Danĩelĩ 8:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Nʼembaya eyo moyayĩhamya kutsibu; nʼomugulu yamabibya nʼamaka, erĩhembe ĩnene eryo molyatwĩka; nʼomo mwanya walyo mohalasa amahembe ani manene manene awalolĩrye oko mahunga ani wʼekyanya.

Danĩelĩ 8:8 Iomraidhean Croise

2 Emyatsi yʼEmigulu 26:16

Nĩkwa abere abibya nʼamaka omutima wuwe mwayipipa kyaleka iniakola nabi, neryo mwahalya embere syʼOmwami Mukulu Nyamuhanga wuwe; kusangwa mwingira omo Hekalũ yʼOmwami Mukulu erĩhĩsya obukwa oko kiherero kyʼobukwa.

Esĩterĩ 9:4

Kusangwa Mordekayĩ abya mukulu omo nyũmba yʼOmwami, nʼengulu yiwe moyalaba omo bihugo byosĩ; kusangwa omundu oyo ye Mordekayĩ mwaswabya kandi mukulu kwʼaho.

Yeremĩa 49:36

Kandi nasyaletera Elamũ amahunga ani awakalũa oko nũnga ĩnĩ syʼekyanya, kandi nasyapanzirabo oko mahunga ani gosĩ aya. Isihali ekihanda aho abagusawa bʼeElamũ batesyahĩkamo.

Yeremĩa 5:27

Ngʼesyonyonyũ, sĩkũsũla omwʼĩtonga, amanyũmba wabo akũsũla nʼeriteba atya. Busana nʼekyo babiribya bakulu, kandi bakamahĩre.

Ezekĩelĩ 16:7

Monakuyiia eribya bandu bangi ngʼebiti ebikalasa omolĩ. Neryo mowusuka nʼeribya muli, mowakula eribya wʼemyaka yʼeriambala obutega. Amabere wawe mwasuna nʼesyonzwiri syawe mosyalasa. Nĩkwa wabya ndũmbũ nʼomubiri musa.

Ezekĩelĩ 28:9

Wasyaswabũga embere syʼoyũkakwĩta uti, Ĩngye indi nyamuhanga inuli mundu, isuli Nyamuhanga, omo byala byʼoyũkakũhũtalaya kwehĩ?

Danĩelĩ 11:4

Nĩkwa omugulu amabihangana, obwami buwe bwasyatwĩka, kandi bwasyagabana erĩlolya oko syombande ĩnĩ, nĩkwa si busana nʼabana buwe kutse ngʼeritabala liwe eryo atabalamo; kusangwa obutabale buwe bwasyalũsĩbwa nʼerihabwa abandi bandu butsira abuwe.

Danĩelĩ 4:31

Omugulu ekĩnywa ekyo kikine omo buno bwʼomwami omulenge mwasa erĩlũa elubula ati, Uwe mwami Nebũkadeneza, kyamabũgwa ukʼuwe kiti, Eribya mwami lyamalũsĩbwa ukʼuwe.

Danĩelĩ 5:20

Nĩkwa omugulu omutima wuwe ayihagata, nʼekĩrĩmũ kiwe kyayiheka, kyaleka ĩnĩayĩhahamĩsya, omwami mwasingulwa omo kĩtũmbĩ kiwe kyʼobwami, nʼolukengerwa luwe molwalũsĩbwa ukwʼiye.

Danĩelĩ 7:2

Danĩelĩ mwabũga ati, Monalangira omwʼilota lyage omo kiro, neryo, lebaya, amahunga ani wʼelubula mwabuhirira oko ngetsi nene.

Danĩelĩ 7:6

Nʼenyũma wʼaho monalangira, neryo, lebaya, eyindi nyama ngʼekisoro, nayo yabya nʼebĩpũpa bini byʼenyonyũ oko mugongo wayo; nʼenyama eyo yabya nʼemitwe ĩnĩ; nayo moyahabwa obutabale.

Danĩelĩ 8:22

Neryo erĩhembe eryatwĩka, nʼamahembe ani awahangana omo mwanya walyo, ni mami ani asyahangana erĩlũa omo kihanda kiwe, nĩkwa butsira nʼamaka wuwe.

Danĩelĩ 8:5

Nʼomugulu naganĩraya, lebaya, embaya moyalũa ebwanga bwʼeyĩkwa ĩkahĩka oko kihugo kyosĩ, nayo moyĩtatũla oko kitaka; nʼembaya eyo yabya nʼerĩhembe ĩnene eryʼomuhanda omo katĩkatĩ kʼameso wayo.

Danĩelĩ 8:7

Nage monalangira ikasegera hakũhĩ nʼembangale, kandi moyahitana kuyo, moyahumira embangale, moyatũa amahembe wayo abiri; nʼembangale moyitaswabya nʼamaka eriimana embere syayo; nĩkwa embaya moyakĩndayo ahisi oko kitaka nʼeriryatangirirayo; isihali oyo wangalamya embangale omo byala byayo.

Matayo 24:31

Neryo Yesu asyatuma abamalaĩka buwe nʼomulenge munene wʼengubi, nabo basyahĩndanĩa abayisogawa ba Nyamuhanga erĩlũa oko bihande bini byʼekihugo, erĩtsũka oko ndũlĩ nguma yʼekyanya erĩhĩka oko yindi ndũlĩ yʼekyanya.

Mariko 13:27

Neryo asyatuma abamalaĩka erĩhĩndanĩa abayisogawa ba Nyamuhanga erĩlũa oko mahunga ani, erĩlũa oko syondũlĩ syʼekihugo nʼerĩhĩka oko syondũlĩ syʼekyanya.

Eryibuka Ebihano 31:20

Kusangwa omugulu nasyaletabo omo kihugo ekyo nalahĩrĩraya abotata-kulu wabo, ekyoswĩre mwʼamasabũ nʼobuki, ibamabirya nʼerĩũgũta, nʼerineneha; neryo basyabindukira esindi nyamuhanga, nʼerikolerasyo, nʼerinyiserebula, nʼerĩtwa endagano yage.

Eribisurirwa 7:1

Enyũma wʼaho monalangira abamalaĩka bani ibanimene oko nũnga ĩnĩ syʼekihugo, ĩbakakakĩraya amahunga ani wʼekihugo, Sihabye erihunga erikabuhirira oko kihugo, kutse oko ngetsi, kutse oko miti yosĩ.