Danĩelĩ 9:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Uwe Mukama, ngʼemĩbĩrĩ yawe yosĩ itunganene, uleke erihitana lyawe nʼerikarama lyawe bĩlũe oko mũyĩ wawe eYerũsalema, ekitwa kyawe kĩbũyĩrĩre; kusangwa busana nʼebibi byetu, nʼebibi byʼabotata wetu, eYerũsalema nʼabandu bawe babiribya kĩtsũmĩ oko bandu bosĩ abatũtĩmbĩreko.

Danĩelĩ 9:16 Iomraidhean Croise

Nehemĩa 9:8

Mowabana omutima wuwe owateregula embere syawe, kandi mowakola endagane haguma naye erimuha ekihugo kyʼOmukanana, nʼOmũhĩtĩ, nʼOmũamorĩ, nʼOmũperĩzĩ, nʼOmũyebũsĩ, nʼOmũgĩrgasĩ erihakyo oko bana buwe, kandi Wabĩrĩberererya endagane yawe; kusangwa uwe utunganene.

Esyonyimbo 143:1

Mwami Mukulu, wowe erisaba lyage, uhulikirire erilaka lyage! Uli mutunganene, suliregula, neryo ũnyĩsũbĩraye!

Esyonyimbo 31:1

Uwe Mwami Mukulu, ngakũhĩkako, unyihanganire; Suleke ngahemulwa na kera. Ũnyĩlamaye omo litunganene ryawe.

Esyonyimbo 41:13

Tupipe Omwami Mukulu, Nyamu­hanga wa Ĩsraelĩ, Tumupipe lino, nʼerĩhĩka kera na kera! Amina! Amina!

Esyonyimbo 71:2

Kusangwa utunganene, ũnyĩwatĩkaye nʼerinyisabula! Unyihulikirire, ũnyĩlamaye!

Esyonyimbo 79:4

Ebihanda ebĩtũtĩmbĩreko bakatuseka, Bakatuseka nʼerĩtũsekererya.

Esyonyimbo 85:4

Uwe Nyamuhanga Omũlamya wetu, utubindukire, Kandi gũmbaye erituhitanako!

Esyonyimbo 89:51

Uwe Mwami Mukulu, Siwibirirawe kwʼesyonzĩgũ, syawe sikatsuma omwami wawe oyo wayisogawa! Bakamutsuma ehosĩ eyo akaya.

Erĩlũayo 20:5

Sũsyũnamirabyo kutse erikolerabyo; kusangwa ĩngye Mwami Mukulu Nyamuhanga wawe, indi Nyamuhanga wʼobũha, erĩtũhũlya ebibi byʼabotata oko bana nʼoko lulengo lwʼakasatu nʼolwʼakani oko bakanyĩkwa obusu,

Ĩsaya 5:25

Busana nʼekyo erihitana lyʼOmwami Mukulu likaka oko bandu buwe, kandi abirisumba ebyala biwe erilwa nabo nʼerĩswĩryabo ahisi. Ebitwa mobyatitimana, nʼebĩnda byabo byabiribya ngʼekyabũ omo katĩkatĩ kʼenzira. Busana nʼemyatsi eyĩ yosĩ erihitana liwe sĩryetalũaho, nĩkwa ebyala biwe bĩkĩnasũmbĩre.

Yeremĩa 24:9

Nasyayirabo ekyʼerĩũbahya nʼebibi omo mami gosĩ wʼekihugo; babye ekĩponĩrwe nʼomũsyo, nʼerisekwa nʼekĩtsũmĩ, ehosĩ eyo nasyapanza-panzirabo.

Yeremĩa 29:18

Kandi nasyakwamabo omo mũyalĩ, nʼenzala, nʼendwala yʼakasũsũ, kandi nasyayirabo mwʼekyʼerĩũbahya omo katĩkatĩ kʼamami wʼekihugo, eribya ekĩtakĩrwe, nʼesyonye nʼekyʼeriahirwa, nʼekyʼeriponwa, omo bihanda byosĩ eyo nahigirabo.

Yeremĩa 32:31

Kandi omũyĩ oyũ abiribya ekĩkanyĩhĩtanaya nʼerĩnyagalĩranĩa erĩtsũka ekiro bahĩmbago nʼerĩhĩka mũnabwĩre, inabana erĩlũsyago embere syʼobũsũ bwage,

Yeremĩa 32:32

busana nʼebibi byosĩ byʼabana ba Ĩsraelĩ nʼabana ba Yũda ebyo bakola erĩnyĩhĩtanĩa, ibo, nʼabami babo, nʼabasondolĩ babo, nʼabahererĩ babo, nʼabamĩnyererĩ babo, nʼabandu ba Yũda, nʼesyondũlanĩ syʼeYerũsalema.

Ezekĩelĩ 22:4

Wabiribya nʼolubanza omo musasi ogo wũta, kandi ũtsandĩre omo syosanamu syawe esyo wabirikola. Litya wabirireta ebiro byawe byo hakũhĩ, wabĩrĩhĩka oko myaka yawe. Busana nʼekyo nabirikuyira mo kĩtsũmĩ omo katĩkatĩ kʼebihanda, nʼeribya erisekererwa omo bihugo byosĩ.

Ezekĩelĩ 5:14

Nʼakandi nasyakuyira mo kĩma nʼekĩtsũmĩ omo katĩkatĩ kʼebihanda ebĩkũtĩmbĩreko, omo meso wʼabosĩ abakalaba.

Danĩelĩ 11:45

Neryo asyahanda amahema wʼekikali kiwe omo katĩkatĩ kʼengetsi nʼeKitwa Kibũyĩrĩre kibuya. Nĩkwa asyahĩka oko ndũlĩ yiwe, isihali mundu wasyamũwatĩkya.

Danĩelĩ 9:20

Neryo omugulu nabya ngabũga, nʼerisaba, nʼerĩkangya ebibi byage nʼebibi byʼabandu bage Ĩsraelĩ, nʼerireta emilake yage embere syʼOmwami Mukulu Nyamuhanga wage busana nʼekitwa kĩbũyĩrĩre kya Nyamuhanga wage.

Yoelĩ 3:17

Litya mwasyaminya ko ndi Mwami Mukulu Nyamuhanga wenyũ, erĩĩkala eSĩonĩ ekitwa kyage kĩbũyĩrĩre; oko mugulu oyo, eYerũsalema yasyabya nyĩbũyĩrĩre, kandi sihendisyabya owʼehandi oyukalaba mugo kandi.

Zekarĩa 8:3

Omwami Mukulu akabũga ati, Nasyasuba eSĩonĩ, nasyĩkala omo katĩkatĩ kʼeYerũsalema. Neryo eYerũsalema yasyahulwa mo Mũyĩ Wʼekwenene; nʼekitwa kyʼOmwami Mukulu Wʼemilondo kyasyahulwa mo Kitwa Kĩbũyĩrĩre.

2 AbanyaTesalonika 1:6

Nĩkwa Nyamuhanga atunganene; asyagalya abakabagana.

1 Yoane 1:9

Nĩkwa twamakangya kwenene, ebibi byetu, Nyamuhanga sialiregula, kandi akakola ekitunganene. Asyatubuyira ebibi byetu nʼerĩtwerya kwʼekitatunganene kyetu kyosĩ.

1 Samwelĩ 2:7

Omwami Mukulu akahĩra abera, nʼabateke. Akakehaya, akahamaya nibya.