Danĩelĩ 8:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Ega, mokayĩhamya kati, kakalingirirana nʼomukulu wʼomulondo; kandi mokamũlũsya kwʼobuhere bwʼerĩokererya, nʼahabũyĩrĩre huwe mohaguswa ahisi.

Danĩelĩ 8:11 Iomraidhean Croise

Ĩsaya 37:23

Wabiriponandi nʼeritsumandi kwehĩ? Kandi wabĩrĩkandalya omulenge wawe ukundi, nʼerisumbira ameso wawe endata? Ko nʼoko Yũbũyĩrĩre wa Ĩsraelĩ!

Ĩsaya 37:29

Kusangwa erinyihitanako lyawe, nʼeriyipipa lyawe byabĩrĩhĩka omo matwĩ wage, busana nʼekyo, nasyahĩra oruhugo omo nĩndo yawe, nʼomugatsulo wage omo mĩnywa yawe, kandi nasyakũsũbya omo nzira eyo wasiramo.

Yeremĩa 48:26

Mũmũkũndaye, kusangwa abĩrĩyĩhamya mo bũyĩgũ bwʼomwami Mukulu. Neryo Moabũ asyayĩnũba-nũbya omo bisalo biwe, kandi asyasekererĩbwa.

Yeremĩa 48:42

Na Moabũ asyaherĩbwa siabye kihanda, kusangwa abĩrĩyĩhamya erilwa nʼOmwami Mukulu.

Ezekĩelĩ 46:14

Kandi mwasyabana obuhere bwʼeyĩsyano yʼengano haguma nabo obuli ngyakya, ekitswe kiguma kyʼendatu kyʼekitiri, nʼekitswe kiguma kyʼebisatu kyʼetsũpa nguma yʼamagũta, erĩheherya eyĩsyano eyĩnogĩre. Obuhere bwʼeyĩsyano yʼengano oko Mwami Mukulu ebiro byosĩ omwʼihamula eritendisyahwa.

Danĩelĩ 11:22

Nʼemilondo yʼamalwa yasyalũsĩbwa embere siwe nʼerĩkĩndwa, nʼomunyamwami wʼendagano nibya.

Danĩelĩ 11:31

Neryo emilondo yiwe yasyahangana nʼerĩtsandya ahakongotere habũyĩrĩre, nʼerĩlũsya obuhere bwʼebiro byosĩ. Kandi basyahanganĩa enye yʼerĩherya.

Danĩelĩ 12:11

Kandi erĩtsũka omugulu obuhere bwʼebiro byosĩ bwasyalũsĩbwaho, nʼekyʼesyonye syʼerĩherya kyasyahanganĩbwa, hasyabya ebiro elfu nguma nʼamagana abiri nʼamakũmĩ mwenda (1,290).

Danĩelĩ 5:23

nĩkwa ukayihagata erilwa nʼomukama wʼelubula; kandi wabirireta esyondehĩ syʼenyũmba yiwe embere syawe, nawe nʼabakama bawe, nʼabakalĩ bawe, nʼabahwekĩ bawe, mwabĩrĩpũlĩrya musyo mwʼebĩnyũ kandi wabiripipa esyonyamuhanga syʼekĩtsĩpa nʼesyamagetsi, nʼesyʼomulinga, nʼesyʼekyuma, nʼesyʼemiti nʼesyʼamabwe, esitelangira, kutse erĩowa, kutse eriminya; na Nyamuhanga oyuli nʼomuka wawe wʼengebe omo byala biwe, nʼoyuli nʼesyonzira syawe syosĩ omo byala biwe, sulitamupipa.

Danĩelĩ 7:25

Naye asyabũga ebĩnywa byʼamalwa busana nʼOwendata Kutsibu, kandi asyalũhya abandu ba Nyamuhanga oyũ Owendata Kutsibu; kandi asyaganĩrya eribindula emigulu nʼemigambo, nʼabandu ba Nyamuhanga basyahĩrwa omo byala biwe oko mugulu nʼemigulu nʼoluhande lwʼomugulu.

Danĩelĩ 8:12

Kandi busana nʼamalolo akahembe ako kasyahabwa obuhere bwʼebiro byosĩ; kandi akahembe ako kasyagusa omwatsi wʼekwenene ahisi oko kitaka, nʼerikola erisonda lyako nʼeritokalyo.

Danĩelĩ 8:24

Nʼobũtokĩ buwe bwasyabya nʼamaka, nĩkwa butsira nʼobũtokĩ buwe ĩyowene; naye asyaherya nʼerĩswekya, asyagasa nʼerikola erisonda liwe; naye asyaherya esyombangĩ nʼabandu ba Nyamuhanga.

Danĩelĩ 8:25

Na busana nʼemibere yiwe asyatokesya amatebo omo byala biwe; kandi asyayĩhamya omo mutima wuwe; kandi asyaherya bangi omwʼiyiketera lyabo; kandi asyahangana nʼerilwa nʼOmunya-mwami wʼabanya-mwami; nĩkwa asyatĩndwa butsira omo byala byʼabandu.

Danĩelĩ 9:25

Neryo Uminye ũyĩtegereraye, erĩtsũka ekihamulo kyʼerĩsũbya nʼerĩswahĩmba eYerũsalema, erĩhĩka oko Mesĩa Munya-mwami, hasyabya amayenga alinda nʼamayenga makũmĩ ndatu nʼabiri. EYerũsalema yasyaswahĩmbwa haguma nʼesyombalu nʼomugende owakatĩmba, omo migulu yʼobũlĩge nibya.

Emiganzo 28:3

Kandi wasyabũga nabo uti, Obũ bo buhere obũkokĩbawa oko muliro obo mwasyaherera Omwami Mukulu: ehibangale hibiri hyʼomwaka muguma ehite ko bulema, ehibiri obuli kiro, eribya buhere bwʼerĩokererya emigulu yosĩ.

Luka 21:24

Basyahwa busana nʼobukali bwʼomũyalĩ, kandi basyatwalwa mo banyegwa omo bihanda byosĩ. Kandi abʼEbihanda basyalyatangirira eYerũsalema erĩhĩka aho emigulu yʼEbihanda yasyabererera.

2 AbanyaTesalonika 2:4

Iye akalwa nʼesyosĩ esyo abandu bakahula mo nyamuhanga, nʼebyosĩ abandu bakaramaya. Asyayĩhamya endata oko syosĩ, nʼeriya omo Hekalũ ya Nyamuhanga, nʼerĩĩkala oko kĩtũmbĩ omo Hekalũ, nʼeriyahula mo Nyamuhanga.

AbaEbrania 2:10

Kusangwa lyabya litolere busana na Nyamuhanga, oyo wahangika ebindu byosĩ nʼoyũkategaya ebindu byosĩ, eriyira Yesu mo mundu oyũhĩkene busana nʼeriagalwa liwe. Neryo Yesu oyo wakokotaya erilama lyabo, atoke erireta abana bangi erisangira olukengerwa luwe.

Eribisurirwa 17:14

Aba basyalwa nʼEkyana kyʼEmbũlĩ, nĩkwa Ekyana kyʼEmbũlĩ, haguma nʼabakamukwama, ababirikirawa buwe, nʼabayisogawa, nʼabateregula buwe, basyakĩndabo, kusangwa iye ni Mukama wʼabakama, nʼOmwami wʼabami.