Danĩelĩ 7:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Nʼenyũma wʼaho monalangira, neryo, lebaya, eyindi nyama ngʼekisoro, nayo yabya nʼebĩpũpa bini byʼenyonyũ oko mugongo wayo; nʼenyama eyo yabya nʼemitwe ĩnĩ; nayo moyahabwa obutabale.

Danĩelĩ 7:6 Iomraidhean Croise

Ezekĩelĩ 17:3

uti, Omukama Iye, Omwami Mukulu ati, Erĩsamba ĩnene eryʼebĩpũpa binenebinene nʼebyeya biri-biri, ĩryoswĩre nʼebyeya ebiri kwʼemirera-mirera, molyahĩka eLebanonĩ molyaheka esingi yʼomuti wʼomũerezĩ.

Danĩelĩ 10:20

Neryo mwabũga ati, Ũnasĩ ekikaleka ĩnakũhĩkako kwehĩ? Na lino ngandisubula eriyalwa nʼomunya-mwami wʼePersĩa; nʼomugulu ngahongoka hano, lebaya, omunya-mwami wʼAbagĩrĩkĩ akandiasa.

Danĩelĩ 2:39

Nʼenyũma ukʼuwe obundi bwami bwasyahangana obuke kwilaba obwawe; kandi obundi bwami bwʼakasatu bʼomulinga obukasyatabala ekihugo kyosĩ.

Danĩelĩ 7:4

Eyʼerĩmbere yabya ngʼendale eyiwite ebĩpũpa byʼerĩsamba; neryo monalebya ebĩpũpa byayo mobyatũbwa, nayo moyasumbirwa oko kihugo moyahanganĩrĩbwa oko mihimbi ĩbĩrĩ ngʼomundu; moyahabwa omutima wʼomundu.

Danĩelĩ 7:5

Neryo, lebaya, eyindi nyama eyʼakabiri, eyĩsosĩre edubu. Nayo moyasumbwa luhande luguma, nʼesyonganga ĩsatu syabya omo buno bwayo omo meno wayo; neryo mobabwirayo bati, Hangana, ulye esĩswĩ nyingi.

Hosea 13:7

Busana nʼekĩ indi kubo ngʼendale; ngʼekisoro ngandĩrĩmbyabo omo nzira;

Eribisurirwa 13:2

Enyama eyo nalangira yabya yĩsosĩre esoro, nʼebisando byayo ĩbĩsosĩre ebisando byʼedubu, nʼobuno bwayo ĩbũsosĩre obuno bwʼendale. Kandi ekiyoka ekyo mokyaha enyama eyo amaka wakyo, nʼekĩtũmbĩ kyakyo kyʼobwami, nʼehamũlĩ nene.