Danĩelĩ 8:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Neryo monasumba ameso wage, nʼerilangira, neryo, lebaya, embere wʼolũsĩ bahangene embangale yʼamahembe abiri; nʼamahembe abiri ayo abya mali-mali; nĩkwa erĩhembe liguma lyabya liri oko lindi, nʼeriri eryo molyalasa enyũma.

Danĩelĩ 8:3 Iomraidhean Croise

1 Emyatsi yʼEmigulu 21:16

Na Dawĩdĩ mwasumba ameso wuwe mwalangira omũlaĩka wʼOmwami Mukulu inianimene omo katĩkatĩ kʼekihugo nʼolubula, iniawite oko mũyalĩ owakũlĩre omo byala biwe ĩnĩayĩsũmbĩre endata oko Yerũsalema. Neryo Dawĩdĩ nʼabakulu, ibambite emisarandwe, mobatũlama ahisi.

Ezera 1:2

Kĩro omwami wʼePersĩa akabũga ati, Omwami Mukulu Nyamuhanga wʼelubula abirimba amami gosĩ wʼekihugo; kandi abirinyihamula ati nyĩmũhĩmbĩre enyũmba eYerũsalema, eyiri eYũda.

Ezera 4:5

Mobenderabo abahanĩ erilwa nabo, bakakĩrĩrayabo omwʼĩsũnzĩkanĩa lyabo omo biro byosĩ bya Kĩro omwami wʼePersĩa, erĩhĩka oko butabale bwa Darĩo omwami wʼePersĩa.

Esĩterĩ 1:3

Oko mwaka wʼakasatu wʼeritabala liwe, Ahasuero mwakokotya erirya ĩnene busana nʼabanya-mwami buwe bosĩ nʼabagombe buwe, nʼabakulu bʼemilondo bʼePersĩa nʼeMedĩa, abakulu nʼabanya-mwami bʼebihugo ebyo, ibamabibya embere siwe.

Ĩsaya 13:17

Lebaya, nasyahanganĩa Abamedĩ erilwa nabo, abatendĩsyahĩra obũgũlĩ oko bĩtsĩpa kutse eritsemera esyamagetsi.

Ĩsaya 21:2

Namakangĩbwa erilota lĩkalĩre, Omũtebya akinakola ebyʼamatebo, nʼOmũherya akĩnaheraya. Hetuka, uwe Elamũ, uwe Medĩa, ugotere. Nabiribuga erĩsĩmba lyosĩ eryo abirituma.

Ĩsaya 44:28

Nĩ ngye ngahula Kĩro, nyiti, Nĩ mũlĩsya wage! Asyaberererya ebyosĩ ebĩkanyĩtsemesaya. Nʼeriahula eYerũsalema ati, Asyahĩmbwa; na busana nʼehekalũ ati, Ekibanza kyawe kyasyahalwa.

Yeremĩa 51:11

Mũtalaye emisoha, mũsũlaye esyolubo! Omwami Mukulu abĩrĩhanganĩa emitima yʼabami bʼAbamedĩ, kusangwa erĩganĩrya liwe ni malwa nʼeBabelĩ, erĩheryago, kusangwa nĩ ʼkĩsya lyʼOmwami Mukulu, erĩkĩsya busana nʼeHekalũ yiwe.

Danĩelĩ 10:5

monasumba ameso wage, nʼerilangira, neryo, lebaya, omundu iniambite ekĩtanĩ, nʼomo mbindi yiwe iniambite esyamagetsi esĩtũkwĩre sya Ũfasĩ.

Danĩelĩ 2:39

Nʼenyũma ukʼuwe obundi bwami bwasyahangana obuke kwilaba obwawe; kandi obundi bwami bwʼakasatu bʼomulinga obukasyatabala ekihugo kyosĩ.

Danĩelĩ 5:31

Na Darĩo Omũmedĩ mwĩmya obwami, iniawite myaka nga makũmĩ ndatu nʼeyĩbĩrĩ.

Danĩelĩ 6:28

Neryo Danĩelĩ oyũ mwabana omũyĩsa omo katĩkatĩ kʼeritabala lya Darĩo, nʼomo butabale bwa Kĩro Omũperesĩ.

Danĩelĩ 7:5

Neryo, lebaya, eyindi nyama eyʼakabiri, eyĩsosĩre edubu. Nayo moyasumbwa luhande luguma, nʼesyonganga ĩsatu syabya omo buno bwayo omo meno wayo; neryo mobabwirayo bati, Hangana, ulye esĩswĩ nyingi.

Danĩelĩ 8:2

Neryo monalangira omwʼilota esyonzolĩ; neryo omugulu nalangira, nabya ahakongotere eSũsa owabya omo kihugo kyʼeElamũ; kandi nabya omo syonzolĩ esyo inyine hakũhĩ nʼolũsĩ lwʼeŨlayĩ.

Danĩelĩ 8:20

Embangale eyo walangira, eyabya nʼamahembe abiri, ayo ni bami ba Medĩa na Persĩa.

Zekarĩa 1:18

Neryo monasumba ameso wage, monalebya, neryo, lebaya, mohabya amahembe ani.

Zekarĩa 2:1

Neryo monasumba ameso wage, monalangira, neryo, lebaya, omundu iniawite oko lukoba lwʼerirenga omo byala biwe.

Zekarĩa 5:1

Kandi monasumba ameso wage, monalebya neryo lebaya, ihali omũkũnzo wʼebarua owakaguluka.

Zekarĩa 5:5

Neryo omũlaĩka oyo wakanaya nage mwahuluka, mwambwira ati, Usumbe ameso wawe Ũlebaye ekikahuluka nga nĩkĩ.

Zekarĩa 5:9

Neryo monasumba ameso wage, monalangira, neryo, lebaya, abakalĩ babiri mobahuluka, nʼerihunga lyabya omo bĩpũpa byabo; kandi babya nʼebĩpũpa ngʼebĩpũpa byʼomũrobĩ; nabo mobasumba ekitiri ekyo endata omo katĩkatĩ kʼekihugo nʼelubula.

Zekarĩa 6:1

Nage monasumba ameso wage kandi, monalebya, neryo lebaya, esyogalĩ ĩnĩ mosyahuluka omo katĩkatĩ kʼebitwa bibiri; nʼebitwa ebyo byabya bitwa byʼemiringa.

Emiganzo 24:2

Na Balama mwasumba ameso wuwe, mwalangira Ĩsraelĩ ĩbĩkere mo kihanda kihanda; nʼOmũlĩmũ wa Nyamuhanga mwamũhĩkako.

Yosũa 5:13

Neryo mokyabya, omugulu Yosũa abya hakũhĩ nʼeYerĩko, mwasumba ameso wuwe, neryo mwalangira ihali omundu oyo wimene erĩlolya eyo ali nʼomũyalĩ owakũlĩre omo byala biwe; neryo Yosũa mwaya eyo ali, mwabũga naye ati, Uli wa kwĩtwe, kutse gʼoko syonzĩgũ syetu kwehĩ?

Eribisurirwa 13:11

Neryo monalangira eyindi nyama ĩkalũa omo kihugo. Yabya yiwite amahembe abiri ngʼekyana kyʼembũlĩ, kandi moyabũga ngʼekiyoka.

Eribisurirwa 5:6

Neryo monalangira Ekyana kyʼEmbũlĩ ekimene omo katĩkatĩ kʼekĩtũmbĩ kyʼobwami nʼerĩtĩmbwako nʼebĩhangĩkĩre bini ebiriho nʼabakulu. Ekyana kyʼEmbũlĩ ekyo kyabya nga kyabĩrĩĩtwa. Kandi kyabya kiwite amahembe alinda nʼameso alinda, awali Mĩrĩmũ irinda ya Nyamuhanga, eyatumawa omo kihugo kyosĩ.