Danĩelĩ 7:18 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁸ Nĩkwa ababũyĩrĩre bʼOwendata Kutsibu basyangirira obwami, nʼerĩsĩgalya obwami kera na kera, erĩhĩka kera na kera.

Danĩelĩ 7:18 Iomraidhean Croise

Esyonyimbo 45:16

Uwe mwami, wasyabya nʼabana abakabya omo mwanya wʼaboso-kulu wawe, Kandi wasyayirabo mo batabalĩ omo kihugo kyosĩ.

Esyonyimbo 49:14

Basyahola ngʼesyombũlĩ, Oluholo lwasyabya mũlĩsya wabo. Abatunganene basyakĩndabo omo ngyakya-ngyakya, Nʼemibiri yabo yasyahondera eKũlĩmũ, Ibali hali kwʼeka wabo.

Ĩsaya 14:2

Ebihanda byasyĩmyabo nʼeriretabo aho wabo. Ekihanda kya Ĩsraelĩ kyasyasĩgalyabo mo mwandu omo kihugo kyʼOmwami Mukulu ngʼabagombe bʼobulume, na busana nʼabatsana; kandi basyĩmya abanyegabo eribya abanyegwa babo; kandi basyatabalira abanũbayabo.

Danĩelĩ 7:14

Naye mwahabwa eritabala, nʼolukengerwa, nʼobwami, abandu bosĩ nʼebihanda, nʼemĩbũge bamukolere; eritabala liwe ni ʼtabala lya kera na kera, eritendisyahwaho, nʼobwami buwe ni bwami obũtendĩsyaherĩbwa.

Danĩelĩ 7:17

Esyonyama nene-nene esĩ eSĩnĩ, ni bami bani abakandisyahangana erĩlũa omo kihugo.

Danĩelĩ 7:22

erĩhĩka aho Mukulu Wʼebiro ahĩkĩra. Nʼeritswera molyahabwa oko bandu ba Nyamuhanga Owendata Kutsibu, nʼendambĩ moyahĩka busana nʼabandu ba Nyamuhanga erĩsĩgalya obwami.

Danĩelĩ 7:25

Naye asyabũga ebĩnywa byʼamalwa busana nʼOwendata Kutsibu, kandi asyalũhya abandu ba Nyamuhanga oyũ Owendata Kutsibu; kandi asyaganĩrya eribindula emigulu nʼemigambo, nʼabandu ba Nyamuhanga basyahĩrwa omo byala biwe oko mugulu nʼemigulu nʼoluhande lwʼomugulu.

Danĩelĩ 7:27

Nʼobwami nʼobutabale nʼobukulu bwʼamami eyĩkwa wʼamatũkũ gosĩ, byasyahabwa oko bandu ba Nyamuhanga Owendata Kutsibu. Obwami buwe ni bwami bwa kera na kera, nʼamatabale gosĩ asyamukolera nʼerimukenga.

Obadĩa 1:17

Nĩkwa omo kitwa kyʼeSĩonĩ hasyabya abakabala, nakyo kyasyabya kĩbũyĩrĩre; nʼekĩtũnga kya Yakobo kyasyasĩgalya ebindu byabo.

Luka 1:33

Kandi asyatabalira ekihanda kya Yakobo kera na kera, nʼobwami buwe sibwendisyahwa.

1 AbanyaKorinto 6:2

Sĩmwasĩ kwʼabandu ba Nyamuhanga basyatswera ekihugo kwehĩ? Mwamabya ĩnĩ ĩnywe mukasyatswera ekihugo, Simutolere eritswera esyombanza ngenge-nge kwehĩ?

AbanyaEfeso 1:3

Tupipe Nyamuhanga Tata wʼOmukama wetu Yesu Kristo! Busana nʼerimatikana na Kristo Nyamuhanga abirituha omũyĩsa munene. Abirituha obuli mũyĩsa wʼekĩrĩmũ owakalũa omo myanya yʼelubula.

AbanyaEfeso 6:12

Kusangwa situlilwa nʼabandu, nĩkwa tukalwa nʼabatabalĩ, nʼabʼamaka, nʼabʼehamũlĩ bʼomwĩrĩmya muna-kihugo, nʼemilondo yʼebĩrĩmũ byʼebibi ebiri omo kyanya.

Eribisurirwa 20:4

Neryo monalangira ebĩtũmbĩ byʼobwami, nʼababya bĩkere kubyo, kandi, mobahabwa ehamũlĩ yʼeritswera. Monalangira nibya ebĩrĩmũ byʼabandu abatwĩbawa kwʼemitwe busana nʼerĩtũla omwatsi wa Yesu, kandi busana nʼekĩnywa kya Nyamuhanga. Mobataramya enyama eyo kutse esanamu eyo, kandi mobatahĩrwa kwʼolusako lwʼenyama eyo oko mbũmo syabo kutse oko byala byabo. Mobasuba nʼeribyaho nʼeritabala haguma na Kristo emyaka elfu nguma (1,000).

Eribisurirwa 22:5

Neryo sĩbwendĩsyĩra kandi eyo, kandi sibendisyabya nʼobwaga bwʼekyakakala kyʼetala, kutse ekyakakala kyʼeryuba, kusangwa Omukama Nyamuhanga asyakoleryabo, basyatabala kera na kera.

Eribisurirwa 3:21

Oyũkakĩnda, nasyamuha ehamũlĩ erĩĩkala haguma nage oko kĩtũmbĩ kyage kyʼobwami, ngoko nĩkala haguma na Tata wage oko kĩtũmbĩ kiwe kyʼobwami.

Eribisurirwa 5:10

Wabiriyirabo eribya bwami, nʼabahererĩ, erikolera Nyamuhanga wetu. Kandi, basyatabala muna-kihugo.