Danĩelĩ 8:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Neryo monalangira embangale eyo ĩkakũna oluhande lwʼeyĩkwa, nʼelutambi lwʼendata, nʼelutambi lwʼeyĩkwa; kandi sihali nyama eyatoka erihangana embere syayo, kutse sihali oyo wangalamya omo byala byayo; nĩkwa moyakola ngʼerisonda lyayo, nʼerĩyĩhamya.

Danĩelĩ 8:4 Iomraidhean Croise

1 Abami 22:11

Na Zedekĩa mugala wa Kenana mwayihesera amahembe wʼekyuma mwabũga ati, Omwami Mukulu ati, Wasyatũnda Abasũrĩa, erĩhĩka aho basyatĩndĩrwa.

Yobũ 10:7

Omo menge wawe wangaminya ko nyite ko lubanza; Nikwa sihali oyo wangalamya omo byala byawe.

Esyonyimbo 44:5

Omo bũtokĩ bwawe twasyakĩnda esyonzĩgũ syetu, Omo lĩna lyawe tukandisyalyatira ahisi abakalwa netu.

Esyonyimbo 50:22

Neryo mũganĩraye ebĩ, ĩnywe mukibirirawa Nyamuhanga, Ngasyabaherya, isihali oyo wasyabalamya.

Esyonyimbo 7:2

Bakasyanyitulanga ngʼendale, Erĩnyĩsatangya mo bitswe-bitswe, isihali oyo wanganyĩlamya.

Ezekĩelĩ 34:21

Kusangwa ũkakũna-kũna nʼolukanga nʼekitigo, nʼerĩkũna-kũna esiri nyolo omo mahembe wawe, erĩhĩka aho wabiripanza-panzirasyo eyĩhya.

Danĩelĩ 11:16

Nĩkwa omwami wʼelutambi lwʼeNdata oyukasa erilwa naye asyakola ngoko anzĩre, isihali mundu oyo wasyatoka erilwa naye; kandi asyasiba omo Kihugo Kibuya, iniawite erĩherya omo byala biwe.

Danĩelĩ 11:36

Neryo omwami oyo asyakola ngoko anzĩre, kandi asyayĩhamya nʼeriyipipa endata oko buli nyamuhanga, kandi asyabũga ebĩnywa bitsibu erilwa na Nyamuhanga wʼesyonyamuhanga; kandi asyagasa erĩhĩka aho mugulu wʼerihitana asyahwera, kusangwa ekyahamulawa kyasyakolwa.

Danĩelĩ 5:19

Neryo busana nʼobukulu obo amuha, abandu bosĩ nʼebihanda, nʼemĩbũge bakatitimana nʼeriubaha embere siwe. Oyo abya anzĩre erĩĩta, ĩnĩamwĩta, nʼoyo anzĩre eribyaho iniabyaho; nʼoyo anzĩre erĩhamya ĩnĩamũhamya, nʼoyo anzĩre erĩkehya ĩnĩamũkehya.

Danĩelĩ 5:30

Oko kiro ekyo, Belsasarĩ omwami wʼAbakaldea mwĩtwa.

Danĩelĩ 7:5

Neryo, lebaya, eyindi nyama eyʼakabiri, eyĩsosĩre edubu. Nayo moyasumbwa luhande luguma, nʼesyonganga ĩsatu syabya omo buno bwayo omo meno wayo; neryo mobabwirayo bati, Hangana, ulye esĩswĩ nyingi.

Danĩelĩ 8:7

Nage monalangira ikasegera hakũhĩ nʼembangale, kandi moyahitana kuyo, moyahumira embangale, moyatũa amahembe wayo abiri; nʼembangale moyitaswabya nʼamaka eriimana embere syayo; nĩkwa embaya moyakĩndayo ahisi oko kitaka nʼeriryatangirirayo; isihali oyo wangalamya embangale omo byala byayo.

Mĩka 5:8

Nʼabasĩgalira uku Yakobo basyabya omo katĩkatĩ kʼebihanda, nʼomo katĩkatĩ kʼabandu bangi, ngʼendale omo katĩkatĩ kʼesyonyama syʼomolĩ, ngʼekyana kyʼendale omo katĩkatĩ kʼebihangulo byʼesyombũlĩ; nayo yamalabamo, ikalyatangirira ahisi, nʼeritulanga-tulanga mo bihande bihande, isihali oyo wangabala.

Eryibuka Ebihano 33:17

Ngʼakambere kʼende yiwe, ekĩkengenĩe ni kiwe; Nʼamahembe wuwe ni mahembe wʼenganda. Asyakũna mugo mwʼebihanda, erĩhĩka oko ndũlĩ syʼekihugo. Nabo ni maelfu makũmĩ wa Efũraĩmũ, Kandi ni maelfu wa Manase.