Danĩelĩ 9:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Eriganyira nʼeribuyira ni byʼOmwami Mukulu Nyamuhanga wetu; kusangwa twabirimuhonako.

Danĩelĩ 9:9 Iomraidhean Croise

2 Samwelĩ 24:14

Neryo Dawĩdĩ mwabwira Gadĩ, ati, Namabulirwa kutsibu; tuwe lino omo byala byʼOmwami Mukulu; kusangwa eriganyira liwe nĩʼnene; kandi Suleke ngawa omo byala byʼomundu.

1 Abami 8:30

Kandi uhulikirire emilake yʼomugombe wawe, nʼeyʼabandu bawe Abaĩsraelĩ, omugulu basyalolya erisaba lyabo hano; ega, gowe omo lubula eyo aho wĩkere; nʼomugulu ũkowa, ubuyire.

Nehemĩa 9:31

Nĩkwa omwʼiganyira lyawe ringi mutabugabo, kutse erĩsĩgabo; kusangwa uli Nyamuhanga wʼolukogo nʼeriganyira.

Esyonyimbo 130:4

Nĩkwa uwe ukatubuyira, Itwatoka erikubaha.

Esyonyimbo 130:7

Uwe Ĩsraelĩ, Uyiketere Omwami Mukulu, Kusangwa olwanzo lwʼOmwami Mukulu silulyusa, Kandi anzĩre emigulu yosĩ erĩtongolya.

Esyonyimbo 62:12

Kandi Mukama, olwanzo olutyusa ni lwawe, Kusangwa uwe Mukama ukaliha obuli mundu ngʼemĩbĩrĩ yiwe kwʼiri.

Esyonyimbo 86:15

Nĩkwa uwe Mukama, uli Nyamuhanga wʼeriganyira, nʼowʼolwanzo. Sulihitana lũba, uli wʼobwenge ebiro byosĩ, Suliregula.

Esyonyimbo 86:5

Uwe Mukama, uli mubuya, kandi ukabwira, Woswĩre mwʼolwanzo olutyusa busana nʼabosĩ abakakulakira.

Ĩsaya 55:7

Omubi aleke enzira yiwe, Nʼomundu utatunganene aleke amalengekanĩa wuwe. Asube oko Mwami Mukulu, Naye asyamuganyira; Asube ahali Nyamuhanga wetu, Kusangwa asyamubuyira ndeke.

Ĩsaya 63:7

Nasyahula obubuya bwʼeriganyira lyʼOmwami Mukulu, nʼeripipa lyʼOmwami Mukulu, ngʼebyosĩ ebyo Mwami Mukulu abirituha, nʼobubuya bunene oko kĩtũnga kya Ĩsraelĩ, obo abirihabo ngʼeriganyira liwe, kandi ngʼobubuya bunene buwe bʼolwanzo.

Yeremĩa 14:7

Nomo ebibi byetu bikatuhandikirira, uwe, Mwami Mukulu, Ukole busana nʼerĩna lyawe. Kusangwa kwenene eritswa lyetu ni ringi. Twabĩrĩkũhalyako.

Ezekĩelĩ 20:13

Nĩkwa ekihanda kya Ĩsraelĩ mokyanyihonako omo mbwarara. Mobatalendera omo bihano byage, kandi mobagana eritswera lyage, ebyo mundu amakolabyo iniabyaho busana nabyo, nʼesyo Sabato syage mobatsumasyo kutsibu. Neryo monabũga nyiti ngandĩũtũlĩra kubo kwʼerihitana lyage omo mbwarara, eribugabo.

Danĩelĩ 9:5

twabirikola nabi, nʼerikola nʼepono, twabirikola amalolo, twabirihona, erikitira emũsĩke oko bihano byawe nʼamahamulo wawe.

Danĩelĩ 9:6

Kutse sitwetahulikirira abagombe bawe abamĩnyererĩ, ababũga omo lĩna lyawe oko bami betu, nʼabanya-mwami betu nʼabotata wetu, nʼabandu bosĩ bʼekihugo.

Danĩelĩ 9:7

Uwe Mukama, eritunganene ni ryawe, nĩkwa ũkwʼĩtwe tũhemũkĩre, ngoko biri mũnabwĩre; oko bandu ba Yũda, nʼoko ndũlanĩ syʼeYerũsalema, nʼoko Ĩsraelĩ bosĩ, abali hakũhĩ nʼabali ehali omo bihugo byosĩ eyo wahigirabo, busana nʼerĩhalya lyabo eryo bakũhalĩraya.

Danĩelĩ 9:8

Uwe Mwami Mukulu, erihemuka ni ryetu, nʼoko bami betu, nʼoko banya-mwami betu, nʼoko botata wetu, kusangwa twabirikukolera nabi.

Yona 4:2

Neryo mwasaba Omwami Mukulu, ati, Ngakusaba uwe Mwami Mukulu, ekĩ si kyo nabũga, omugulu nabya inyikine omo kihugo kyʼewetu? Neryo, busana nʼeritindakola ekĩ monatibita eTarsisi, kusangwa nabya nyasĩ kʼuli Nyamuhanga. Owʼeriganyira, ko goswĩre nʼolukogo, isulihitana lũba, iguli wʼerisasira lingi, igukayisubako busana nʼobũhasya.