Danĩelĩ 8:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Neryo omwʼĩhembe liguma mohahuluka akahembe kake; nako mokalasa erikanyirira kutsibu ebwanga bwʼelutambi lwʼeyĩkwa, nʼebwanga bwʼendata, nʼebwanga bwʼeKihugo Kibuya.

Danĩelĩ 8:9 Iomraidhean Croise

Esyonyimbo 105:24

Omwami Mukulu mwaleka abandu buwe ibabana abana bangi, Mwayirabo mo bandu bʼamaka kwilaba esyonzĩgũ syabo.

Esyonyimbo 48:2

Ekitwa kyʼeSĩonĩ, ni kiri, kandi ni kibuya; Ni kitwa kikaleta obutseme oko kihugo kyosĩ. Nĩ mũyĩ wʼOmwami Mukulu.

Yeremĩa 3:19

Nĩkwa ĩngye monabũga nyiti, Nangatoka erĩkũhĩra nyiti omo katĩkatĩ kʼabagala bage, nʼerikuha ekihugo kibuya, omwandu owenenga wʼebihanda! Nage monabũga nyiti, Mwasyanyahula mo Tata wage, kandi simwendisyaswaleka erinyikwama.

Ezekĩelĩ 20:15

Kandi monalahĩrĩryabo omo mbwarara nyiti sindiendiretabo omo kihugo ekyo nahabo, ekikasononoka mwʼamasabũ nʼobuki, nakyo ni ʼpipa lyʼebihugo byosĩ,

Ezekĩelĩ 20:6

Oko kiro ekyo nalahĩrĩrayabo, erĩlũsyabo omo kihugo kyʼeMĩsĩrĩ eriretabo omo kihugo ekyo nayisoga busana nabo, ekikasononoka mwʼamasabũ nʼobuki, ekikakanga oko bihugo byosĩ.

Danĩelĩ 11:16

Nĩkwa omwami wʼelutambi lwʼeNdata oyukasa erilwa naye asyakola ngoko anzĩre, isihali mundu oyo wasyatoka erilwa naye; kandi asyasiba omo Kihugo Kibuya, iniawite erĩherya omo byala biwe.

Danĩelĩ 11:21

Neryo omo mwanya wuwe omundu mutya-mutya asyahangana oyutetahabwa erĩsĩkya lyʼobwami, nĩkwa asyasa omo mugulu wʼobuholo iniahamba obwami omo menge nʼeriteba.

Danĩelĩ 7:8

Nage monasamalira amahembe ayo, neryo, lebaya, erindi rĩhembe molyalasa omo katĩkatĩ kago, erĩke, embere walyo awandi mahembe asatu wʼerĩmbere mwakulwa nʼemĩrĩhĩ; neryo lebaya omwʼĩhembe erĩ habya ameso ngʼameso wʼomundu, nʼobuno obũkabũga emyatsi yʼeriyihalamba.

Zekarĩa 7:14

nĩkwa nasyapanza-panzabo omo kanyabungu omo katĩkatĩ kʼebihanda byosĩ ebyo batasĩ. Litya ekihugo kikabya kĩma enyũma wabo, kyaleka ihatabya mundu oyukalaba kutse erisubula; kusangwa mobayira ekihugo kyowene mo mulala.