Danĩelĩ 9:27 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁷ Naye asyahĩra endagano eyĩsĩkĩre haguma nʼabangi busana nʼebiro birinda, nʼomo katĩkatĩ kʼebiro birinda ebyo, asyatsĩrĩsya ehongo nʼobuhere bwʼeyĩsyano; nʼoko byʼesyonye esĩ, omundu muguma asyasa oyukayira ekĩma; erĩhĩka aho erihera kũndũ lyasyahĩrwa ukwʼoyukayira ekĩma.

Danĩelĩ 9:27 Iomraidhean Croise

Ĩsaya 28:15

Kusangwa mwabĩrĩbũga muti, Twabiriyira endagano nʼoluholo, twabirisakana nʼeKũlĩmũ. Omugulu ekĩhũnzo kyʼeribwaga kyasyalaba, sikyendĩsyatũhĩkako; kusangwa twabiriyira amabehĩ eribya busayiro bwetu, kandi twabĩrĩyĩbĩsa omwʼĩtebya.

Ĩsaya 28:22

Neryo lino Simubye ngʼabatelemĩ, ebikono byenyũ bĩkasyawatĩbwa nʼamaka, kusangwa nabĩrĩowa erihana lyʼerĩherya oko kihugo kyosĩ lĩkalũa oko Mukama, Omwami Mukulu wʼemilondo.

Ĩsaya 42:6

Ingye indi Mwami Mukulu, nabirikubirikira omo litunganene, kandi nasyakuwata oko byala, kandi nasyakũteya, nʼerikuha eribya ndagano oko bandu, nʼekyakakala oko bihanda,

Ĩsaya 53:11

Busana nʼeriagalwa lyʼomutima wuwe, asyalangira ekyakakala nʼerĩsĩma. Busana nʼamenge wuwe, Oyutunganene, omugombe wage, asyayira abangi mo batunganene, kandi asyaheka ebibi byabo.

Ĩsaya 55:3

Mutege amatwĩ wenyũ, mwase kwĩngye. Muhulikirire, mutoke eribyaho. Nage nasyayira endagano ya kera na kera haguma nenyũ, ngʼeriganyira literegula eryalagawa uku Dawĩdĩ.

Yeremĩa 7:30

Kusangwa Omwami Mukulu ati, Abana ba Yũda babirikola ekibi omo meso wage. Babĩrĩhĩra ebyʼesyonye omo nyũmba eyikahulawa oko lĩna lyage, erĩtsandyayo.

Danĩelĩ 11:31

Neryo emilondo yiwe yasyahangana nʼerĩtsandya ahakongotere habũyĩrĩre, nʼerĩlũsya obuhere bwʼebiro byosĩ. Kandi basyahanganĩa enye yʼerĩherya.

Danĩelĩ 11:36

Neryo omwami oyo asyakola ngoko anzĩre, kandi asyayĩhamya nʼeriyipipa endata oko buli nyamuhanga, kandi asyabũga ebĩnywa bitsibu erilwa na Nyamuhanga wʼesyonyamuhanga; kandi asyagasa erĩhĩka aho mugulu wʼerihitana asyahwera, kusangwa ekyahamulawa kyasyakolwa.

Danĩelĩ 12:11

Kandi erĩtsũka omugulu obuhere bwʼebiro byosĩ bwasyalũsĩbwaho, nʼekyʼesyonye syʼerĩherya kyasyahanganĩbwa, hasyabya ebiro elfu nguma nʼamagana abiri nʼamakũmĩ mwenda (1,290).

Danĩelĩ 7:25

Naye asyabũga ebĩnywa byʼamalwa busana nʼOwendata Kutsibu, kandi asyalũhya abandu ba Nyamuhanga oyũ Owendata Kutsibu; kandi asyaganĩrya eribindula emigulu nʼemigambo, nʼabandu ba Nyamuhanga basyahĩrwa omo byala biwe oko mugulu nʼemigulu nʼoluhande lwʼomugulu.

Danĩelĩ 8:13

Neryo monowa omundu ũbũyĩrĩre akabũga, kandi ogundi mundu ũbũyĩrĩre mwabwira oyo wabya akabũga ati, Erilota erĩ busana nʼobuhere bwʼebiro byosĩ lyasyabya oko mugulu wahi, omugulu erĩlolo likinaleta ekitsibu kyʼeriherya ekikaleka ahabũyĩrĩre nʼomulondo erĩryatangiriribwa ahisi kwehĩ?

Hosea 3:4

Kusangwa abana ba Ĩsraelĩ basyĩkala biro bingi butsira mwami, kutse mukulu, kutse erihonga amahere, kutse endũyĩ ĩbũyĩrĩre, kutse efodĩ nʼeterafĩmũ.

Emiganzo 7:62

nʼomũko muguma wʼesyamagetsi wʼesyosekelĩ ĩkũmĩ, ĩnĩoswĩre kʼobukwa;

Matayo 24:15

Neryo omugulu mwasyalangira ekĩkalĩre kyʼerĩherya ekyahulawa nʼomũmĩnyererĩ Danĩelĩ, ikihangene ahabũyĩrĩre; oyukasoma aminye ndeke!

Matayo 26:28

Kusangwa oyũ ni musasi wage, omusasi wʼendagane, omusasi wage owakũtawa busana nʼabangi, busana nʼeribuyira ebibi.

Matayo 27:51

Neryo lebaya, olukimba olũkasũkũlĩraya olʼomo Hekalũ molwasatika mo bihande bibiri, erĩtsũka endata nʼerĩhĩka ahisi. Nʼekitaka mokyatitimana, nʼamabwe mwasatangika.

Mariko 13:14

Nĩkwa omugulu mwasyalangira ekitsibu ikihangene oko kitatolere, Oyukasoma aminye ndeke. Neryo abali eYũdea basagire oko bitwa.

Luka 21:20

Omugulu mukalangira eYerũsalema ĩnĩnatĩmbĩrweko nʼemilondo yʼamalwa, neryo imwaminya erihera lyago ko lyamabĩhĩka hakũbĩ.

Luka 21:24

Basyahwa busana nʼobukali bwʼomũyalĩ, kandi basyatwalwa mo banyegwa omo bihanda byosĩ. Kandi abʼEbihanda basyalyatangirira eYerũsalema erĩhĩka aho emigulu yʼEbihanda yasyabererera.

AbanyaRoma 11:26

Neryo Abaĩsraelĩ bosĩ basyalamĩbwa, ngoko kĩsakĩre kiti, Omũlamya asyalũa eSĩonĩ, Asyalũsya amalolo oko bana ba Yakobo.

AbanyaRoma 5:15

Adamu ali ngʼekĩsosekanĩo kyʼoyukandisyasa. Nĩkwa olũsũnzo lwa Nyamuhanga silulingene nʼerĩhalya lya Adamu. Kusangwa erĩhalya lyʼomundu muguma molyaleta oluholo lʼoko bandu bangi. Nĩkwa olukogo lwa Nyamuhanga ni lunene kwʼaho, nʼolũsũnzo busana nʼolukogo lwʼomundu muguma, ye Yesu Kristo lwasyakanyirira oko bandu bangi.

AbanyaRoma 5:19

Kusangwa busana nʼerĩtendĩowa lyʼomundu muguma, abandu bangi mobayirwa mo bakola-nabi, neryo litya busana nʼerĩowa lyʼomundu muguma, abandu banene basyayirwa mo batunganene embere sya Nyamuhanga.

AbaEbrania 9:28

Litya Kristo nibya mwahabwa ngendo nguma eriheka ebibi byʼabandu bangi. Kandi asyaminyikala engendo yʼakabiri butsira eriheka ebibi, nĩkwa busana nʼerĩlamya abakamulindirira.