Danĩelĩ 9:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Ngoko bĩsakĩre omo Migambo ya Musa, ebibi ebĩ byosĩ byabĩrĩtũhĩkako nĩkwa sitwetasaba olukogo lwʼOmwami Mukulu Nyamuhanga wetu, tuti tuleke ebibi byetu, nʼeriminya ndeke ekwenene yawe.

Danĩelĩ 9:13 Iomraidhean Croise

2 Abami 22:16

Omwami Mukulu amabũga ati, Lebaya, ngandisyaleta ekibi kyo hano, nʼoko syondũlanĩ syaho, bye bĩnywa byosĩ byʼekitabu ekyo mwami wʼeYũda aliasoma.

Yobũ 36:13

Nĩkwa abatawite Nyamuhanga omo mutima bakabika erihitana, Kandi omugulu bakasuyirawa sibesaba erĩwatĩkĩbwa.

Esyonyimbo 119:18

Ũlĩbũle ameso wage, inatoka erilangira, Emyatsi yʼekwenene yʼeriswekera eyiri omo migambo yawe.

Esyonyimbo 119:27

Ũnyĩkangĩrĩraye erikenga emigambo yawe, Nage nasyiga erĩkangĩrĩrya lyawe lyʼeriswekera.

Esyonyimbo 119:73

Mowanyihangika, kandi ukanyirembera; Umba amenge, nyitoke eriiga emigambo yawe.

Esyonyimbo 85:4

Uwe Nyamuhanga Omũlamya wetu, utubindukire, Kandi gũmbaye erituhitanako!

Ĩsaya 31:1

Obũlĩge ukwʼabo abakandagalira eMĩsĩrĩ erisonda-sondya erĩwatĩkĩbwa, abakayiketera esyosabayĩrĩ, abakayiketera esyogalĩ kusangwa ni nyingi, kandi abakayiketera abakagenda oko syosabayĩrĩ kusangwa ni bʼamaka kutsibu, nĩkwa sĩbehĩra ameso oko Yũbũyĩrĩre wa Ĩsraelĩ, kutse sĩbesonda-sondaya Omwami Mukulu!

Ĩsaya 42:9

Lebaya, emyatsi yʼerĩmbere yabiribererera, lino ngabatũlĩra emyatsi mihya-mihya. Ngabatũlĩrayo ite yahuluka.

Ĩsaya 43:22

Nĩkwa uwe Yakobo, Sulitanyilakira; nĩkwa uwe Ĩsraelĩ wabiriluha busana nage.

Ĩsaya 64:6

Kusangwa ĩtwe bosĩ twabiribya ngʼoyũtũnda-tũndĩre, nʼemĩbĩrĩ yetu yosĩ itunganene iri ngʼolukimba lwĩtĩre nye, kandi ĩtwe bosĩ tukuma ngʼekikoma, nʼebibi byetu, bikatuheka ngʼerihunga.

Ĩsaya 64:7

Kandi sihali oyukalakira erĩna lyawe, oyukayikuna erikuhamba. Kusangwa wabĩrĩtũbĩsa obũsũ bwawe, wabĩrĩtũhĩra omo maka wʼebibi byetu.

Ĩsaya 9:13

Nĩkwa abandu sibebũnũkalira oyo wĩtabo, kandi sibesonda-sonda Omwami Mukulu wʼemilondo.

Yeremĩa 2:30

Mongaswĩrĩraya bagala bawe bo busa. Mobatalĩga erikungwa. Omũyalĩ wenyũ abĩrĩĩta abamĩnyererĩ benyũ, ngʼendale eyĩkaheraya.

Yeremĩa 30:14

Abĩra bawe bosĩ babirikwibirirwa. Sibekusonda-sonda, kusangwa nabĩrĩkũhũtalya nʼekironda kyʼenzĩgũ, nʼerisuyira lyʼomundu Ũkalĩre, kusangwa ebibi byawe ni binene, nʼebibi byawe bĩkanyĩre.

Yeremĩa 31:18

Kwenene nabĩrĩowa Efũraĩmũ akayiririrako ati, Wabirinyikunga neryo nabirikungwa, ngʼekyana kyʼende ekitabegere engomo. Ũnyĩsũbayeyo, nyisube ndeke, kusangwa uli Mwami Mukulu Nyamuhanga wage.

Yeremĩa 44:23

Kusangwa mwabĩrĩokererya amahere oko Sindi nyamuhanga na kusangwa mwabirikola ebibi oko Mwami Mukulu, isimwetakenga omulenge wʼOmwami Mukulu, kutse erirendera omo migambo yiwe, kutse omo mahano wuwe, kutse erĩtũlago liwe. Busana nʼekyo erĩkwa erĩ ryabĩrĩbahĩkako, ngoko liri mũnabwĩre.

Yeremĩa 44:27

Lebaya, ngalemberabo busana nʼerĩkwa, si busana nʼebibuya. Nʼabandu bosĩ bʼeYũda abali omo kihugo kyʼeMĩsĩrĩ basyahwa omo mũyalĩ, nʼomo nzala, erĩhĩka aho basyahwera.

Yeremĩa 5:3

Ameso wawe sĩalĩrebaya ekwenene kwehĩ? Wabĩrĩswĩryabo, nĩkwa mobatoloba. Mowahwerekereryabo, nĩkwa mobagana erikungwa. Babĩrĩkalya obũsũ bwabo bo po-po-po kwilaba erĩbwe; babirigana eribinduka nʼerireka ebibi.

Ekiriro 5:21

Uwe Mwami Mukulu, ũtũsũbaye ukʼuwe, netu itwatoka erisubula, Uyire ebĩro byetu mo bihya-bihya ngʼebya kera.

Ezekĩelĩ 16:43

Omukama Iye Omwami Mukulu ati, Kusangwa sulitibuka ebiro byʼobũlwana bwawe, nĩkwa wabĩrĩnyĩhĩtanĩa omo myatsi eyĩ yosĩ. Neryo lebaya, nasyasũbya emikolere yawe oko mutwe wawe, isiwendisyakola oluteto olũ endata oko syonye syawe syosĩ esĩ.

Danĩelĩ 9:11

Ega, Ĩsraelĩ bosĩ babĩrĩhalya oko bihano byawe, nʼerikitira ehandi, sĩbowe omulenge wawe; kyaleka eritakira ĩryahĩrwa ũkwʼĩtwe, nʼerĩlahĩrya eryasakawa omo bihano bya Musa omugombe wa Nyamuhanga; kusangwa twabirimukola nabi.

Hosea 7:10

Nomo eriyiheka lya Ĩsraelĩ likamuhandikirira; nĩkwa sibetasuba oko Mwami Mukulu, Nyamuhanga wabo, kutse erĩmũsonda-sondya busana nʼebĩ byosĩ.

Hosea 7:14

Kandi sibetanyilakira nʼomutima wabo, omugulu bakamĩraya oko syongyingo syabo; bakahĩndana busana nʼengano nʼebĩnyũ bihya-bihya; bakanyĩlũako.

Hosea 7:7

Abami babo bosĩ babiritera; sihali muguma wa kubo oyukanyilakira.

Luka 24:45

Neryo mwalĩbũla amalengekanĩa wabo eriminya Amasako.

Yoane 10:35

Tũnasĩ kwʼAmasako sialiketawa, neryo Nyamuhanga abiribirikirabo mo syonyamuhanga abo ekĩnywa kya Nyamuhanga kyahĩkako.

Yoane 6:45

Abamĩnyererĩ mobasaka bati, Abandu bosĩ basyakangĩrĩrĩbwa na Nyamuhanga. Obuli mundu oyũkowa Tata nʼerĩkangĩrĩrĩbwa naye, akahĩka ũkwʼĩngye.

Yoane 8:32

Kandi mwasyaminya ekwenene, nʼomwatsi wʼekwenene asyabaha obwĩranda.

AbanyaEfeso 4:21

Mwamabya mwabĩrĩmowa, ĩmwabĩrĩkangĩrĩrĩbwa na Kristo, omo kwenene eyiri na Yesu.

Eryibuka Ebihano 29:4

Nĩkwa Omwami Mukulu sialitabaha omutima wʼeriminya, nʼameso wʼerĩrebya, nʼamatwĩ wʼerĩowa, erĩhĩka oko kiro ekĩ.

Yakobo 1:5

Nĩkwa hamabya mundu omo katĩkatĩ kenyũ oyukabula amenge, abũlaye Nyamuhanga oyukaha ndeke oko bandu bosĩ butsira buhemu; neryo omundu oyo asyahabwa amenge ayo.