Emĩsyo 2:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Kusangwa Omwami Mukulu yukaha amenge; Nʼomo buno buwe mũkalũa eriminya nʼamenge.

Emĩsyo 2:6 Iomraidhean Croise

1 Abami 10:24

Nʼekihugo kyosĩ mokyasonda aho wa Solomono, erĩowa amenge wuwe ago Nyamuhanga ahĩra omo mutima wuwe.

1 Abami 3:12

lebaya, nabirikola ngʼekĩnywa kyawe. Lebaya, nabirikuha omutima wʼamenge nʼowʼobowĩka; sihetabya oyuli nga we embere syawe, kutse enyũma kuwe sihendisyahangana oyuli nga we.

1 Abami 3:9

Busana nʼekyo, uhe omugombe wawe omutima wʼeriminya eritswera abandu bawe, inatoka eriminyerera omo katĩkatĩ kʼebibuya nʼebibi; kusangwa nindi wangatoka eritswera abandu bawe bangaha aba kwehĩ?

1 Abami 4:29

Na Nyamuhanga mwaha Solomono amenge nʼobowĩka bunene kutsibu, nʼobukulu bwʼomutima ngʼemisege eyiri oko mũsĩke wʼengetsi.

1 Emyatsi yʼEmigulu 22:12

Ekiguma, Omwami Mukulu akuhe amenge nʼeriminya, akuhamule busana nʼAbaĩsraelĩ; litya iwatoka erĩteya ebihano byʼOmwami Mukulu Nyamuhanga wawe.

Ezera 7:25

Nawe Ezera, omo menge wa Nyamuhanga wawe awali omo byala byawe ũhĩre abatwĩ bʼesyombanza nʼabatswerĩ, abangatswera abandu bosĩ abali eyisirya wʼolũsĩ Efũratĩ, abosĩ abasĩ emigambo ya Nyamuhanga wawe; kandi mũkangĩrĩraye oyũtasĩyo.

Nehemĩa 7:5

Neryo Nyamuhanga wage mwahĩra omo mutima wage erĩhĩndanĩa abakulu nʼabatabalĩ, nʼabandu, baganzawe omo syondengo syabo. Kandi moneya ekitabu kyʼesyondengo syʼabandu abatsũka eriasa, moneya ekĩsakĩre kiti,

Yobũ 12:13

Haguma na Nyamuhanga hali amenge nʼamaka; Awite erihana nʼeriminya.

Yobũ 12:16

Haguma naye muli amaka nʼamenge; Oyũkatebĩbawa nʼomũtebya ni buwe.

Yobũ 22:22

Kĩsĩ-kĩsĩ nyiti wangirire erĩkangĩrĩrya omo buno buwe. Ubike ebĩnywa biwe omo mutima wawe.

Yobũ 32:8

Nĩkwa nĩ kĩrĩmũ kya Nyamuhanga, Omũtokĩ Wʼebyosĩ, Kĩkahĩka oko mundu nʼerimuha eriminya.

Esyonyimbo 119:104

Ngabana menge omo migambo yawe, Neryo ngakwa obusu emikolere yosĩ mibi.

Esyonyimbo 119:34

Ũnyĩkũmbũlĩre emigambo yawe, nage nasyakengayo. Nage nasyakwamayo nʼomutima wage gosĩ.

Esyonyimbo 119:98

Ekihano kyawe kiri haguma nage emigulu yosĩ, Kikaleka ĩnalengya esyonzĩgũ syage syosĩ amenge.

Esyonyimbo 19:7

Emigambo yʼOmwami Mukulu ĩhĩkene, ĩkasũbaya omutima; Erĩtũlago lyʼOmwami Mukulu ni kwenene, Likaha amenge oko yukabulago.

Esyonyimbo 19:8

Erihamula lyʼOmwami Mukulu litu­nganene, Lĩkatsemesaya omutima; Ebihano byʼOmwami Mukulu ni bibuya bĩkakoleraya ameso.

Esyonyimbo 51:6

Ukasonda omutima owateregula; Ũsũlaye obũlengekanĩa bwage omo menge wawe.

Esyonyimbo 94:10

Akahana ebihanda, siendisyasuyirabyo kwehĩ? Iye nĩ mũkangĩrĩrya wʼabandu bosĩ, sĩasĩ kwehĩ?

Erĩlũayo 31:3

namamũsũlya nʼOmũlĩmũ wa Nyamuhanga, omo menge, nʼomwʼiminya, nʼomo bowĩka, nʼomo mĩsĩndo yosĩ yʼerikola,

Emĩsyo 6:23

Kusangwa eritegeka ni tala; nʼebihano ni kyakakala; Nʼerikunga lyʼerĩkangĩrĩrya ni nzira yʼengebe.

Omũgambũlĩ 2:26

Kusangwa Nyamuhanga akaha omundu oyuli mubuya omo meso wuwe amenge, nʼeriminya, nʼobutseme. Nĩkwa akaha omukola-nabi yʼomũbĩrĩ, wʼerĩhĩndanĩa nʼerikuma-kumira haguma, iniatoka eriha omundu oyuli mubuya omo meso wa Nyamuhanga. Ekĩ nakyo ni busa nʼerikwamirira erihunga.

Ĩsaya 54:13

Nʼabagala bawe bosĩ basyakangĩrĩrĩbwa nʼOmwami Mukulu, nʼobuholo bwʼabagala bawe bwasyabya bungi.

Ĩsaya 8:20

Okwʼĩkangĩrĩrya nʼokwʼĩtũlago! Bamatĩndabũga ngʼekĩnywa ekĩ, ni kusangwa sibawite eryibuka.

Danĩelĩ 1:17

Nĩkwa abalwana bani aba, Nyamuhanga mwahabo eriminya, nʼobuminye omwʼiga lyosĩ, nʼamenge; kandi Danĩelĩ abya nʼobowĩka omo syonzolĩ nʼomwʼilota.

Danĩelĩ 2:21

Kandi akabindula emigulu nʼebirimo; akasingula abami, kandi ĩnĩasĩngya abami; akaha amenge oko bʼamenge, akaha eriminya oko banyima;

Danĩelĩ 2:23

Ngakuha ewasĩngya, ngakupipa, uwe Nyamuhanga wʼabotata wage, uwe wanyiha amenge nʼobũtokĩ, na lino wabĩrĩnyĩmĩnyĩsya ebyo twakusondako; kusangwa wabĩrĩtũmĩnyĩsya omwatsi wʼOmwami.

Luka 21:15

Kusangwa nasyabaha ebĩnywa nʼamenge ayo sihali enzĩgũ yenyũ yasyatoka erĩsĩnga kutse eriyigana.

Yoane 6:45

Abamĩnyererĩ mobasaka bati, Abandu bosĩ basyakangĩrĩrĩbwa na Nyamuhanga. Obuli mundu oyũkowa Tata nʼerĩkangĩrĩrĩbwa naye, akahĩka ũkwʼĩngye.

Yakobo 1:17

Obuli lũsũnzo lubuya nʼobuli lũsũnzo lowene, bĩkalũa endata, kandi bikasira uku Tata wʼekyakakala kyosĩ, oyutebinduka kutse eriyihindula.

Yakobo 1:5

Nĩkwa hamabya mundu omo katĩkatĩ kenyũ oyukabula amenge, abũlaye Nyamuhanga oyukaha ndeke oko bandu bosĩ butsira buhemu; neryo omundu oyo asyahabwa amenge ayo.