Danĩelĩ 7:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Neryo, lebaya, eyindi nyama eyʼakabiri, eyĩsosĩre edubu. Nayo moyasumbwa luhande luguma, nʼesyonganga ĩsatu syabya omo buno bwayo omo meno wayo; neryo mobabwirayo bati, Hangana, ulye esĩswĩ nyingi.

Danĩelĩ 7:5 Iomraidhean Croise

2 Abami 2:24

Neryo mwakebera enyũma mwalangirabo, mwatsumabo oko lĩna lyʼOmwami Mukulu. Neryo mohahuluka esyodubu ĩbĩrĩ syʼobũkalĩ sĩkalũa omo mũsĩtũ, mosyatulanga abalwana makũmĩ ani nʼababiri ba kubo.

Emĩsyo 17:12

Lyowene omundu erĩhĩndana nʼedubu eyabĩrĩhũngwa kwʼekyana kyayo Kwilaba erĩhĩndana nʼomũkĩrũ omo bũkĩrũ buwe.

Ĩsaya 56:9

Ĩnywe nyama syosĩ syʼomolĩ, ĩnywe nyama syosĩ syʼomo mũsĩtũ, mwase mulye.

Danĩelĩ 11:2

Na lino ngandĩkũkangya ebyʼekwenene. Lebaya, hakandisyahangana abami basatu ePersĩa. Nʼowʼakani asyabya mũsokĩ kwilaba abandi bosĩ. Neryo omugulu amabibana amaka busana nʼobũsokĩ buwe, asyakola-kolya obwami bosĩ erilwa nʼobwami bwʼAbagrĩkĩ.

Danĩelĩ 2:39

Nʼenyũma ukʼuwe obundi bwami bwasyahangana obuke kwilaba obwawe; kandi obundi bwami bwʼakasatu bʼomulinga obukasyatabala ekihugo kyosĩ.

Danĩelĩ 5:28

Peresĩ—obwami bwawe bwamagabwa, bwabirihabwa oko Bamedĩ nʼAbapersĩ.

Danĩelĩ 7:4

Eyʼerĩmbere yabya ngʼendale eyiwite ebĩpũpa byʼerĩsamba; neryo monalebya ebĩpũpa byayo mobyatũbwa, nayo moyasumbirwa oko kihugo moyahanganĩrĩbwa oko mihimbi ĩbĩrĩ ngʼomundu; moyahabwa omutima wʼomundu.

Danĩelĩ 7:6

Nʼenyũma wʼaho monalangira, neryo, lebaya, eyindi nyama ngʼekisoro, nayo yabya nʼebĩpũpa bini byʼenyonyũ oko mugongo wayo; nʼenyama eyo yabya nʼemitwe ĩnĩ; nayo moyahabwa obutabale.

Hosea 13:8

nasyahĩndana nabo ngʼedũbũ eyiriasagulawa ebyana byayo, kandi nasyatula ebĩkũba byabo; nʼeyo nasyamerabo ngʼendale yʼobũkalĩ; enyama yʼomolĩ yasyatulabo.

Eribisurirwa 13:2

Enyama eyo nalangira yabya yĩsosĩre esoro, nʼebisando byayo ĩbĩsosĩre ebisando byʼedubu, nʼobuno bwayo ĩbũsosĩre obuno bwʼendale. Kandi ekiyoka ekyo mokyaha enyama eyo amaka wakyo, nʼekĩtũmbĩ kyakyo kyʼobwami, nʼehamũlĩ nene.