Danĩelĩ 9:18 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁸ Uwe Nyamuhanga wage, utege okũtũ kwawe, wowe; ũlĩbũle ameso wawe, ulangire ebĩma byetũ, nʼomũyĩ owakahulawa omo lĩna lyawe. Kusangwa sĩtwehĩra erisaba lyetu embere syawe busana nʼeritunganene lyetu, nĩkwa busana nʼeriganyira lyawe lĩnene.

Danĩelĩ 9:18 Iomraidhean Croise

1 Abami 8:29

Ameso wawe alĩbũkale erĩlolya oko nyũmba eyo omo kiro nʼomwʼitungi, erĩlolyago aho wabiriahula uti, Erĩna lyage lyasyabyaho; erĩowa erisaba eryo mugombe wawe asyasaba akalĩlolya hano.

2 Abami 19:16

Uwe Mwami Mukulu, utege okũtũ kwawe, wowe; uwe Mwami Mukulu, Usumbe ameso wawe, ulangire, wowe ebĩnywa bya Senakarĩbũ, ebyo abirituma ati atsume Nyamuhanga oyuliho.

Esyonyimbo 116:1

Nyanzĩre Omwami Mukulu, kusangwa akanyowa, Akahulikirira erisaba lyage.

Esyonyimbo 25:6

Uwe Mwami Mukulu Wibuke eriganyira libuya lyawe, nʼobubuya bwawe bwʼolwanzo, Kusangwa utula ukanganyira.

Erĩlũayo 3:7

Neryo Omwami Mukulu mwabũga ati, Kwenene nabirilangira amalĩge wʼabandu bage abali eMĩsĩrĩ, nabĩrĩowa ekiriro kyabo busana nʼabĩmanĩrĩ babo; kusangwa nyĩnasĩ amaligo wabo.

Ĩsaya 37:17

Utege okũtũ kwawe, uwe Mwami Mukulu, uhulikirire. Uwe Mwami Mukulu uyire ameso, ulangire. Uhulikirire ebĩnywa byosĩ bya Sanĩharĩbũ, oyo watuma busana nʼeripona Nyamuhanga oyuliho.

Ĩsaya 43:7

obuli mundu oyukahulawa omo lĩna lyage, nʼoyo nabirihangika busana nʼolukengerwa lwage, oyo nahangika, yo nʼoyo nabiribumba.

Ĩsaya 64:12

Uwe Mwami Mukulu, wasyayĩyĩnĩa busana nʼemyatsi eyĩ kwehĩ? Wasyahuna nʼerĩtwagalya kwilaba olulengo kwehĩ?

Ĩsaya 64:6

Kusangwa ĩtwe bosĩ twabiribya ngʼoyũtũnda-tũndĩre, nʼemĩbĩrĩ yetu yosĩ itunganene iri ngʼolukimba lwĩtĩre nye, kandi ĩtwe bosĩ tukuma ngʼekikoma, nʼebibi byetu, bikatuheka ngʼerihunga.

Yeremĩa 14:7

Nomo ebibi byetu bikatuhandikirira, uwe, Mwami Mukulu, Ukole busana nʼerĩna lyawe. Kusangwa kwenene eritswa lyetu ni ringi. Twabĩrĩkũhalyako.

Yeremĩa 14:9

Busana nakĩ ukabya ngʼomundu ukubaha, ngʼembangĩ eyitetoka erĩlamya kwehĩ? Nĩkwa uwe, Omwami Mukulu, uli omo katĩkatĩ ketu, netu tukahulawa omo lĩna lyawe. Sũtũsĩganaye!

Yeremĩa 15:16

Ebĩnywa byawe mobyabanika, nage monalyabyo. Nʼebĩnywa byawe mobyabya obutseme busana nage, nʼeritsanga lyʼomutima wage. Kusangwa ngahulawa omo lĩna lyawe, uwe Mwami Mukulu Nyamuhanga wʼemilondo.

Yeremĩa 25:29

Kusangwa lebaya, ngatsũka erikola erĩĩta oko mũyĩ owakahulawa omo lĩna lyage, nenyũ mwasyasĩgala ndeke butasuyirwa kwehĩ? Omwami Mukulu wʼemilondo ati, Simwendisyabya butsira erisuyirwa, kusangwa ngabirikira omũyalĩ erilwa nʼesyondũlanĩ syosĩ syʼekihugo.

Yeremĩa 36:7

Kwamũhwa erisaba lyabo lyasyahĩka embere syʼOmwami Mukulu, nʼobuli mundu iniabindula omutima erireka enzira nyibi yiwe, kusangwa erihitana nʼeriagalirwa nĩ rĩnene kutsibu, eryo Mwami Mukulu abĩrĩbũga busana nʼabandu aba.

Yeremĩa 37:20

Na lino kĩsĩ-kĩsĩ uhulikirire, uwe mwami mukama wage. Kĩsĩ-kĩsĩ, nyiti uleke erigonga-gonga lyage lĩhĩke embere syawe, sũnyĩsũbaye omo nyũmba yʼomũhandĩkĩ Yonatana, ngasyaholeramo.

Ezekĩelĩ 36:22

Neryo Ubwire ekihanda kya Ĩsraelĩ uti, Omukama Iye Omwami Mukulu akabũga ati, Uwe kihanda kya Ĩsraelĩ, sindikola ekĩ busana nenyũ, nĩkwa busana nʼerĩna lyage lĩbũyĩrĩre, eryo mwabiritsuma omo katĩkatĩ kʼebihanda eyo mwaya.

Ezekĩelĩ 36:32

Omukama Iye Omwami Mukulu ati, Sindikola ekĩ busana nenyũ, muminye ekyo. Mũkwe esĩsonĩ, muhemulawe busana nʼemibere yenyũ, uwe kihanda kya Ĩsraelĩ.

Danĩelĩ 9:7

Uwe Mukama, eritunganene ni ryawe, nĩkwa ũkwʼĩtwe tũhemũkĩre, ngoko biri mũnabwĩre; oko bandu ba Yũda, nʼoko ndũlanĩ syʼeYerũsalema, nʼoko Ĩsraelĩ bosĩ, abali hakũhĩ nʼabali ehali omo bihugo byosĩ eyo wahigirabo, busana nʼerĩhalya lyabo eryo bakũhalĩraya.

Emiganzo 6:27

Ko basyahĩra erĩna lyage lyo batya oko bana ba Ĩsraelĩ; nage nasyatsumulabo.

1 AbanyaKorinto 1:2

tukabasakira haguma, ĩnywe kanĩsa ya Nyamuhanga eyiri eKorĩnto, ababirikirawa eribya bandu ba Nyamuhanga, abahigulawa erimatikana na Kristo Yesu. Kandi tukabasakira haguma nʼabandu bosĩ ehosĩ abakalakira erĩna lyʼomukama wetu Kristo. Yo Mukama wabo nʼowetu.