Danĩelĩ 7:20 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁰ na busana nʼamahembe ĩkũmĩ awabya oko mutwe wayo, nʼerindi rĩhembe eryalasa, nʼembere kulyo amahembe asatu mwatoga, erĩhembe eryabya liwite ameso, nʼobuno obwabũga emyatsi yʼeriyiheka, nʼerilolwako lyayo lyabya lĩkalĩre. Kandi erĩhembe eryo lyabya nga nĩ rĩnene kwilaba awandi mahembe ayo.

Danĩelĩ 7:20 Iomraidhean Croise

Danĩelĩ 7:11

Nʼoko mugulu oyo monasiba ngalangira busana nʼomulenge wʼebĩnywa byʼeriyiheka ebyo erĩhembe lyabũga; monasiba ngalangira erĩhĩka aho enyama eyo yĩtĩrawa, nʼomubiri wayo mwaherĩbwa, nʼerihabwa erĩhĩsĩrĩrĩbwa oko muliro.

Danĩelĩ 7:19

Neryo monasonda eriminya ekwenene yʼomwatsi wʼenyama yʼakani, eyabya ogundi muhanda oko Sindi, eyʼerĩũbahya kutsibu, ameno wayo abya wʼebyuma, nʼesyonyala syayo syʼomulinga; eyo yalya, nʼerĩtsũtsanga mo bitswebitswe, eyalyatangirira amasĩgalira omo bisando byayo;

Danĩelĩ 7:21

Kandi monasiba ngalebya, neryo erĩhembe eryo molyalwa amalwa nʼabandu ba Nyamuhanga, nʼerĩkĩndabo,

Danĩelĩ 7:23

Neryo mwabũga ati, Enyama yʼakani yasyabya bwami bwʼakani oko kihugo, obwasyabya muhanda oko mami gosĩ, nabo bwasyalya ekihugo kyosĩ, nʼeriryatangirirakyo ahisi, nʼerĩhĩnolakyo.

Danĩelĩ 7:7

Enyũma wʼaho monalangira omwʼilota lyʼekiro, neryo, lebaya, enyama yʼakani, eyʼerĩũbahya, eyĩkalĩre, nʼeyʼamaka kutsibu; nayo yabya iwite ameno awʼebyuma, amanene manene. Moyalya, moyatsũtsanga mo bitswe-bitswe, moyalyatangirira amasĩgalira omo bisando byayo; nayo moyabya ogundi mũsĩndo oko Sindi nyama syosĩ esyabya embere wayo; kandi yabya iwite amahembe ĩkũmĩ.

Danĩelĩ 7:8

Nage monasamalira amahembe ayo, neryo, lebaya, erindi rĩhembe molyalasa omo katĩkatĩ kago, erĩke, embere walyo awandi mahembe asatu wʼerĩmbere mwakulwa nʼemĩrĩhĩ; neryo lebaya omwʼĩhembe erĩ habya ameso ngʼameso wʼomundu, nʼobuno obũkabũga emyatsi yʼeriyihalamba.

Eribisurirwa 12:3

Neryo ekindi kitiko-tiko mokyabutuka elubula. Neryo lebaya! Habya ekiyoka kinene ekĩhenĩrye ngʼengula, ikiwite emitwe irinda, nʼamahembe ĩkũmĩ, nʼesyombĩta sirinda syabya oko mitwe yakyo.