Danĩelĩ 9:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ twabirikola nabi, nʼerikola nʼepono, twabirikola amalolo, twabirihona, erikitira emũsĩke oko bihano byawe nʼamahamulo wawe.

Danĩelĩ 9:5 Iomraidhean Croise

2 Abami 18:12

kusangwa mobatakenga omulenge wʼOmwami Mukulu Nyamuhanga wabo, nĩkwa mobahalya oko ndagano yiwe, nʼebyosĩ ebyo Musa omugombe wʼOmwami Mukulu ahana, kandi mobatalĩga erĩowabyo, kutse erikolabyo.

2 Abami 21:15

kusangwa babirikola ebibi omo meso wage, kandi babĩrĩnyĩhĩtanĩa, erĩtsũka ekiro abotata-kulu wabo balũa eMĩsĩrĩ, nʼerĩhĩka oko kiro kya mũnabwĩre.

Ezera 9:6

Monabũga, nyiti, Uwe Nyamuhanga wage, namakwa esĩsonĩ nʼerĩkũta-kũta erikusumbira obũsũ bwage, Nyamuhanga wage; kusangwa amalolo wetu amakanya endata oko mitwe yetu, nʼomusango wetu amakanyirira erĩhĩka omo kyanya.

Esyonyimbo 106:6

Twabĩrĩhalya, ngoko aboso-kulu wetu bakola; Twabiribya babi nʼabʼebibi.

Esyonyimbo 119:102

Sinditagaramira ebihano byawe, Kusangwa ni we wanyĩkangĩrĩraya.

Esyonyimbo 119:176

Ngaganga-ganga ngʼembũlĩ eyitere; Wase ũnyĩsonda-sondaye, ĩngye mugombe wawe, Kusangwa sinditagaramira emigambo yawe.

Esyonyimbo 18:21

Nabĩrĩtolya esyonzira syʼOmwami Mukulu, Kandi sĩndĩtayĩhanĩa uku Nyamuhanga wage.

Ĩsaya 53:6

Ĩtwe bosĩ ngʼesyombũlĩ twabiritala. Twabirikita obuli mundu omo nzira yiwe, nĩkwa Omwami Mukulu abirireka ebibi byetu ĩtwe bosĩ erimuwirako.

Ĩsaya 59:13

Tũkahalaya nʼerigana Omwami Mukulu nʼerikita erikwama Nyamuhanga wetu, erĩbũga ebyʼerĩnũbya, nʼerihona, eriheka obukule bwʼebĩnywa byʼamabehĩ omo mutima nʼerĩbũgabyo omo mutima.

Ĩsaya 64:4

Kusangwa erĩtsũka na kera abandu sĩbetowa, kutse eriminya omo matwĩ, kutse erĩso siryetalangira ogundi Nyamuhanga butsira we, oyukakolera oyukamulinda.

Yeremĩa 14:20

Uwe Mwami Mukulu, tũnasĩ obubi bwetu, nʼamalolo wʼabotata wetu, kusangwa twabĩrĩkũhalyako.

Yeremĩa 14:7

Nomo ebibi byetu bikatuhandikirira, uwe, Mwami Mukulu, Ukole busana nʼerĩna lyawe. Kusangwa kwenene eritswa lyetu ni ringi. Twabĩrĩkũhalyako.

Yeremĩa 3:25

Tugotsere ahisi omwʼĩsonĩ syetu, nʼerihemula lyetu lituswike; kusangwa twabĩrĩhalya oko Mwami Mukulu, Nyamuhanga wetu, ĩtwe nʼabotata wetu, erĩtsũka omo bũlwana bwetu nʼerĩhĩka mũnabwĩre. Kandi situlitakenga omulenge wʼOmwami Mukulu, Nyamuhanga wetu.

Yeremĩa 30:14

Abĩra bawe bosĩ babirikwibirirwa. Sibekusonda-sonda, kusangwa nabĩrĩkũhũtalya nʼekironda kyʼenzĩgũ, nʼerisuyira lyʼomundu Ũkalĩre, kusangwa ebibi byawe ni binene, nʼebibi byawe bĩkanyĩre.

Yeremĩa 44:3

Busana nʼebibi byabo ebyo bakola nʼerĩnyĩhĩtanĩa, kusangwa mobayahĩsya obukwa, nʼerikolera esindi nyamuhanga, esyo batabya basĩ, kutse ibo, kutse ĩnywe, kutse abotata wenyũ.

Ekiriro 1:18

Omwami Mukulu yutunganene, Kusangwa nabirihona oko kihano kiwe. Mowe lino, ĩnywe bandu bosĩ, Kandi mũlebaye obũlĩge bwage. Abambesa bage nʼabalwana bage Babiriya omo bunyegwa.

Ekiriro 1:20

Uwe Mwami Mukulu, ũlebaye, kusangwa indi omo bũlĩge, Nʼomutima wage amayĩhũmbanga. Omutima wage abiribinduka omwisi wage, Kusangwa nabirihona nabi. Omo nzira omũyalĩ akĩta, Nʼomo nyũmba iri ngʼoluholo.

Ekiriro 3:42

Twabĩrĩhalya twabirihona. Nawe sulitatubuyira.

Ezekĩelĩ 5:6

Nĩkwa abirihona oko bilayiro byage erikola ebibi kwilaba ebihanda, nʼerihona oko migambo yage kwilaba ebihugo ebĩtĩmbĩreko. Kusangwa babirigana ebilayiro byage, kandi emigambo yage sibetakwamayo.

Ezekĩelĩ 6:9

Nenyũ abakasyabala mwasyanyibuka omo katĩkatĩ kʼebihanda eyo babirihekwa mo banyegwa, ngoko nabiriagalwa omo mutima busana nʼemitima yabo yʼerĩsĩngĩra, eyabĩrĩnyĩsĩga, na busana nʼameso wabo, awakagendera omwʼĩsĩngĩra lyʼesyosanamu syabo. Nabo basyayĩkwa obusu omo meso wabo busana nʼebibi ebyo babirikola, omo nye syabo syosĩ.

Danĩelĩ 9:11

Ega, Ĩsraelĩ bosĩ babĩrĩhalya oko bihano byawe, nʼerikitira ehandi, sĩbowe omulenge wawe; kyaleka eritakira ĩryahĩrwa ũkwʼĩtwe, nʼerĩlahĩrya eryasakawa omo bihano bya Musa omugombe wa Nyamuhanga; kusangwa twabirimukola nabi.

Danĩelĩ 9:15

Na lino uwe Mwami Mukulu Nyamuhanga wetu, oyo wabĩrĩlũsya abandu bawe omo kihugo kyʼeMĩsĩrĩ omo byala byʼamaka, kandi wabiriyibanira erĩkũmayira nga mũnabwĩre; twabirikola nabi, twabĩrĩhalya.

Danĩelĩ 9:9

Eriganyira nʼeribuyira ni byʼOmwami Mukulu Nyamuhanga wetu; kusangwa twabirimuhonako.

Hosea 1:2

Omugulu Omwami Mukulu abũga na Hosea, Omwami Mukulu mwabwira Hosea ati, Ugende, ũyĩhĩkĩraye omũkalĩ wʼoluteto nʼabana bʼobũtetĩ; kusangwa ekihugo kikakola obũsĩngĩrĩ bunene, erĩlũa oko Mwami Mukulu.

Malakĩ 3:7

Erĩtsũka oko biro byʼabotata wenyũ mwabirikita erĩlũa oko migambo yage, isimũlĩtateyayo. Omwami Mukulu Wʼemilondo ati, Munyisubeko, nage nasyabasubako. Nĩkwa ĩnywe muti, Twasyasubula tuti kwehĩ?

AbaEbrania 3:12

Neryo balĩkyetu, mũtegaye, Sihabye mundu muguma omo katĩkatĩ kenyũ, owʼomutima mubi nʼowʼerĩtendĩkĩrĩrya, ebikaleka akalũa uku Nyamuhanga oyuliho.