Danĩelĩ 7:23 - AMASAKO ABOYTRTRE WA NYAMUHANGA AWAKAHULAWA MO BIBLIA

²³ Neryo mwabũga ati, Enyama yʼakani yasyabya bwami bwʼakani oko kihugo, obwasyabya muhanda oko mami gosĩ, nabo bwasyalya ekihugo kyosĩ, nʼeriryatangirirakyo ahisi, nʼerĩhĩnolakyo.

Danĩelĩ 7:23 Iomraidhean Croise

Danĩelĩ 2:40

Nʼobwami bwʼakani bwasyabya nʼamaka ngʼekyuma, kusangwa ngoko ekyuma kikatulanga ebihande bihande nʼerĩkĩnda ebindu byosĩ, kandi ngoko ekyuma kĩkahĩmata ebyosĩ ebĩ, ko bwasyatulangago mo bihande bihande nʼerĩhĩmatago.

Danĩelĩ 7:22

erĩhĩka aho Mukulu Wʼebiro ahĩkĩra. Nʼeritswera molyahabwa oko bandu ba Nyamuhanga Owendata Kutsibu, nʼendambĩ moyahĩka busana nʼabandu ba Nyamuhanga erĩsĩgalya obwami.

Danĩelĩ 7:24

Neryo busana nʼamahembe ĩkũmĩ ayo, abami ĩkũmĩ basyahangana bakalũa omo bwami obũ; nʼogundi mwami asyahangana enyũma kubo. Naye asyabya ogundi muhanda kwʼabo bʼembere, naye asyatoya abami basatu.

Danĩelĩ 7:7

Enyũma wʼaho monalangira omwʼilota lyʼekiro, neryo, lebaya, enyama yʼakani, eyʼerĩũbahya, eyĩkalĩre, nʼeyʼamaka kutsibu; nayo yabya iwite ameno awʼebyuma, amanene manene. Moyalya, moyatsũtsanga mo bitswe-bitswe, moyalyatangirira amasĩgalira omo bisando byayo; nayo moyabya ogundi mũsĩndo oko Sindi nyama syosĩ esyabya embere wayo; kandi yabya iwite amahembe ĩkũmĩ.

Luka 2:1

Oko mugulu oyo, Omwami mukulu Kaĩsarĩ Augũsto mwahamula ati abandu bosĩ bʼobwami buwe bagende oko tsapa.