Danĩelĩ 7:15 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁵ Nĩkwa ĩngye Danĩelĩ, ekĩrĩmũ kyage mokyakwa obũlĩge omwisi syʼomubiri wage, nʼerilota lyʼomutwe wage molyanyĩta obũlĩge.

Danĩelĩ 7:15 Iomraidhean Croise

Enzũko 41:8

Enyũma wʼaho omo ngyakyangyakya, ekĩrĩmũ kiwe mokyakwa engitsi, neryo mwatuma eribirikira abalagũlĩ bosĩ bʼeMĩsĩrĩ. Nʼabalume bosĩ bʼamenge. Neryo Farao mwabwirabo erilota liwe nĩkwa sihabya mundu nʼomuguma oyo wangatoka eribikuliralyo Farao.

Yeremĩa 17:16

Nĩkwa Omukama, ĩngye sinditakuhatikana erĩĩtabo, kutse sinditasonda obũlĩge busana nabo. Uwe ũnasĩ ebyo. Ekyo kyalũa omo mĩnywa yage kyabya embere syawe, ũnasĩkyo.

Danĩelĩ 10:16

Neryo, lebaya, omuguma oyũsosĩre abagala bʼabandu mwatũla oko mĩnywa yage; neryo monatanda obuno bwage monabũga nʼeribwira oyo wahangana embere syage, nyiti, Uwe Mukama wage, busana nʼerilota erĩ amalĩge wage abirimbamba, sĩndĩtasĩgala nʼakagala omwisi syage.

Danĩelĩ 2:1

Oko mwaka wʼakabiri wʼeritabala lya Nebũkadeneza, Nebũkadeneza mwa­lota esyonzolĩ, nʼomutima wuwe mwakukubala, nʼotũgotserĩ tuwe motwamuhwako.

Danĩelĩ 2:3

Nʼomwami mwabwirabo ati, Mongalota esyonzolĩ, nʼomutima wage akasũsũmana busana nʼerisonda eriminya erilota eryo.

Danĩelĩ 4:19

Neryo Danĩelĩ, oyukahulawa mo Beltesaza, mwabumbubana akatambĩ, nʼamalengekanĩa wuwe mwamũswekya. Nʼomwami mwasũbĩrya ati, Beltesaza, Suleke erilota erĩ nʼeribikulalyo lĩkakũswekya. Beltesaza mwamũsũbĩrya ati, Omukama wage, erilota erĩ ni ryʼabakakũkwa obusu, nʼeribikula lyalyo libye oko syonzĩgũ syawe.

Danĩelĩ 4:5

Monalota esyonzolĩ esĩnyĩtĩre obuba; nʼamalengekanĩa oko ngyingo yage, nʼesyonzolĩ syʼomutwe wage mosyanyĩgerũkya omutima.

Danĩelĩ 7:1

Oko mwaka wʼerĩmbere wa Belsasarĩ, omwami wʼeBabelĩ, Danĩelĩ, mwalota akalola oko syonzolĩ syʼomutwe wuwe oko ngyingo yiwe; neryo mwasaka erilota eryo mwatũla omwatsi walyo.

Danĩelĩ 7:28

Eyĩ yo ndũlĩ yʼomwatsi. Nĩkwa ĩngye Danĩelĩ amalengekanĩa wage mwanyĩta obũlĩge bo kutsibu, nʼobũsũ bwage mobwahinduka; nĩkwa monabika omwatsi oyo omo mutima wage.

Danĩelĩ 8:2

Neryo monalangira omwʼilota esyonzolĩ; neryo omugulu nalangira, nabya ahakongotere eSũsa owabya omo kihugo kyʼeElamũ; kandi nabya omo syonzolĩ esyo inyine hakũhĩ nʼolũsĩ lwʼeŨlayĩ.

Danĩelĩ 8:27

Neryo ĩngye Danĩelĩ, monaluha, monalwala ebiro ebyo; neryo monahangana, monakola omũbĩrĩ wʼOmwami; kandi monasweka busana nʼerilota eryo, nĩkwa sihabya owʼeriminyalyo.

Habakũkĩ 3:16

Monowa, neryo eribunda lyage molyatitimana, Emĩnywa yage moyatitimana busana nʼomulenge oyo; Erihonda molyingira omo makũha wage, kandi ngasũka-sũkanira aho wage. Kusangwa litolere inalinda ekiro kyʼobũlĩge kyʼobũkũtũ, Busana nʼerihetuka lyʼabandu abakatubambira.

2 Petero 1:14

Kusangwa nyasĩ ngoko nyĩkĩsĩya ĩnalũa omo mubiri oyũ. Kandi Omukama wetu Yesu Kristo, abĩrĩnyĩmĩnyĩsya omwatsi oyũ.