9 Oko mugulu oyo wasyaminya eritunganene nʼerĩbanza, Nʼeritunganene, nʼobuli nzira yowene.
Ekĩnywa kyawe ni tala yʼerinyisondola, Ni kyakakala busana nʼenzira yage.
Ngaminya kwilaba abakangĩrĩrya bage bosĩ, Kusangwa ngaganĩraya omo bihano byawe.
Omundu oyukakenga Omwami Mukulu, Asyakangĩrĩrĩbwa enzira eyo atolere eriyisoga.
Nasyakũkangĩrĩrya enzira wangalabamo; Nasyakuhana nʼerĩkwĩyĩsya.
Abandu babi sibeminya erĩbanza litunganene; Nĩkwa abakasonda-sonda Omwami Mukulu bakaminya emyatsi yosĩ.
Omugulu ukagenda, ebika byawe sibyendĩsyatwĩkalĩbwa; Nomo wangatibita, siwendĩsyatwĩkala.
Nĩkwa enzira yʼabatunganene iri ngʼekyakakala kyʼomwĩtsange, Ekĩkakoleraya nʼerikanya erĩhĩka oko kiro kĩyĩma-yĩma.
Ngalendera omo nzira yʼeritunganene, Omo katĩkatĩ kʼesyombalu syʼekwenene;
Enzira nene yasyabyayo, nʼembalu, nayo yasyahulwa mo mbalu yʼerĩbũyĩrĩre; abatsandĩre sibendisyalaba muyo. Nĩkwa yasyabya busana nʼabandu abakalabaho. Abandu bakĩrũ sibendisyagalaganda muyo.
Omwami Mukulu, Omũtongolya wawe, Oyũbũyĩrĩre wa Ĩsraelĩ, akabũga ati, Ĩngye indi Mwami Mukulu Nyamuhanga wawe, oyũkakũkangĩrĩraya ubane endũndĩ, oyukakusondola omo nzira eyo wangalenderamo.
Omwami Mukulu ati, Muhangane omo syonzira mulangire, mũbũlaye busana nʼesyonzira sya kera, ahali enzira yowene. Kandi mulendere muyo, mwasyabana eriluhuka busana nʼemitima yenyũ. Nĩkwa mobabũga bati, Sitwendilaba muyo.
Yesu mwamubwira ati, Ĩngye indi nzira, ĩngye indi mwatsi wʼekwenene, ĩngye indi ngebe; sihali mundu ũkahĩka uku Tata ate kwĩngye.