobatabala oko bandu; nĩkwa ĩngye mondakola nyitya busana nʼeriubaha Nyamuhanga.

Yobũ 1:1

Omo kihugo kyʼeŨzĩ habya mundu erĩna liwe iyo Yobũ; nʼomundu oyo abya ahĩkene nʼoyutunganene, nʼoyukakenga Nyamuhanga, ĩnĩakahũtata oko bibi.

Yobũ 28:28

Neryo mwabwira omundu ati, Lebaya, eriubaha lyʼomukama, go na menge; Nʼerireka ebibi ni ʼminya.

Erĩlũayo 20:20

Na Musa mwabwira abandu ati, Simubahe; kusangwa Nyamuhanga alyasa eribalenga, olubahwa luwe lutoke eribya embere syenyũ, ĩsĩmwahalaya.

Emĩsyo 14:16

Omundu wʼamenge akubaha, nʼerĩlũa oko bibi; Nĩkwa omũkĩrũ akayiheka omo pono, isiayitsomene.

Emĩsyo 14:27

Eriubaha lyʼOmwami Mukulu nĩ ngũnũnũko yʼengebe; Omundu iniatoka erĩlũa omo bitego byʼoluholo.

Emĩsyo 16:6

Busana nʼolukogo nʼekwenene ebibi bikalihirawa embanulo; Kandi busana nʼeriubaha lyʼOmwami Mukulu abandu bakayisolola oko kibi.

Emĩsyo 23:4

Sũyĩlũhaye eribya owʼebindu; Ũhũmbaye amenge wawe ĩgowene.

Emĩsyo 26:12

Wamalangira omundu wʼamenge omo meso wuwe ĩyowene kwehĩ? Omũkĩrũ ali kwʼamaha kwilaba oyũ.

Emĩsyo 26:5

Ũsũbĩraye omũkĩrũ ngʼobũkĩrũ buwe, Akasyabya wʼamenge omo meso wuwe ĩyowene.

Emĩsyo 28:11

Omundu wʼebindu ni wʼamenge omo meso wuwe masa; Nĩkwa omwera oyuwite eriminya akamũsondekanaya.

Emĩsyo 28:26

Oyukayiketera omutima wuwe nĩ mũ­kĩrũ; Nĩkwa oyukalendera nʼamenge asyalamĩbwa.

Emĩsyo 8:13

Eriubaha lyʼOmwami Mukulu nĩʼkwa ebibi byʼobusu. Ngakwa eriyipipa lyʼobusu, nʼemiyihalambo, nʼenzira nyibi, Nʼobuno bwʼerĩsĩngĩsĩrya.

Omũgambũlĩ 12:13

Endũlĩ yʼomwatsi oyũ yeyĩ; ebyosĩ byabĩryowĩbwa. Gubahe Nyamuhanga, ũtegaye ebihano biwe, kusangwa ebĩ byo bitolere ndeke busana nʼobuli mundu.

Ĩsaya 5:21

Obũlĩge ukwʼabo abali nʼamenge oko meso wabo, bati ni bagenge omo meso wabo!

AbanyaRoma 11:25

Balĩkyetu, nyanzĩre imwaminya ndeke erĩkũmbo erĩ, mukasyabya nʼamenge omo malengekanĩa wenyũ. Erĩkũmbo lyerĩ liti, erikala hake lyʼomutima lyabirihamba Ĩsraelĩ erĩhĩka aho eriganza NʼEbihanda lyamahĩka uku Nyamuhanga.

AbanyaRoma 12:16

Mubye nʼobũlengekanĩa buguma omo katĩkatĩ kenyũ; Simubye nʼobũlengekanĩa bwʼeriyiheka, nĩkwa musibe nʼabahehere. Simuyiganze ngʼabʼamenge.