Danĩelĩ 8:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Neryo monowa omundu ũbũyĩrĩre akabũga, kandi ogundi mundu ũbũyĩrĩre mwabwira oyo wabya akabũga ati, Erilota erĩ busana nʼobuhere bwʼebiro byosĩ lyasyabya oko mugulu wahi, omugulu erĩlolo likinaleta ekitsibu kyʼeriherya ekikaleka ahabũyĩrĩre nʼomulondo erĩryatangiriribwa ahisi kwehĩ?

Danĩelĩ 8:13 Iomraidhean Croise

Esyonyimbo 74:10

Uwe Nyamuhanga, esyonzĩgũ syetu syasyatuseka erĩtwĩryahi kwehĩ? Syasyatsuma erĩna lyawe kera na kera kwehĩ?

Esyonyimbo 74:9

Ebiminyikalo byetu bibũyĩrĩre byabirigenda; Isihakiri abamĩnyererĩ, Kandi Sĩtwasĩ nga byasyabya bitya erĩhĩka mugulu wahi.

Esyonyimbo 79:5

Uwe Mwami Mukulu Wasyatwĩryahi erituhitanako kwehĩ? Ebiro byosĩ kwehĩ? Erihitana lyawe lyasyaka ngʼomuliro kwehĩ?

Ĩsaya 28:18

Endagano yenyũ nʼoluholo byasyalĩmĩbwa, nʼerisakana lyenyũ nʼeKũlĩmũ siryendisyahangana. Omugulu ekĩhũnzo ekĩbwagĩre kyasyalaba, nenyũ mwasyabya eriryatangirira ahisi lyakyo.

Ĩsaya 6:11

Neryo monabũga, nyiti, Mukama, erĩtwĩryahi kwehĩ? Naye mwasũbĩrya ati, Erĩhĩkĩra aho emĩyĩ yasyabera kĩma butsira ndũlanĩ, nʼamanyũmba butsira mundu, nʼekihugo ikyamabibya kĩma kutsibu,

Ĩsaya 63:18

Abandu bawe babũyĩrĩre mobasĩgalya ahabũyĩrĩre hawe oko katambĩ kake. Esyonzĩgũ syetu syabiriryatangirira ahabũyĩrĩre hawe.

Ĩsaya 9:6

Kusangwa omwana asyabutwa busana netu, twasyahabwa omugala, Nʼobutabale bwasyabya oko bitigo biwe. Erĩna liwe lyasyahulwa mo Mũhanĩ Wʼeriswekera. Nyamuhanga Omũtokĩ, Tata Wʼerikota, Omunya-mwami Wʼobuholo.

Yeremĩa 12:10

Abalĩsya bangi babĩrĩherya eririma lyage lyʼebĩnyũ, babiriryatangirira amalima wage wʼahisi omwisi wʼebisando, babiriyira ekitaka kyage kyowene mo mbwarara yʼomulala.

Danĩelĩ 11:31

Neryo emilondo yiwe yasyahangana nʼerĩtsandya ahakongotere habũyĩrĩre, nʼerĩlũsya obuhere bwʼebiro byosĩ. Kandi basyahanganĩa enye yʼerĩherya.

Danĩelĩ 12:11

Kandi erĩtsũka omugulu obuhere bwʼebiro byosĩ bwasyalũsĩbwaho, nʼekyʼesyonye syʼerĩherya kyasyahanganĩbwa, hasyabya ebiro elfu nguma nʼamagana abiri nʼamakũmĩ mwenda (1,290).

Danĩelĩ 12:8

Nĩkwa ĩngye, monowa, nĩkwa monataluka eriminyabyo; kyaleka ĩnabũga nyiti, mukama wage, kwʼemyatsi eyĩ yasyabya iti kwehĩ?

Danĩelĩ 4:10

Esĩ nĩ nzolĩ syʼomutwe wage oko ngyingo yage, ko syabya sitya. Monalangira, neryo, lebaya, ihali omuti omo katĩkatĩ kʼekihugo; nʼobuli bwago bwabya buli kutsibu.

Danĩelĩ 4:13

Monalangira omo nzolĩ syʼomutwe wage oko ngyingo yage, neryo, lebaya, omũteya, omundu ũbũyĩrĩre mwandagala akalũa elubula.

Danĩelĩ 4:23

Kandi ngoko mwami alangira omũteya oyũbũyĩrĩre akandagala erĩlũa elubula, akabũga ati, Muko nde omuti, mũherayego; nĩkwa mũsĩge ekĩsĩkĩ kyʼemĩrĩhĩ yago omo kitaka, nĩkwa haguma nʼomũlĩkĩ wʼekyuma nʼomulinga omo biti birere birere byʼomolĩ, kandi kitsape omo kimi kyʼekyanya; kandi abye akasangira haguma nʼesyonyama syʼomolĩ, erĩhĩka emigulu irinda yasyamulabako.

Danĩelĩ 7:16

Neryo monahĩka hakũhĩ nʼomuguma ukwʼabo babya bimeneho, monamũbũlya ekwenene yʼebyosĩ ebĩ. Naye mwambwira mwanyĩmĩnyĩsya eribikula lyʼemyatsi eyo.

Danĩelĩ 7:23

Neryo mwabũga ati, Enyama yʼakani yasyabya bwami bwʼakani oko kihugo, obwasyabya muhanda oko mami gosĩ, nabo bwasyalya ekihugo kyosĩ, nʼeriryatangirirakyo ahisi, nʼerĩhĩnolakyo.

Danĩelĩ 9:27

Naye asyahĩra endagano eyĩsĩkĩre haguma nʼabangi busana nʼebiro birinda, nʼomo katĩkatĩ kʼebiro birinda ebyo, asyatsĩrĩsya ehongo nʼobuhere bwʼeyĩsyano; nʼoko byʼesyonye esĩ, omundu muguma asyasa oyukayira ekĩma; erĩhĩka aho erihera kũndũ lyasyahĩrwa ukwʼoyukayira ekĩma.

Zekarĩa 1:19

Neryo monabwira omũlaĩka oyo wakanaya nage nyiti, Aya ni mahi kwehĩ? Naye mwanyĩsũbĩrya ati, Aya ni mahembe awapanza-panza Yũda, na Ĩsraelĩ, nʼeYerũsalema.

Zekarĩa 14:5

Nenyũ mwasyatibita omo musya wʼebitwa byage; kusangwa omusya wʼebitwa asyahĩka eAzelĩ; ega, mwasyatibita, ngoko mwatibita busana nʼomũsĩkĩ omo biro byʼOmwami wʼeYũda ye Ũzĩa. Neryo Omwami Mukulu, uwe Nyamuhanga wage, asyasa, nʼababũyĩrĩre bosĩ haguma naye.

Matayo 11:27

Tata wage abirimba emyatsi yosĩ. Sihali oyo wasĩ Omugala nina Tata, kandi sihali oyo wasĩ Tata nina Mugala, nʼomundu oyo Mugala anzĩre erĩmũbĩsũlĩra.

Matayo 24:15

Neryo omugulu mwasyalangira ekĩkalĩre kyʼerĩherya ekyahulawa nʼomũmĩnyererĩ Danĩelĩ, ikihangene ahabũyĩrĩre; oyukasoma aminye ndeke!

Mariko 13:14

Nĩkwa omugulu mwasyalangira ekitsibu ikihangene oko kitatolere, Oyukasoma aminye ndeke. Neryo abali eYũdea basagire oko bitwa.

Luka 10:22

Tata wage abirimba emyatsi yosĩ, kandi sihali oyo wasĩ Mugala nga nindi, nina Tata; kandi sihali oyo wasĩ Tata nga nindi, nina Mugala, nʼomundu oyo Mugala anzĩre erĩmũbĩsũlĩra.

Luka 21:20

Omugulu mukalangira eYerũsalema ĩnĩnatĩmbĩrweko nʼemilondo yʼamalwa, neryo imwaminya erihera lyago ko lyamabĩhĩka hakũbĩ.

Luka 21:24

Basyahwa busana nʼobukali bwʼomũyalĩ, kandi basyatwalwa mo banyegwa omo bihanda byosĩ. Kandi abʼEbihanda basyalyatangirira eYerũsalema erĩhĩka aho emigulu yʼEbihanda yasyabererera.

Yoane 1:18

Sihali mundu wabilangira Nyamuhanga na kera; nina Nyamuhanga. Ekyusa, oyuli oko kĩkũba kya Tata, yo wabirimũmĩnyĩsya.

Eryibuka Ebihano 33:2

Neryo mwabũga ati, Omwami Mukulu mwalũa eSĩnaĩ, Mwatsindukirabo akalũa eSeĩrĩ, Mwakangabasanĩa erĩlũa oko Kitwa kyʼeParanĩ, Mwalũa ahali amaelfu makũmĩ wʼababũyĩrĩre. Oko byala biwe byʼamali habya ekyakakala kĩkakolerya busana nabo.

1 AbanyaTesalonika 3:13

Kandi Omukama asĩkaye emitima yenyũ imwabya abahĩkene nʼababũyĩrĩre embere sya Nyamuhanga wetu ye Tata, omugulu Omukama wetu Yesu asyasa haguma nʼabandu buwe bosĩ.

AbaEbrania 10:29

Nʼoyukapona Omugala wa Nyamuhanga, nʼerilangira omusasi wʼendagane owamuhigula ngʼekindu buyira, atolere erisuyirwa kutsibu kwʼaho. Nʼoyukatsuma Omũlĩmũ wʼolukogo, uti omundu oyo siatolere erisuyirwa erĩkalĩre kutsibu kwʼaho kwehĩ?

1 Petero 1:12

Nyamuhanga mwabĩsũlĩra abamĩnyererĩ aba ngoko mũbĩrĩ wabo siabya busana nabo ĩbobene, nĩkwa busana nenyũ, omugulu babũga emyatsi eyo mwabĩrĩowa. Kandi abakwenda bʼEngulu Yowene, ababũga omo maka wʼOmũlĩmũ Abũyĩrĩre owatumawa erĩlũa elubula, mobababwira ebyʼekwenene ebĩ. Kandi emyatsi eyĩ abamalaĩka banzĩre eriminyayo.

Yuda 1:14

Kandi Enoka oyo wabya wʼolulengo lwa Adamu, mwaminyerera busana nʼabandu aba ati, Lebaya, Omukama asyasa haguma nʼabamalaĩka babũyĩrĩre buwe maelfu nʼamaelfu,

Eribisurirwa 11:2

Nĩkwa Ũsĩge ekibuga ekiri eyĩhya oko Hekalũ. Sulengekyo, kusangwa kyabirihabwa oko bihanda, nabo basyalyatangirira Omũyĩ Abũyĩrĩre emikera makũmĩ ani nʼeyĩbĩrĩ.

Eribisurirwa 6:10

Neryo mobabirikira nʼomulenge munene bati, Uwe Mukama, oyũbũyĩrĩre nʼowʼekwenene! Wasyalinda emigulu yingahi okwʼitswera nʼerĩkĩsya omusasi wetu ukwʼabo bĩkere omo kihugo kwehĩ?

Abatswerĩ 13:18

Nʼomũlaĩka wʼOmwami Mukulu mwabũga ati, Busana nakĩ ũkabũlaya erĩna lyage kwehĩ? Kusangwa ni kyʼeriswekera.