Emĩsyo 27:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Erĩbwe lĩrĩtohĩre, nʼemisege ĩrĩtohĩre; Nĩkwa omwaga wʼomũkĩrũ alĩtohĩre kwilaba ebyosĩ bibiri.

Emĩsyo 27:3 Iomraidhean Croise

Enzũko 49:7

Erihitana lyabo litsumawe, kusangwa lyabya lĩkalĩre. Nʼeriagalirwa lyabo litakirawe, kusangwa lyabya butsira erisasira; Nasyagababo ewa Yakobo, Nʼeripanzabo ewa Ĩsraelĩ.

Yobũ 5:2

Amaganĩryo akĩta omũkĩrũ Nʼerihitana lĩkĩta oyũtasĩ kindu.

Emĩsyo 12:16

Obuhitane bwʼomũkĩrũ bukaminyikala lũba; Nĩkwa omũgerekanĩa akabĩsa esĩsonĩ.

Emĩsyo 17:12

Lyowene omundu erĩhĩndana nʼedubu eyabĩrĩhũngwa kwʼekyana kyayo Kwilaba erĩhĩndana nʼomũkĩrũ omo bũkĩrũ buwe.

Emĩsyo 27:2

Ogundi mundu akupipe butsira obuno bwawe; Owʼehandi, butsira emĩnywa yawe.

Emĩsyo 27:4

Erihitana ni ʼtsatsuha, nʼeriagalirwa ni ʼgunga; Nĩkwa nindi wangatoka erihangana embere syʼobũha kwehĩ?

Danĩelĩ 3:19

Neryo Nebũkadeneza mwosũla nʼerikarama, nʼerisosa lyʼobũsũ buwe molyahinduka uku Sadĩrakĩ na Mesakĩ na Abedenego, neryo mwasũbĩrya, mwahamula ati bakaye erirunga ngendo sirinda kwilaba ko lĩkakĩbawa.

Emiganzo 22:27

Neryo omugulu epunda yalangira omũlaĩka wʼOmwami Mukulu, moyabundama ahisi uku Balama; neryo Balama mwahitana, mwaswĩrya epunda yʼomo muti wuwe.

1 Yoane 3:12

Situbye nga Kaĩna, oyo wabya wʼOmubi Oyo, neryo mwĩta mulumuna wuwe. Neryo mwamwĩta busana nakĩ kwehĩ? Kusangwa emĩbĩrĩ ya Kaĩna yabya mibi, nĩkwa eya mulumuna wuwe yabya itunganene.