Danĩelĩ 7:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Neryo monasiba ngalangira erĩhĩka aho ebĩtũmbĩ byʼobwami byahĩrĩrawaho, nʼomuguma oyo wabya Mukulu Wʼebiro mwĩkala oko kĩtũmbĩ kiwe. Esyongimba siwe syabya nyeru-nyeru ngʼenzururu, nʼesyonzwiri syʼomutwe wuwe syabya ngʼobweya bwʼembũlĩ obũhenĩrye kutsibu; nʼekĩtũmbĩ kiwe kyʼobwami kyabya ngʼebirimi byʼomuliro, nʼebĩrĩngo byako byabya ngʼomuliro owakaka.

Danĩelĩ 7:9 Iomraidhean Croise

1 Abami 22:19

Neryo Mĩkaya mwabũga ati, Gowe ekĩnywa kyʼOmwami Mukulu; monalangira Omwami Mukulu ĩnĩanĩkere oko kĩtũmbĩ kiwe kyʼobwami, nʼemilondo yosĩ yʼelubula ibanahangene hakũhĩ naye oko byala biwe byʼamali nʼoko malembe wuwe.

2 Emyatsi yʼEmigulu 18:18

Na Mĩkaya mwabũga ati, Neryo muhulikirire ekĩnywa kyʼOmwami Mukulu; monalangira Omwami Mukulu ĩnĩanĩkere oko kĩtũmbi kiwe kyʼobwami, nʼomulondo gosĩ wʼelubula ibanimene oko byala biwe byʼamali nʼebyʼamalembe.

Esyonyimbo 45:8

Erikumba ndeke lyʼamane-mane, Nʼeũũdĩ, nʼomũdalasanĩ, biri omo syongimba syawe; Abʼesyonanga bakakuwatira esyonyimbo erĩkũtsemesya omo bikali byʼameno wʼesyonzogũ.

Esyonyimbo 90:2

Ebitwa bite byahangikwa, Kandi ute wahangika ekitaka nʼekihugo, Uli Nyamuhanga kera na kera, suli nʼenzũko kutse omũheryo.

Esyonyimbo 93:2

Ekĩtũmbĩ kyawe kyʼobwami, uwe Mu­kama, kitula ĩkĩnasĩkĩre, Nawe utula kera na kera.

Ĩsaya 6:1

Oko mwaka ogo Ũzĩa aholako, monalola oko Mukama ĩnĩanĩkere oko kĩtũmbĩ kyʼobwami, ekiri endata nʼekĩsũmbĩre endata, nʼesyongimba syʼekanzu yiwe mosyũsũlya eHekalũ.

Ĩsaya 9:6

Kusangwa omwana asyabutwa busana netu, twasyahabwa omugala, Nʼobutabale bwasyabya oko bitigo biwe. Erĩna liwe lyasyahulwa mo Mũhanĩ Wʼeriswekera. Nyamuhanga Omũtokĩ, Tata Wʼerikota, Omunya-mwami Wʼobuholo.

Yeremĩa 49:38

Omwami Mukulu ati, Nasyahanda ekĩtũmbĩ kyage kyʼobwami eElamũ. Neryo nasyaherya omwami nʼesyongũla syayo.

Ezekĩelĩ 1:26

Nʼendata oko kyanya ekyabya endata oko mitwe yabyo mohabya ekĩsosekanĩo kyʼekĩtũmbĩ kyʼobwami, ngʼekĩsosekanĩo kyʼerĩbwe lyʼesafiro. Nʼoko kĩsosekanĩo ekyo kyʼekĩtũmbĩ kyʼobwami endata kutsibu, mohabya ekĩsosekanĩo kĩsosĩre omundu.

Danĩelĩ 7:13

Kandi monasiba ngalangira omwʼilota lyʼekiro, neryo, lebaya, oyũsosĩre omugala wʼomundu mwasa omo bĩtũ byʼelubula, mwahĩka oko Mukulu Wʼebiro, mobamuleta hakũhĩ embere siwe.

Danĩelĩ 7:22

erĩhĩka aho Mukulu Wʼebiro ahĩkĩra. Nʼeritswera molyahabwa oko bandu ba Nyamuhanga Owendata Kutsibu, nʼendambĩ moyahĩka busana nʼabandu ba Nyamuhanga erĩsĩgalya obwami.

Mĩka 5:2

Nĩkwa uwe Betelehemũ-Efurata, oyuli muke eribya omo katĩkatĩ kʼamaelfu wʼeYũda, umʼuwe mwasyahuluka omuguma busana nage oyo wasyabya mũtabalĩ omo Ĩsraelĩ, erihuluka liwe litula kera oko migulu ya kera na kera.

Habakũkĩ 1:12

Uwe Mwami Mukulu, Nyamuhanga wage, Oyũbũyĩrĩre wage, suli Wʼerikota kwehĩ? Sitwendisyahola. Uwe Mwami Mukulu, wabirihamulirabo omũbĩrĩ wʼeritswera; kandi nawe, uwe Lukuka, wabĩrĩhanganĩabo busana nʼerihabula.

Matayo 17:2

Neryo Yesu mwahĩndũkĩbwa embere syabo, nʼobũsũ buwe mobwakangabasanĩa ngʼeryuba, nʼesyongimba siwe mosyabya nyeru-nyeru ngʼekyakakala.

Matayo 28:3

Erisosa liwe lyabya ngʼerĩpalya lyʼobũtũkũ, nʼesyongimba siwe syabya nyeru-nyeru ngʼenzururu.

Mariko 9:3

Esyongimba siwe mosyakangabasanĩa, mosyabya nyeru-nyeru kutsibu, isihali oyo wangatoka erĩeryasyo atya.

Emibiri 2:30

Abya mũmĩnyererĩ, kandi abya asĩ ko Nyamuhanga amulaga endagane. Nyamuhanga mwamũlahĩrya ati akasyahĩra omundu muguma gʼoko bana buwe mo mwami.

Emibiri 2:33

Yesu abĩrĩhamĩbwa oko byala byʼamali bya Nyamuhanga, kandi abiribana uku Tata erilaga lyʼOmũlĩmũ Abũyĩrĩre, nʼebyo mukalangira lino nʼerĩowa nĩ lũsũnzo luwe abĩrĩtũtũlĩra.

AbanyaFilipi 3:9

Kandi nyibanike kwenene ko nyimatikene naye, isingwite ekitunganene ekikabanika omo Migambo, nĩkwa ekitunganene ekikabanika omwʼĩkĩrĩrya Kristo, kyo kitunganene ekĩkalũa ewa Nyamuhanga omo nzira yʼerĩkĩrĩrya.

1 Timoteo 6:16

Iye ĩyowene yukakota; kandi ĩkere omo kyakakala ekite kyangahĩkwamo. Sihali mundu oyo wabirimulolako, kandi sihali mundu wangatoka erimulolako. Erĩsĩkya nʼobũtokĩ bwa kera na kera bibye ukwʼiye, Amina.

1 Yoane 1:5

Omwatsi ogo twabĩrĩowa uku Mugala wuwe nʼerĩbatũlĩrago goyũ: tuti, Nyamuhanga ni kyakakala, kandi sihali omwĩrĩmya nʼahake omwisi wuwe.

Eribisurirwa 1:14

Omutwe wuwe nʼesyonzwiri siwe byabya byeru-byeru ngʼobweya bwʼembũlĩ, ngʼenzururu, nʼameso wuwe abya ngʼebirimi byʼomuliro.

Eribisurirwa 19:18

Mwase, mulye esĩswĩ syʼabami, nʼesyʼabakulu bʼabasĩrĩkanĩ, nʼesĩswĩ syʼesyombangĩ, nʼesĩswĩ syʼesyosabayĩrĩ, nʼesyʼabandu abali oko syosabayĩrĩ, nʼesĩswĩ syʼabandu bosĩ, abandu abali nʼobwĩranda, nʼabakobe, abandu bake-bake, nʼabakulu-bakulu!

Eribisurirwa 20:4

Neryo monalangira ebĩtũmbĩ byʼobwami, nʼababya bĩkere kubyo, kandi, mobahabwa ehamũlĩ yʼeritswera. Monalangira nibya ebĩrĩmũ byʼabandu abatwĩbawa kwʼemitwe busana nʼerĩtũla omwatsi wa Yesu, kandi busana nʼekĩnywa kya Nyamuhanga. Mobataramya enyama eyo kutse esanamu eyo, kandi mobatahĩrwa kwʼolusako lwʼenyama eyo oko mbũmo syabo kutse oko byala byabo. Mobasuba nʼeribyaho nʼeritabala haguma na Kristo emyaka elfu nguma (1,000).

Eribisurirwa 4:2

Neryo-neryo Omũlĩmũ mwambĩkako. Kandi lebaya, habya ekĩtũmbĩ kyʼobwami eyo elubula, kandi habya Oyo wĩkere oko kĩtũmbĩ kyʼobwami ekyo.