Danĩelĩ 7:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Eyʼerĩmbere yabya ngʼendale eyiwite ebĩpũpa byʼerĩsamba; neryo monalebya ebĩpũpa byayo mobyatũbwa, nayo moyasumbirwa oko kihugo moyahanganĩrĩbwa oko mihimbi ĩbĩrĩ ngʼomundu; moyahabwa omutima wʼomundu.

Danĩelĩ 7:4 Iomraidhean Croise

2 Samwelĩ 1:23

Saũlo na Yonatana, babya banzĩrwe nʼabʼerĩtsemesya omo mayingo wabo, Kandi mobatagabana omo luholo lwabo. Babya bangũhĩre kwilaba amasamba, Babya nʼamaka kwilaba esyondale.

Yobũ 25:6

Nʼomundu oyuli munyole akehĩre kwilaba aho! Nʼomugala wʼomundu oyuli kihuka!

Esyonyimbo 9:20

Uwe Mwami Mukulu, wĩtebo obuba! Ebihanda biminye ko bali bandu buyira.

Yeremĩa 25:38

Omwami Mukulu abĩrĩsĩganĩa ahʼerĩbĩsama huwe ngʼendale, kusangwa ekihugo kyabo kyabiribya nye busana nʼobukali bʼomũyalĩ obwʼerĩnũbya, kandi busana nʼerihitana liwe erĩkalĩre.

Yeremĩa 4:13

Lebaya, akasyahetuka ngʼebĩtũ, nʼesyogalĩ siwe syʼamalwa syasyabya ngʼakanyabungu. Esyosabayĩrĩ siwe syangũhĩre kwilaba amasamba. Obũlĩge kwĩtwe, kusangwa twabiritsanda!

Yeremĩa 4:7

Endale yabirihetuka ĩkalũa omo kisaka kyayo, nʼOmũherya wʼebihanda alimwasa omo nzira, abĩrĩlũa aho wuwe, eriyira ekihugo kyawe mo kĩma, emĩyĩ yawe yasyabya mulala, ahate ndũlanĩ.

Yeremĩa 48:40

Kusangwa Omwami Mukulu ati, Lebaya, omundu asyaguluka ngʼerĩsamba, asyasanzula ebĩpũpa biwe erilwa na Moabũ.

Yeremĩa 49:19

Lebaya, omundu asyahetuka ngʼendale akalũa omo bisaka byʼeYorodanĩ oko lũlĩsĩryo lubisi. Kusangwa nasyaleka iniasagaho lũba, nʼoyukayisogawa nasyamũhĩra endata kuho. Kusangwa nindi alinga ngye kwehĩ? Kandi nindi wasyanyitwala omwʼĩbũgĩro kwehĩ? Nʼomũlĩsya nindi oyo wasyimana mo nzĩgũ yage kwehĩ?

Ekiriro 4:19

Abakatukwama bangũhĩre Kwilaba amasamba awʼomo kyanya. Mobatuhiga oko bitwa, Mobatulambira omo mbwarara.

Ezekĩelĩ 17:3

uti, Omukama Iye, Omwami Mukulu ati, Erĩsamba ĩnene eryʼebĩpũpa binenebinene nʼebyeya biri-biri, ĩryoswĩre nʼebyeya ebiri kwʼemirera-mirera, molyahĩka eLebanonĩ molyaheka esingi yʼomuti wʼomũerezĩ.

Ezekĩelĩ 28:2

Mugala wʼomundu, Ubwire omũsondolĩ wʼeTĩro uti, Omukama Iye Omwami Mukulu ati, Kusangwa omutima wawe amayĩhamya, kandi wabĩrĩbũga uti, Ĩngye nyiri nyamuhanga, nyĩkere omo kĩtũmbĩ kyʼesyonyamuhanga, omo katĩkatĩ kʼesyongetsi. Nĩkwa uli mundu, suli Nyamuhanga, nomo wangahĩra omutima wawe eribya nga Nyamuhanga.

Ezekĩelĩ 28:9

Wasyaswabũga embere syʼoyũkakwĩta uti, Ĩngye indi nyamuhanga inuli mundu, isuli Nyamuhanga, omo byala byʼoyũkakũhũtalaya kwehĩ?

Danĩelĩ 2:38

nʼehosĩ aho abana bʼabandu bĩkere, esyonyama syʼomolĩ, nʼesyonyonyũ syʼekyanya abĩrĩhĩrasyo omo byala byawe, abĩrĩkũtabalĩsya kusyo esyosĩ. Uwe uli mutwe wʼesyamagetsi.

Danĩelĩ 4:36

Oko mugulu oyo, obũlengekanĩa bwage mobwanyisubako; kandi busana nʼolukengerwa lwʼobwami bwage, erĩkangabasanĩa lyage nʼolukengerwa lwage mobyanyisubako; nʼabahanĩ bage nʼabakama bage mobasa erĩnyĩsondya; nage monaswahanganĩbwa omo bwami bwage, nʼobukulu bubuya mobwanyitomekerwako.

Danĩelĩ 7:12

Neryo esindi nyama esyo mosyasagulwa eritabala lyasyo; nĩkwa eribyaho lyasyo molyatomekerwako busana nʼendambĩ eyahulawa.

Danĩelĩ 7:5

Neryo, lebaya, eyindi nyama eyʼakabiri, eyĩsosĩre edubu. Nayo moyasumbwa luhande luguma, nʼesyonganga ĩsatu syabya omo buno bwayo omo meno wayo; neryo mobabwirayo bati, Hangana, ulye esĩswĩ nyingi.

Matayo 24:28

Ahali ekĩnda, ho amahungu asyahĩndana.

Eryibuka Ebihano 28:49

Omwami Mukulu asyaleta ekihanda kyʼehali erilwa nenyũ, ekĩkalũa oko ndũlĩ yʼekihugo, ngʼerĩsamba likaguluka; ekihanda ekyo mutendisyaminya omũbũge wakyo;

Eribisurirwa 13:2

Enyama eyo nalangira yabya yĩsosĩre esoro, nʼebisando byayo ĩbĩsosĩre ebisando byʼedubu, nʼobuno bwayo ĩbũsosĩre obuno bwʼendale. Kandi ekiyoka ekyo mokyaha enyama eyo amaka wakyo, nʼekĩtũmbĩ kyakyo kyʼobwami, nʼehamũlĩ nene.