Danĩelĩ 8:26 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁶ Nʼerilota lyʼamagolo-golo nʼesyongyakya ebyabĩrĩbũgwa ni kwenene; nĩkwa uhundire erilota eryo; kusangwa ni ryʼebiro bingi ebikandisyasa.

Danĩelĩ 8:26 Iomraidhean Croise

Ĩsaya 24:22

Kandi basyahĩndanĩbwa haguma, ngʼabandu bʼomũlĩkĩ ko bakahĩndanĩbawa omo buhya, kandi basyakingirwa omo mũlĩkĩ, nʼenyũma wʼebiro bingi basyasuyirwa.

Ezekĩelĩ 12:27

Omugala wʼomundu, lebaya, ekihanda kya Ĩsraelĩ kiti, Esyonzolĩ esyo akalangira ni syʼebiro bingi ebyasyasa, naye akaminyerera emigulu eyiri hali.

Danĩelĩ 10:1

Oko mwaka wʼakasatu wa Kĩro omwami wʼePersĩa, omwatsi mwabĩsũlĩrwa uku Danĩelĩ, oyo wahulawa mo Beltesaza; nʼomwatsi oyo abya kwenene, go wʼamalwa manene; naye mwaminya omwatsi oyo, kandi mwaminya erilota eryo.

Danĩelĩ 10:14

Lino nabĩrĩhĩka erĩkũmĩnyĩsya ebĩkandĩsyahĩka oko bandu bawe omo biro byʼenyũma; kusangwa esyonzolĩ esyo ni syʼebiro bingi byʼenyũma.

Danĩelĩ 11:2

Na lino ngandĩkũkangya ebyʼekwenene. Lebaya, hakandisyahangana abami basatu ePersĩa. Nʼowʼakani asyabya mũsokĩ kwilaba abandi bosĩ. Neryo omugulu amabibana amaka busana nʼobũsokĩ buwe, asyakola-kolya obwami bosĩ erilwa nʼobwami bwʼAbagrĩkĩ.

Danĩelĩ 12:4

Nĩkwa uwe Danĩelĩ, ũbĩse ebĩnywa ebĩ, kandi ũkũmbe ekitabu erĩhĩka oko mugulu wʼendũlĩ yʼemigulu. Abandu bangi basyalaba eyĩ nʼeyĩ, nʼeriminya lyasyakanyirira.

Danĩelĩ 12:9

Neryo omundu oyo mwabũga ati, Uwe Danĩelĩ, uyigendere, kusangwa ebĩnywa ebĩ bĩbĩsamĩre, kandi bĩbĩsĩre erĩhĩka oko mugulu wʼendũlĩ.

Eribisurirwa 10:4

Neryo omugulu emĩlũmo irinda yʼobũtũkũ yamabĩlũma, nabya ngasonda erisaka. Nĩkwa monowa omulenge akalũa elubula ati, Uyire emyatsi eyo emĩlũmo irinda ĩkabĩbũga mwʼĩkũmbo, susakeyo!

Eribisurirwa 22:10

Neryo mwambwira ati, Subohe ebĩnywa byʼeriminyerera byʼekitabu ekĩ, kusangwa endambĩ iri hakũhĩ yʼeribererera lyʼemyatsi eyĩ.