Danĩelĩ 8:22 - AMASAKO ABOYTRTRE WA NYAMUHANGA AWAKAHULAWA MO BIBLIA

²² Neryo erĩhembe eryatwĩka, nʼamahembe ani awahangana omo mwanya walyo, ni mami ani asyahangana erĩlũa omo kihanda kiwe, nĩkwa butsira nʼamaka wuwe.

Danĩelĩ 8:22 Iomraidhean Croise

Danĩelĩ 11:4

Nĩkwa omugulu amabihangana, obwami buwe bwasyatwĩka, kandi bwasyagabana erĩlolya oko syombande ĩnĩ, nĩkwa si busana nʼabana buwe kutse ngʼeritabala liwe eryo atabalamo; kusangwa obutabale buwe bwasyalũsĩbwa nʼerihabwa abandi bandu butsira abuwe.

Danĩelĩ 7:6

Nʼenyũma wʼaho monalangira, neryo, lebaya, eyindi nyama ngʼekisoro, nayo yabya nʼebĩpũpa bini byʼenyonyũ oko mugongo wayo; nʼenyama eyo yabya nʼemitwe ĩnĩ; nayo moyahabwa obutabale.

Danĩelĩ 7:7

Enyũma wʼaho monalangira omwʼilota lyʼekiro, neryo, lebaya, enyama yʼakani, eyʼerĩũbahya, eyĩkalĩre, nʼeyʼamaka kutsibu; nayo yabya iwite ameno awʼebyuma, amanene manene. Moyalya, moyatsũtsanga mo bitswe-bitswe, moyalyatangirira amasĩgalira omo bisando byayo; nayo moyabya ogundi mũsĩndo oko Sindi nyama syosĩ esyabya embere wayo; kandi yabya iwite amahembe ĩkũmĩ.

Danĩelĩ 8:21

Nʼembaya eyo yʼekitswiga ni mwami wʼAbagrĩkĩ; nʼerĩhembe ĩnene eryo eriri omo katĩkatĩ kʼameso wayo ni mwami wʼerĩmbere.

Danĩelĩ 8:23

Neryo oko mugulu wʼenyũma wʼeritabala lyabo, omugulu abakahalaya babibuga enzira yabo, omwami asyahangana; oyũkalĩre, nʼeriminya amenge mabi.

Danĩelĩ 8:3

Neryo monasumba ameso wage, nʼerilangira, neryo, lebaya, embere wʼolũsĩ bahangene embangale yʼamahembe abiri; nʼamahembe abiri ayo abya mali-mali; nĩkwa erĩhembe liguma lyabya liri oko lindi, nʼeriri eryo molyalasa enyũma.

Danĩelĩ 8:8

Nʼembaya eyo moyayĩhamya kutsibu; nʼomugulu yamabibya nʼamaka, erĩhembe ĩnene eryo molyatwĩka; nʼomo mwanya walyo mohalasa amahembe ani manene manene awalolĩrye oko mahunga ani wʼekyanya.

Zekarĩa 6:1

Nage monasumba ameso wage kandi, monalebya, neryo lebaya, esyogalĩ ĩnĩ mosyahuluka omo katĩkatĩ kʼebitwa bibiri; nʼebitwa ebyo byabya bitwa byʼemiringa.