Danĩelĩ 9:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Ega, Ĩsraelĩ bosĩ babĩrĩhalya oko bihano byawe, nʼerikitira ehandi, sĩbowe omulenge wawe; kyaleka eritakira ĩryahĩrwa ũkwʼĩtwe, nʼerĩlahĩrya eryasakawa omo bihano bya Musa omugombe wa Nyamuhanga; kusangwa twabirimukola nabi.

Danĩelĩ 9:11 Iomraidhean Croise

2 Abami 18:12

kusangwa mobatakenga omulenge wʼOmwami Mukulu Nyamuhanga wabo, nĩkwa mobahalya oko ndagano yiwe, nʼebyosĩ ebyo Musa omugombe wʼOmwami Mukulu ahana, kandi mobatalĩga erĩowabyo, kutse erikolabyo.

2 Abami 22:16

Omwami Mukulu amabũga ati, Lebaya, ngandisyaleta ekibi kyo hano, nʼoko syondũlanĩ syaho, bye bĩnywa byosĩ byʼekitabu ekyo mwami wʼeYũda aliasoma.

Ĩsaya 1:3

Enume yʼende ĩnasĩ omwenyeyo, nʼepunda ĩnasĩ olugo lwʼomwenyeyo, nĩkwa Ĩsraelĩ sĩasĩ, nʼabandu bage sibeminya.

Ĩsaya 43:28

Busana nʼekyo ngandĩsyatsandya abanya-mwami bʼahabũyĩrĩre, nasyayira Yakobo mwʼitakira, na Ĩsraelĩ mo kĩtsũmĩ.

Yeremĩa 16:11

Neryo wasyabũga nabo uti, Omwami Mukulu ati, Ni busana nʼabotata wenyũ erĩnyĩsĩganĩa, nʼerikwama esindi nyamuhanga, nʼerikolerasyo, nʼerĩũnamirasyo, ĩbanyĩsĩganĩa, kandi sibetakwama emigambo yage.

Yeremĩa 2:29

Omwami Mukulu ati, Ko mukalwa nage busana nakĩ kwehĩ? Ĩmwe bosĩ mwabĩrĩnyĩhalyako.

Yeremĩa 30:14

Abĩra bawe bosĩ babirikwibirirwa. Sibekusonda-sonda, kusangwa nabĩrĩkũhũtalya nʼekironda kyʼenzĩgũ, nʼerisuyira lyʼomundu Ũkalĩre, kusangwa ebibi byawe ni binene, nʼebibi byawe bĩkanyĩre.

Yeremĩa 32:23

Nabo mobingira mukyo, mobasĩgalyakyo, nĩkwa mobatakenga omulenge wawe, kutse erirendera omo mugambo wawe. Sibetakola ekĩnywa nʼekiguma omo byosĩ ebyo wahanabo erikola. Busana nʼekyo wabirireta erĩkwa erĩ ryosĩ kubo.

Yeremĩa 40:3

Kandi omwami Mukulu abiriretalyo nʼerikola ngoko alaga kusangwa mwabĩrĩhalĩrya Omwami Mukulu, kandi simwetakenga omulenge wuwe, kikaleka omwatsi oyũ ĩnĩabahĩkako.

Yeremĩa 44:22

Kyaleka Omwami Mukulu iniatatoka eriyisiga busana nʼebibi byʼemĩbĩrĩ yenyũ, na busana nʼesyonye esyo mwabirikola. Kikaleka ekihugo kyenyũ ikyabya kĩma, nʼekindu kyʼesyonye, nʼekĩtsũmĩ, ekite mo mundu, ngoko kiri mũnabwĩre.

Yeremĩa 44:23

Kusangwa mwabĩrĩokererya amahere oko Sindi nyamuhanga na kusangwa mwabirikola ebibi oko Mwami Mukulu, isimwetakenga omulenge wʼOmwami Mukulu, kutse erirendera omo migambo yiwe, kutse omo mahano wuwe, kutse erĩtũlago liwe. Busana nʼekyo erĩkwa erĩ ryabĩrĩbahĩkako, ngoko liri mũnabwĩre.

Yeremĩa 6:19

Uwe kihugo, uhulikirire. Ũlebaye, nasyaleta erĩkwa oko bandu aba, bye bĩgũma byʼerĩyĩtsũtsa lyabo, kusangwa sibetahulikirira ebĩnywa byage, nʼemigambo yage babiriganayo.

Yeremĩa 9:26

EMĩsĩrĩ, nʼeYũda, nʼeEdomũ, nʼabana ba Amonĩ, nʼeMoabũ, nʼabosĩ abakatũa esyonzwiri oko mbũmo syabo, abĩkere omo mbwarara. Kusangwa ebihanda byosĩ sibibwene, nʼekĩtũnga kyosĩ kyʼeĨsraelĩ sikibwene omo mutima.

Danĩelĩ 9:13

Ngoko bĩsakĩre omo Migambo ya Musa, ebibi ebĩ byosĩ byabĩrĩtũhĩkako nĩkwa sitwetasaba olukogo lwʼOmwami Mukulu Nyamuhanga wetu, tuti tuleke ebibi byetu, nʼeriminya ndeke ekwenene yawe.

Danĩelĩ 9:5

twabirikola nabi, nʼerikola nʼepono, twabirikola amalolo, twabirihona, erikitira emũsĩke oko bihano byawe nʼamahamulo wawe.

Zekarĩa 1:6

Nĩkwa ebĩnywa byage nʼemigambo yage, eyo nalayira abagombe bage abamĩnyererĩ, mobĩtahĩka oko abotatakulu wenyũ kwehĩ? Neryo mobabinduka erireka ebibi bati, Ngoko Mwami Mukulu Wʼemilondo aganĩraya eritukola, ngʼesyonzira syetu ko siri, kandi ngʼemĩbĩrĩ yetu ko yiri, abiritukolera atya.

Zekarĩa 7:12

Kandi, mobayira emitima yabo mwʼĩkalĩre ngʼerĩbwe ryʼengarwe, bakasyowa emigambo, nʼebĩnywa ebyo Mwami Mukulu Wʼemilondo atuma omo Mũlĩmũ wuwe busana nʼabamĩnyererĩ bʼembere; busana nʼekyo erihitana lĩnene molyahĩka lĩkalũa oko Mwami Mukulu Wʼemilondo.

Zekarĩa 8:13

Neryo kyasyabererera, ngoko mwabya itakira omo bihanda, uwe kĩtũnga kya Yũda nʼekĩtũnga kya Ĩsraelĩ, litya nasyabalamya, nenyũ imwatoka eribya mũyĩsa. Simubahe, mũkalaye ebyala byenyũ.

Eryibuka Ebihano 8:20

Ngʼebihanda ebyo Mwami Mukulu akaheraya embere syenyũ, nenyũ ko mwasyahera mutya; kusangwa momutasonda erihulikirira omulenge wʼOmwami Mukulu Nyamuhanga wenyũ.