Danĩelĩ 9:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Neryo monasaba Omwami Mukulu Nyamuhanga wage, monakanganĩa, nyiti, Ĩyoo, Uwe Mukama, Nyamuhanga Mukulu nʼowʼerĩũbahya, oyũkategaya endagano yiwe, nʼobubuya buwe bʼolwanzo ukwʼabo abamwanzĩre nʼabakategaya ebihano biwe,

Danĩelĩ 9:4 Iomraidhean Croise

1 Abami 8:23

Mwabũga ati, Uwe Mwami Mukulu, Nyamuhanga wa Ĩsraelĩ, sihali Nyamuhanga oyuli nga we, omo lubula endata, kutse omo kihugo eyĩkwa; oyũkategaya endagane nʼobubuya bwʼolwanzo busana nʼabagombe bawe, abakalendera embere syawe nʼomutima wabo gosĩ.

2 Emyatsi yʼEmigulu 7:14

abandu bage abakahulawa omo lĩna lyage, bamayĩkehya, nʼerĩsaba, nʼerĩsonda-sondya obũsũ bwage, nʼeribinduka oko syonzira syabo nyibi; neryo omo lubula, nasyowa nʼeribuyira ebibi byabo, nʼerĩlamya ekihugo kyabo.

Ezera 10:1

Neryo omugulu Ezera abya akasaba nʼeritsira ebibi, iniakalira nʼeriyigusanga ahisi embere wʼenyũmba ya Nyamuhanga, endeko nene kutsibu moyahĩndana aho ali erĩlũa omo Baĩsraelĩ, abalume nʼabakalĩ nʼabana; kusangwa abandu mobalira kutsibu.

Nehemĩa 1:5

Neryo monabũga nyiti, Ngakulemba, uwe Mwami Mukulu, Nyamuhanga wʼelubula, Nyamuhanga Mukulu, nʼowʼerĩswekya, oyũkaberereraya endagano nʼekibuya kyʼolwanzo oko bandu bakamwanza nʼerĩteya ebihano biwe.

Nehemĩa 9:32

Neryo lino, Nyamuhanga wetu, omukulu, nʼowʼobũtokĩ, na Nyamuhanga wʼerĩũbahya, oyũkategaya endagano nʼobubuya bʼolwanzo, supone obũlĩge bosĩ obo, Suleke bukabya nga buke embere syawe obwabĩrĩtũhĩkako, nʼoko bami betu, nʼabakulu betu, nʼabahererĩ betu, nʼabamĩnyererĩ betu, nʼabotata wetu, nʼabandu bawe bosĩ, erĩtsũka oko mugulu wʼabami bʼeAsũrĩa nʼerĩhĩka mũnabwĩre.

Esyonyimbo 32:5

Neryo monakũkangya ebibi byage, Mondabĩsa erikola nabi lyage. Monabũga nyiti, Ngandĩkangya Omwami Mukulu amalolo wage; Nawe mowabuyira embuga yʼebibi byage.

Erĩlũayo 20:6

nʼerĩkangya obubuya bʼolwanzo oko elfu nʼamaelfu wʼabandu abanyanzĩre nʼerĩteya ebihano byage.

Yeremĩa 3:13

Ekiguma, uyisinge ebibi byawe, uti wabĩrĩhalya oko Mwami Mukulu Nyamuhanga wawe, kandi ko wabiripanza-panza obutaga bwawe oko bʼehandi omo ndĩna yʼobuli muti mubisi, kandi ko mutakenga omulenge wage, Omwami Mukulu atya.

Yeremĩa 32:23

Nabo mobingira mukyo, mobasĩgalyakyo, nĩkwa mobatakenga omulenge wawe, kutse erirendera omo mugambo wawe. Sibetakola ekĩnywa nʼekiguma omo byosĩ ebyo wahanabo erikola. Busana nʼekyo wabirireta erĩkwa erĩ ryosĩ kubo.

Danĩelĩ 6:10

Neryo omugulu Danĩelĩ aminya kwʼamasako ayo abirihandikwa kwʼerĩna lyʼOmwami, mwingira omo nyũmba yiwe (amadĩrĩsa wuwe inianakĩngwĩre omo kyumba kiwe kyʼendata ekikalola ebwanga bwʼeYerũsalema); neryo mwaswakũkamira oko marwĩ wuwe ngendo ĩsatu obuli kiro, mwasaba nʼeriha ewasĩngya embere sya Nyamuhanga wuwe, ngoko anabya akakola.

Danĩelĩ 9:3

Neryo monalolya obũsũ bwage oko Mwami Mukulu Nyamuhanga, erĩmũsondya busana nʼerisaba nʼerilaka, haguma nʼeritsira akalyo nʼeriambala emitole nʼerĩbũ.

Luka 1:72

Erĩkangya eriganyira liwe oko botata wetu, Nʼeribuka endagane yiwe ĩbũyĩrĩre.

AbanyaRoma 8:28

Tũnasĩ ngoko Nyamuhanga akaleka emyatsi yosĩ ĩyowana busana nʼabakamwanza, kandi busana nʼabo abirikira ngʼerĩyĩsũnza liwe.

Eryibuka Ebihano 5:10

nʼerĩkangya obubuya bwʼolwanzo oko maelfu wʼabakanyanza nʼerĩteya ebihano byage.

Eryibuka Ebihano 7:12

Neryo kusangwa mukahulikirira eritswera erĩ, nʼerĩteyalyo nʼerikolalyo, Omwami Mukulu Nyamuhanga wawe asyaberererya ũkwʼĩnywe endagano bubuya bʼolwanzo ebyo alahĩrĩraya abotata-kulu bawe.

Eryibuka Ebihano 7:21

Simusyubahabo; kusangwa Omwami Mukulu Nyamuhanga wenyũ ali omo katĩkatĩ kenyũ, Nyamuhanga munene nʼoyũkaswekaya.

Eryibuka Ebihano 7:9

Neryo Uminye ko Mwami Mukulu Nyamuhanga wawe, iye ni Nyamuhanga, Nyamuhanga wʼeritendiregula, oyũkaberereraya endagano nʼobwenge oko bamwanzĩre nʼabakabika ebihano biwe erĩhĩka oko syondengo elfu.

Yakobo 1:12

Obutseme buli nʼomundu oyũkasĩka omwʼirengwako, kusangwa amabitoka erirengwako asyangirira embĩta yʼengebe, eyo Nyamuhanga abirilaga abamwanzĩre.

Yakobo 2:5

Abalĩkyetu banze, muhulikirire ndeke! Nyamuhanga mwayisoga abera bʼekihugo eribya ngʼabandu bʼebindu omwʼĩkĩrĩrya, abasyabana Obwami obo Nyamuhanga abirilaga oko bakamwanza.