Danĩelĩ 9:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Naye abĩrĩberererya ebĩnywa biwe ebyo atubambirako, nʼeribambira abatabalĩ betu, abatutabalako, nʼerituletera obũlĩge bunene. Kusangwa eyĩkwa oko matũkũ gosĩ Sihehatakolwa mwatsi ngʼowamakolwa oko Yerũsalema.

Danĩelĩ 9:12 Iomraidhean Croise

1 Abami 3:9

Busana nʼekyo, uhe omugombe wawe omutima wʼeriminya eritswera abandu bawe, inatoka eriminyerera omo katĩkatĩ kʼebibuya nʼebibi; kusangwa nindi wangatoka eritswera abandu bawe bangaha aba kwehĩ?

2 Abami 22:16

Omwami Mukulu amabũga ati, Lebaya, ngandisyaleta ekibi kyo hano, nʼoko syondũlanĩ syaho, bye bĩnywa byosĩ byʼekitabu ekyo mwami wʼeYũda aliasoma.

Yobũ 12:17

Akaleka abahanĩ ibalendera butsira biryato, Nʼabatswerĩ, akayirabo mo bakĩrũ.

Esyonyimbo 148:11

Ĩnywe bami nʼabandu bosĩ, bamupipe, Abanya-mwami nʼabandi batabalĩ bosĩ;

Esyonyimbo 2:10

Neryo ĩnywe abami, mubane amenge, Ĩnywe batswerĩ bʼekihugo mwige ndeke.

Emĩsyo 8:16

Busana nage abanya-mwami bakatabala, Nʼabakama, nʼabatswerĩ bosĩ bʼekihugo.

Ĩsaya 43:28

Busana nʼekyo ngandĩsyatsandya abanya-mwami bʼahabũyĩrĩre, nasyayira Yakobo mwʼitakira, na Ĩsraelĩ mo kĩtsũmĩ.

Ĩsaya 44:26

ĩngahanganaya ekĩnywa kyʼomugombe wawe, nʼerĩberererya erĩyĩsũnza lyʼabakwenda buwe. Nĩ ngye ngahula eYerũsalema nyiti, Asyĩkalwamo! Na busana nʼemĩyĩ ya Yũda nyiti, Yasyahĩmbwa. Kandi nasyaswahanganĩa omulala wayo.

Yeremĩa 30:7

Ĩ-yoo! kusangwa ekiro ekyo ni kikulu, sihali ekiringene nakyo. Ni mugulu wʼobũlĩge bwa Yakobo, nĩkwa asyalamĩbwa mubo.

Yeremĩa 32:23

Nabo mobingira mukyo, mobasĩgalyakyo, nĩkwa mobatakenga omulenge wawe, kutse erirendera omo mugambo wawe. Sibetakola ekĩnywa nʼekiguma omo byosĩ ebyo wahanabo erikola. Busana nʼekyo wabirireta erĩkwa erĩ ryosĩ kubo.

Yeremĩa 39:16

Ugende, Ubwire Omũetĩopĩa yo Ebedĩmelekĩ uti, Omwami Mukulu wʼemilondo, Nyamuhanga wʼeĨsraelĩ ati, Lebaya, ngaletera omũyĩ oyũ ebĩnywa byage busana nʼerĩkwa butsira omũyĩsa. Nabyo byasyaberererĩbwa embere syawe oko kiro ekyo.

Yeremĩa 44:23

Kusangwa mwabĩrĩokererya amahere oko Sindi nyamuhanga na kusangwa mwabirikola ebibi oko Mwami Mukulu, isimwetakenga omulenge wʼOmwami Mukulu, kutse erirendera omo migambo yiwe, kutse omo mahano wuwe, kutse erĩtũlago liwe. Busana nʼekyo erĩkwa erĩ ryabĩrĩbahĩkako, ngoko liri mũnabwĩre.

Ekiriro 1:12

Simwetsomana ĩnywe bosĩ ko mukalaba eyĩ kwehĩ? Mũlebaye, mũyĩtegereraye nga hane obũlĩge ngʼobwage, Obo nakolerawa kutsibu, Obo Mwami Mukulu abĩrĩnyagalyamo oko kiro kyʼerihitana lĩkalĩre riwe.

Ekiriro 2:13

Nasyakukunga nyiti kwehĩ? Nasyakũlĩngĩrĩranĩa nandi Uwe mwali wʼeYerũsalema kwehĩ? Nasyakũsosekanĩa nakĩ, inabana erĩkũkĩranĩa, Uwe mumbesa mwali wʼeSĩonĩ kwehĩ? Kusangwa eritsanda lyawe nĩ rĩnene ngʼengetsi. Nindi wangatoka erĩkũlamya kwehĩ?

Ekiriro 2:17

Omwami Mukulu abirikola ekyo aganĩraya. Abĩrĩberererya ekĩnywa kiwe, Ekyo ahana oko biro bya kera. Abirigusa ahisi, isialitaganyira. Abirireka esyonzĩgũ isyakutsemera. Abĩrĩhamya amaka wʼesyonzĩgũ syawe.

Ekiriro 4:6

Kusangwa obubi bwa mwali wʼabandu bage Ni bunene kwilaba obubi bwʼeSodomo. Owagusawa omo katambĩ kaguma Isihali oyukamulira.

Ezekĩelĩ 13:6

Bakalangira amabehĩ, nʼerilagula ebyʼamabehĩ, abakabũga bati, Omwami Mukulu akabũga, omugulu Omwami Mukulu sialitatumabo. Nĩkwa ibabya nʼamaha wʼeribererera lyʼekĩnywa kyabo.

Ezekĩelĩ 5:9

Kandi nasyakukolera ekyo ndakukolera kera, kandi sindiendisyaswakola ekiri ngʼekyo, busana nʼesyonye syawe yosĩ.

Danĩelĩ 12:1

Nĩkwa oko mugulu oyo omunya-mwami mukulu, ye Mĩkaelĩ, kategaya abandu benyũ, asyahangana. Neryo hasyabya endambĩ yʼobũlĩge, obute bwatabya erĩtsũka omugulu ekihanda kyatsũka, nʼerĩhĩka oko mugulu ono; kandi oko mugulu oyo abandu benyũ basyalamĩbwa obuli mundu oyukabanika iniabirisakwa omo kitabu.

Yoelĩ 2:2

Ni kiro kyʼomwĩrĩmya, nʼekiro kyʼekĩlũlũmano, ekiro kyʼebĩtũ nʼomũhĩndanĩa, ngʼomwĩtsange owasanzĩre oko bitwa; neryo hali kihanda kinene nʼekyʼamaka; sihehatabya na kera ekĩsosĩrekyo, kutse sihendisyabya kandi enyũma wabo, erĩhĩka oko myaka yʼesyondengo nyingi.

Amosĩ 3:2

Omo katĩkatĩ kʼebĩtũnga byosĩ byʼekihugo ĩnywebene ĩngye munawite; busana nʼekyo ngabasuyira oko bibi byenyũ byosĩ.

Zekarĩa 1:6

Nĩkwa ebĩnywa byage nʼemigambo yage, eyo nalayira abagombe bage abamĩnyererĩ, mobĩtahĩka oko abotatakulu wenyũ kwehĩ? Neryo mobabinduka erireka ebibi bati, Ngoko Mwami Mukulu Wʼemilondo aganĩraya eritukola, ngʼesyonzira syetu ko siri, kandi ngʼemĩbĩrĩ yetu ko yiri, abiritukolera atya.

Zekarĩa 1:8

Monalangira omo kiro, neryo, lebaya, omundu iniakagenda oko sabayĩrĩ yʼengula, neryo mwahangana omo katĩkatĩ kʼemiti yʼemĩhandasĩ eyabya eyĩkwa; nʼenyũma siwe habya esyosabayĩrĩ, eyʼengula, nʼeyʼebitanga-bitanga, nʼeyʼenzeru.

Zekarĩa 7:12

Kandi, mobayira emitima yabo mwʼĩkalĩre ngʼerĩbwe ryʼengarwe, bakasyowa emigambo, nʼebĩnywa ebyo Mwami Mukulu Wʼemilondo atuma omo Mũlĩmũ wuwe busana nʼabamĩnyererĩ bʼembere; busana nʼekyo erihitana lĩnene molyahĩka lĩkalũa oko Mwami Mukulu Wʼemilondo.

Matayo 24:21

Kusangwa oko biro ebyo hasyabya obũlĩge bunene isibwebwatabya okwʼĩtsũka lyʼekihugo, erĩhĩka na lino, kutse sibwendisyaswabya butya na kera.

Matayo 5:18

Kusangwa ngabũga nenyũ kwenene, nyiti, Erĩhĩka aho lubula nʼekihugo byasyahweraho, sihali akakwararĩ kutse katondĩ kʼoko Migambo akakandĩsyalũa oko Migambo erĩhĩka aho ebyosĩ byasyabererera.

Mariko 13:19

Kusangwa obũlĩge bwʼebiro ebyo bwasyabya ĩbũkalĩre isibwebwatabya erĩtsũka ekiro Nyamuhanga ahangika ekihugo, erĩswahĩka na lino, kandi sibwendisyaswabya butya na kera.

Luka 21:22

Kusangwa ebiro ebĩ ni biro byʼerĩkĩsya, erĩberererya ebyosĩ byasakawa.

AbanyaRoma 15:8

Kusangwa ngabũga nyiti, Kristo abiribya omugombe oko Bayũda busana nʼerĩhanganĩa ekwenene ya Nyamuhanga, nʼerĩberererya esyondagane siwe oko boso-kulu.