Danĩelĩ 8:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Monowa omulenge wʼomundu omo katĩkatĩ kʼemikyingyi yʼolũsĩ lwʼeŨlayĩ, owakabirikira, ati, Gabrĩelĩ, Ũmĩnyĩsaye omundu oyũ erilota eryo.

Danĩelĩ 8:16 Iomraidhean Croise

Danĩelĩ 10:14

Lino nabĩrĩhĩka erĩkũmĩnyĩsya ebĩkandĩsyahĩka oko bandu bawe omo biro byʼenyũma; kusangwa esyonzolĩ esyo ni syʼebiro bingi byʼenyũma.

Danĩelĩ 10:21

Nĩkwa ngandikubwira ekĩsakĩre omo masako wʼekwenene; kandi sihali oyukahangana ndeke haguma nage erilwa nʼaba, yo nʼomunya-mwami wenyũ Mĩkaelĩ.

Danĩelĩ 7:16

Neryo monahĩka hakũhĩ nʼomuguma ukwʼabo babya bimeneho, monamũbũlya ekwenene yʼebyosĩ ebĩ. Naye mwambwira mwanyĩmĩnyĩsya eribikula lyʼemyatsi eyo.

Danĩelĩ 8:2

Neryo monalangira omwʼilota esyonzolĩ; neryo omugulu nalangira, nabya ahakongotere eSũsa owabya omo kihugo kyʼeElamũ; kandi nabya omo syonzolĩ esyo inyine hakũhĩ nʼolũsĩ lwʼeŨlayĩ.

Zekarĩa 1:9

Neryo monabũga nyiti, Uwe mukama wage, esĩ nĩkĩ kwehĩ? Omũlaĩka oyo wakanaya nage mwambwira ati, Ngandĩkũkangya esĩ nga nĩkĩ.

Zekarĩa 2:4

mwamubwira ati, Tibita, ũbũge nʼomũlwana oyũ, uti, eYerũsalema yasyĩkalwamo ngʼehĩyĩ bitawite esyombĩmbo busana nʼobungi bwʼabandu nʼesyonde muyo.

Luka 1:19

Nʼomũlaĩka mwamũsũbĩrya ati, Ĩngye indi Gabrĩelĩ. Oyukahangana embere sya Nyamuhanga, kandi nabiritumwa erikubwira, nʼerikuletera Engulu Yowene eyĩ.

Luka 1:26

Oko mukera wʼendatu wʼobukule bwa Elĩzabetĩ, Nyamuhanga mwatuma omũlaĩka ye Gabrĩelĩ oko mũyĩ wʼeGalĩlaya owakahulawa mo Nazaretĩ

Emibiri 10:13

Neryo omulenge mwamũhĩkako ati, Petero, hangana, ũsĩnze, ulye.

Emibiri 9:7

Nĩkwa abalume ababya naye oko lugendo mobahangana bũkũtũ, ĩbakowa omulenge oyo, nĩkwa isibetalangira mundu.

AbaEbrania 1:14

Kandi abamalaĩka bosĩ sĩ bĩrĩmũ ebikakolera Nyamuhanga kwehĩ? Sibetumawa na Nyamuhanga erĩwatĩkya abo abasyabana erilama kwehĩ?

Eribisurirwa 1:12

Neryo monakeba erĩrebya oyo wabũga nage. Nage nabere nakeba monalangira emitagala irinda yʼesyamagetsi.

Eribisurirwa 22:16

Ĩngye Yesu nabirituma omũlaĩka wage nʼerĩbatũlĩra emyatsi eyĩ busana nʼesyokanĩsa. Ingye indi Mũlĩhĩ nʼomwana wʼekĩtũnga kya Dawĩdĩ. Ĩngye indi ngũnũnũ eyikaka omo ngyakya-ngyakya.