Danĩelĩ 9:25 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁵ Neryo Uminye ũyĩtegereraye, erĩtsũka ekihamulo kyʼerĩsũbya nʼerĩswahĩmba eYerũsalema, erĩhĩka oko Mesĩa Munya-mwami, hasyabya amayenga alinda nʼamayenga makũmĩ ndatu nʼabiri. EYerũsalema yasyaswahĩmbwa haguma nʼesyombalu nʼomugende owakatĩmba, omo migulu yʼobũlĩge nibya.

Danĩelĩ 9:25 Iomraidhean Croise

2 Samwelĩ 15:25

Kandi omwami mwabũga na Zadokĩ, ati, Mũsũbaye erĩsandũko lya Nyamuhanga lyʼeka. Namabana eriganyira omo meso wʼOmwami Mukulu, akandĩsyanyĩsũbũlya, nʼerĩnyĩkangyalyo, nʼaherĩkala liwe.

Ezera 4:24

Neryo omũbĩrĩ wʼenyũmba ya Nyamuhanga eyiri eYerũsalema mũmbya; kandi mũmbya erĩhĩka oko mwaka wʼakabiri wʼeritabala lya Darĩo omwami wʼePersĩa.

Ezera 7:1

Neryo enyũma wʼemyatsi eyĩ, omo butabale bʼomwami Artasasta wʼePersĩa, Ezera mugala wa Seraya, mugala wa Azaria, mugala wa Hĩlĩkĩa,

Ezera 7:8

Neryo Ezera mwasa oko Yerũsalema oko mukera wʼakatanu, owabya mwaka wʼakalinda wʼOmwami.

Nehemĩa 3:1

Neryo omũhererĩ mukulu ye Elĩasĩbũ mwahangana haguma nʼabagala babo bahererĩ, mobahĩmba olũkyo lwʼEsyombũlĩ; mobahigulalo, nʼerĩhanganĩa esyonyũyĩ syalo; mobahigula olũhĩmbo erĩhĩka oko Nyũmba Eyĩsũngũlĩkĩre yʼErĩgana, erĩhĩka oko Nyũmba Eyĩsũngũlĩkĩre ya Hananelĩ.

Nehemĩa 4:2

Neryo mwabũga embere syʼabagala babo nʼembere syʼomulondo wʼeSamarĩa, ati, Abayũda aba batsekemene bakakolakĩ kwehĩ? Basyayikongoteralo kwehĩ? Basyahonga amahere kwehĩ? Basyabugiralo kiro kiguma kwehĩ? Basyatoka erĩsũbya mabwe awabiribya kilundo kyʼolũtũtũ, awabirihya kwehĩ?

Nehemĩa 4:8

Kandi abosĩ mobaya embĩta haguma eriyalwa nʼeYerũsalema, nʼerireta omwaga.

Nehemĩa 6:15

Neryo litya olũhĩmbo molwahwa oko kiro kyʼamakũmĩ abiri nʼebitanu kyʼomukera wʼeElũlĩ, omo biro makũmĩ atanu nʼebibiri.

Esyonyimbo 71:10

Esyonzĩgũ syage, banzĩre erĩnyĩta, Sĩkakanaya eriya embĩta busana nage.

Omũgambũlĩ 3:3

Omugulu wʼerĩĩta, nʼomugulu wʼerĩlamya. Omugulu wʼerĩhĩmbũla, nʼomugulu wʼerĩhĩmba.

Ĩsaya 55:4

Lebaya, nabĩrĩmũhĩra mo mũlangĩrĩ busana nʼebihanda, omũsondolĩ nʼomukulu busana nʼabandu.

Ĩsaya 9:6

Kusangwa omwana asyabutwa busana netu, twasyahabwa omugala, Nʼobutabale bwasyabya oko bitigo biwe. Erĩna liwe lyasyahulwa mo Mũhanĩ Wʼeriswekera. Nyamuhanga Omũtokĩ, Tata Wʼerikota, Omunya-mwami Wʼobuholo.

Danĩelĩ 8:11

Ega, mokayĩhamya kati, kakalingirirana nʼomukulu wʼomulondo; kandi mokamũlũsya kwʼobuhere bwʼerĩokererya, nʼahabũyĩrĩre huwe mohaguswa ahisi.

Danĩelĩ 8:25

Na busana nʼemibere yiwe asyatokesya amatebo omo byala biwe; kandi asyayĩhamya omo mutima wuwe; kandi asyaherya bangi omwʼiyiketera lyabo; kandi asyahangana nʼerilwa nʼOmunya-mwami wʼabanya-mwami; nĩkwa asyatĩndwa butsira omo byala byʼabandu.

Danĩelĩ 9:23

Okwʼĩtsũka lyʼemilake yawe erihana erĩ molyahamulwa, nage namasa erikubwira; kusangwa ũkasĩmawa kutsibu; busana nʼekyo uhulikirire omwatsi, Uminye erilota eryo.

Mĩka 5:1

Uwe mwali wʼemilondo, lino uyitondeke omo milondo; babiritugotera omo malwa; omo mũtso basyaswĩrya omũtswerĩ wa Ĩsraelĩ oko matema.

Mĩka 5:2

Nĩkwa uwe Betelehemũ-Efurata, oyuli muke eribya omo katĩkatĩ kʼamaelfu wʼeYũda, umʼuwe mwasyahuluka omuguma busana nage oyo wasyabya mũtabalĩ omo Ĩsraelĩ, erihuluka liwe litula kera oko migulu ya kera na kera.

Matayo 13:23

Nʼembuto eyabibawa omo kitaka kyowene, yo mundu oyũkowa ekĩnywa akaminyakyo; yo yũkeraya embuto eyo, eyindi mbuto ĩgana, eyindi amakũmĩ ndatu, nʼeyindi amakũmĩ asatu.

Matayo 24:15

Neryo omugulu mwasyalangira ekĩkalĩre kyʼerĩherya ekyahulawa nʼomũmĩnyererĩ Danĩelĩ, ikihangene ahabũyĩrĩre; oyukasoma aminye ndeke!

Mariko 13:14

Nĩkwa omugulu mwasyalangira ekitsibu ikihangene oko kitatolere, Oyukasoma aminye ndeke. Neryo abali eYũdea basagire oko bitwa.

Yoane 1:41

Neryo Anderea mwatsũka eriyabana mugala wabo ye Sĩmonĩ, mwamubwira ati, Twabiribana Masĩya, (Ekĩnywa ekĩ kiti, Kristo).

Yoane 4:25

Omũkalĩ mwabũga na Yesu ati, Nyasĩ Masĩya asyasa, Oyukahulawa mo Kristo, ekiro oyo asyasa, asyatubwira emyatsi yosĩ.

Emibiri 3:15

Kandi momwĩta Omwenye engebe, oyo Nyamuhanga alũbũkaya oko baholĩ. Netu tuli balangĩrĩ bʼebyo.

Emibiri 5:31

Nĩkwa Nyamuhanga mwamũhamya oko byala biwe byʼamali mo Mukulu nʼomũlamya, ahe Ĩsraelĩ eribindula emitima yabo nʼeribuyirwa lyʼebibi.

Emibiri 8:30

Neryo Fĩlĩpo mwatibita eyo ali, nĩkwa mowa akasoma ekitabu kyʼomũmĩnyererĩ Ĩsaya, neryo mwamũbũlya ati, Unemuminya ebyo ukasoma kwehĩ?

AbanyaEfeso 5:16

Sĩmũlabaye ebiro ebĩ byo buyira kusangwa omugulu ono ni mubi.

Eribisurirwa 1:5

kandi bĩkalũa uku Yesu Kristo, omũtũlĩ wʼomwatsi oyuteregula, Omugala, akambere oyo walũbũkĩbawa oko luholo, omũtabalĩ, wʼabami bʼekihugo. Ukwʼoyukatwanza, kandi yo watubohola oko bibi byetu omo musasi wuwe,

Eribisurirwa 19:16

Oko kanzu yiwe nʼoko kihinga kiwe habya hasakĩre erĩna liti, Omwami wʼabami, nʼOmukama wʼAbakama.