Danĩelĩ 8:17 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁷ Neryo Gabrĩelĩ mwasa hakũhĩ nʼaho nabya nyimene; nʼomugulu ahĩka monubaha, monatũlama oko bũsũ bwage, nĩkwa mwambwira ati, Uwe mugala wʼomundu, Uminye ngoko erilota eryo ni ryʼoko mugulu wʼendũlĩ.

Danĩelĩ 8:17 Iomraidhean Croise

Enzũko 17:3

Neryo Abramu mwalambama, neryo Nyamuhanga mwakanĩa naye ati,

Ezekĩelĩ 1:28

Ngʼekĩsosekanĩo kyʼekima ekiri omo kĩtũ oko kiro kyʼembũla, ko kyabya kitya ekĩsosekanĩo kyʼerĩkangabasanĩa oko mbande syosĩ. Ekĩ kyo kyabya ekĩsosekanĩo ekiri ngʼolukengerwa lwʼOmwami Mukulu. Nage omugulu nalangirakyo, monatũlama kibiri-biri, monowa omulenge akabũga.

Ezekĩelĩ 2:1

Neryo mwabũga nage ati, Mugala wʼomundu, uhangane oko bisando byawe, nyitoke erĩbũga nawe!

Ezekĩelĩ 44:4

Neryo mwanyireta omo nzira yʼolũkyo lwʼelutambi lwʼendata embere syʼenyũmba. Nage monalebya, neryo lebaya, olukengerwa lwʼOmwami Mukulu molũsũlya enyũmba yʼOmwami Mukulu. Nage monawa kibiri-biri.

Ezekĩelĩ 6:2

Omugala wʼomundu ũlolaye obũsũ bwawe ebwanga bwʼebitwa byʼeĨsraelĩ uminyerere busana nabyo,

Danĩelĩ 10:11

Neryo oyo mwambwira ati, Uwe Danĩelĩ, uwe mundu oyũsĩmĩrwe kutsibu, Uminye ebĩnywa ebyo ngabũga nawe, uhangane mwĩsĩsĩka; kusangwa namatumwa ukʼuwe lino. Nʼomugulu ambwira ekĩnywa ekĩ, monahangana ngatitimana.

Danĩelĩ 10:16

Neryo, lebaya, omuguma oyũsosĩre abagala bʼabandu mwatũla oko mĩnywa yage; neryo monatanda obuno bwage monabũga nʼeribwira oyo wahangana embere syage, nyiti, Uwe Mukama wage, busana nʼerilota erĩ amalĩge wage abirimbamba, sĩndĩtasĩgala nʼakagala omwisi syage.

Danĩelĩ 11:27

Neryo abami bosĩ babiri, emitima yabo yasyasondya ebibi, kandi ababiri bosĩ basyĩkala oko mesa ibanemubihirana. Nĩkwa sibendisyatoka mwatsi, kusangwa endũlĩ yʼomwatsi yasyahĩka oko ndambĩ eyahulawa.

Danĩelĩ 11:40

Neryo oko mugulu wʼendũlĩ omwami wʼelutambi lwʼeYĩkwa asyabandana naye, nʼomwami wʼelutambi lwʼeNdata asyamubambira ngʼakanyabungu omo syogalĩ, ba bandu abali oko syosabayĩrĩ, haguma nʼamato mangi; kandi asyingira omo bihugo bingi, nʼerilaba kubyo, nʼeritwangana mubyo.

Danĩelĩ 12:13

Nĩkwa uwe, ugende ũhĩke oko ndũlĩ, neryo Wasyabana eriluhuka, neryo wasyalũbũka oko ndũlĩ yʼemigulu busana nʼerĩgabo lyawe eryabiriahulwa.

Danĩelĩ 12:4

Nĩkwa uwe Danĩelĩ, ũbĩse ebĩnywa ebĩ, kandi ũkũmbe ekitabu erĩhĩka oko mugulu wʼendũlĩ yʼemigulu. Abandu bangi basyalaba eyĩ nʼeyĩ, nʼeriminya lyasyakanyirira.

Danĩelĩ 2:46

Neryo omwami Nebũkadeneza mwatũlama, mwaramya Danĩelĩ, kandi mwahamula ati bamuherere amahere nʼobukwa obukakumba ndeke.

Danĩelĩ 7:16

Neryo monahĩka hakũhĩ nʼomuguma ukwʼabo babya bimeneho, monamũbũlya ekwenene yʼebyosĩ ebĩ. Naye mwambwira mwanyĩmĩnyĩsya eribikula lyʼemyatsi eyo.

Danĩelĩ 8:15

Neryo ĩngye Danĩelĩ nabere nabilangira erilota eryo, monasonda-sondya eriminyalyo; neryo, lebaya, mohahangana embere syage oyũsosĩre omundu.

Danĩelĩ 8:19

Neryo mwabũga ati, Lebaya, ngandĩkũmĩnyĩsya ebikandisyabya oko mugulu wʼendũlĩ yʼerihitana; kusangwa ni ryʼomugulu owahamulawa wʼendũlĩ.

Danĩelĩ 8:27

Neryo ĩngye Danĩelĩ, monaluha, monalwala ebiro ebyo; neryo monahangana, monakola omũbĩrĩ wʼOmwami; kandi monasweka busana nʼerilota eryo, nĩkwa sihabya owʼeriminyalyo.

Danĩelĩ 9:23

Okwʼĩtsũka lyʼemilake yawe erihana erĩ molyahamulwa, nage namasa erikubwira; kusangwa ũkasĩmawa kutsibu; busana nʼekyo uhulikirire omwatsi, Uminye erilota eryo.

Danĩelĩ 9:27

Naye asyahĩra endagano eyĩsĩkĩre haguma nʼabangi busana nʼebiro birinda, nʼomo katĩkatĩ kʼebiro birinda ebyo, asyatsĩrĩsya ehongo nʼobuhere bwʼeyĩsyano; nʼoko byʼesyonye esĩ, omundu muguma asyasa oyukayira ekĩma; erĩhĩka aho erihera kũndũ lyasyahĩrwa ukwʼoyukayira ekĩma.

Habakũkĩ 2:3

Kusangwa esyonzolĩ sikine busana nʼomugulu ategekawa, nasyo sikanguha erĩhĩka oko ndũlĩ yasyo, nasyo sisyendisyabiha; nomo syangalinda, ulindesyo; kusangwa sĩkandĩsyahĩka kwenene, sisyendisyamala.

Matayo 17:8

Nabo babere basumba ameso wabo, mobatalangira ho mundu, inina Yesu ĩyowene.

Eribisurirwa 1:17

Neryo omugulu namulolako, monawa ahisi oko bisando biwe ngʼomundu oyũholĩre. Naye mwambĩra kwʼebyala biwe byʼamali, ati, Sigubahe, ĩngye indi wʼerĩmbere nʼowʼenyũma.

Eribisurirwa 22:8

Neryo nĩ ngye Yoane, oyo wowa nʼerilangira emyatsi eyĩ. Kandi omugulu nowa nʼerilangira emyatsi eyĩ, monatũlama ahisi hakũhĩ nʼebisando byʼomũlaĩka oyo wanyĩkangaya emyatsi eyĩ, erĩmũramya.