Danĩelĩ 7:14 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁴ Naye mwahabwa eritabala, nʼolukengerwa, nʼobwami, abandu bosĩ nʼebihanda, nʼemĩbũge bamukolere; eritabala liwe ni ʼtabala lya kera na kera, eritendisyahwaho, nʼobwami buwe ni bwami obũtendĩsyaherĩbwa.

Danĩelĩ 7:14 Iomraidhean Croise

Esyonyimbo 102:22

Omugulu ebihanda nʼamami basyahĩndana; Erĩramya Omwami Mukulu.

Esyonyimbo 103:19

Omwami Mukulu abĩrĩhanganĩa ekĩtũmbĩ kiwe kyʼobwami elubula; Kandi iye ni Mwami oko byosĩ.

Esyonyimbo 145:13

Obwami bwawe ni bwʼerikota, Nawe uli Mwami kera na kera. Nyamuhanga sialiregula omo ndagane siwe, Kandi ni mubuya omo byosĩ akakola.

Esyonyimbo 146:10

Omwami Mukulu asyabya Mwami kera na kera! Nyamuhanga wawe, uwe Sĩonĩ, asyatabala ebiro byosĩ oko ndengo syosĩ. Mupipe Omwami Mukulu!

Esyonyimbo 45:6

Ekĩtũmbĩ kyʼobwami ekyo Nyamuhanga abirikuha, kyasyakota! Ukatabala oko bwami bwawe omwʼibanza litunganene.

Esyonyimbo 72:11

Abami bosĩ basyũnama embere siwe, Nʼebihanda byosĩ byasyamukolera!

Esyonyimbo 72:17

Erĩna liwe siribiriranawe na kera; Engulu yiwe ikote ngʼeryuba. Abandu bayitsumule busana naye, Ebihanda byosĩ bipipe Omwami.

Esyonyimbo 8:6

Wabirimuyira mo mũtabalĩ oko myatsi yosĩ wahangika, Wabĩrĩmũhĩra endata oko myatsi yosĩ;

Ĩsaya 16:5

Ekĩtũmbĩ kyʼobwami kyasyahanganĩbwa omwʼisasira. Omũtswerĩ asyĩkala kukyo omwʼitendiregula, omo hema ya Dawĩdĩ, kandi asyasondasonda erĩbanza libuya, nʼerianguha erikola eritunganene.

Ĩsaya 60:12

Kusangwa ekihanda ekyo nʼobwami obo, Ebĩtanzĩre erikukolera byasyahera Nʼebihanda ebyo byasyatĩngĩtĩbwa kutsibu.

Ĩsaya 9:6

Kusangwa omwana asyabutwa busana netu, twasyahabwa omugala, Nʼobutabale bwasyabya oko bitigo biwe. Erĩna liwe lyasyahulwa mo Mũhanĩ Wʼeriswekera. Nyamuhanga Omũtokĩ, Tata Wʼerikota, Omunya-mwami Wʼobuholo.

Ĩsaya 9:7

Erikanya lyʼeritabala liwe ryʼobuholo siryendisyayira ndũlĩ, oko kĩtũmbĩ kyʼobwami bwa Dawĩdĩ nʼoko bwami buwe, erĩhanganĩabo nʼerĩsĩkyabo omo lĩbanza nʼomo litunganene, erĩtsũka lino nʼerĩhĩka kera na kera. Omũhwa wʼOmwami Mukulu wʼemilondo asyakola ekĩ.

Danĩelĩ 2:35

Neryo ekyuma ekyo nʼeribumba eryo, nʼomulinga, nʼekĩtsĩpa, nʼesyamagetsi, mobyatulangwa mo bihande bihande oko saa nguma, mobyabya ngʼomusunga omo bĩhũmbĩro omugulu wʼobugoma; neryo erihunga molyagũlũkyabyo, neryo mobitaswabanika nʼahake; nʼerĩbwe eryo eryaswĩraya esanamu molyabya kitwa kinene, molyũsũlya ekihugo kyosĩ.

Danĩelĩ 2:37

Uwe mwami uli mwami wʼabami, na Nyamuhanga wʼelubula abirikuha obwami, nʼobũtokĩ, nʼamaka, nʼolukengerwa;

Danĩelĩ 2:44

Nʼoko biro byʼabami abo, Nyamuhanga wʼelubula asyahanganĩa obwami obũtendĩsyaherĩbwa na kera, kutse eritabala lyabo siryendĩsyasĩgĩrwa abandi bandu; nĩkwa bwasyatulanga mo bihande bihande nʼeribuga amami gosĩ aya, nabo bwasyahangana kera na kera.

Danĩelĩ 3:4

Neryo omũhamĩrya mwabirikira kutsibu ati, ĩnywe bandu, nʼebihanda, nʼemĩbũge, mukahamulawa,

Danĩelĩ 4:3

Ebĩmĩnyĩsyo biwe ko biri binene! Nʼebyʼeriswekera biwe ko biri byʼamaka! Obwami buwe ni bwami bwʼerikota, nʼeritabala liwe likabya oko ndengo ndengo.

Danĩelĩ 6:26

Ĩngye ngahĩra omugambo nyiti, Omwʼitabala lyosĩ lyʼobwami bwage abandu batitimane nʼeriubaha embere sya Nyamuhanga wa Danĩelĩ; kusangwa iye ni Nyamuhanga oyuliho, oyũkotĩre kera na kera, nʼobwami buwe ni bwami obũtendĩsyaherĩbwa; nʼeritabala liwe lyasyakota erĩhĩka oko ndũlĩ.

Danĩelĩ 7:18

Nĩkwa ababũyĩrĩre bʼOwendata Kutsibu basyangirira obwami, nʼerĩsĩgalya obwami kera na kera, erĩhĩka kera na kera.

Danĩelĩ 7:27

Nʼobwami nʼobutabale nʼobukulu bwʼamami eyĩkwa wʼamatũkũ gosĩ, byasyahabwa oko bandu ba Nyamuhanga Owendata Kutsibu. Obwami buwe ni bwami bwa kera na kera, nʼamatabale gosĩ asyamukolera nʼerimukenga.

Obadĩa 1:21

Nʼabakalamaya basyahetukira oko kitwa eSĩonĩ eritswera ekitwa kya Esaũ; nʼobwami bwasyabya bwʼOmwami Mukulu.

Mĩka 4:7

Nasyayira oyũkatsokondaya eribya basĩgalira, nʼoyo wahigawa eribya ekihanda kyʼamaka; nʼOmwami Mukulu asyatabalirabo oko kitwa kyʼeSĩonĩ erĩtsũka lino erĩhĩka kera na kera.

Matayo 11:27

Tata wage abirimba emyatsi yosĩ. Sihali oyo wasĩ Omugala nina Tata, kandi sihali oyo wasĩ Tata nina Mugala, nʼomundu oyo Mugala anzĩre erĩmũbĩsũlĩra.

Matayo 28:18

Neryo Yesu mwasa mwabũga nabo ati, Ehamũlĩ yosĩ nabirihabwayo omo lubula nʼomo kihugo.

Luka 1:33

Kandi asyatabalira ekihanda kya Yakobo kera na kera, nʼobwami buwe sibwendisyahwa.

Luka 10:22

Tata wage abirimba emyatsi yosĩ, kandi sihali oyo wasĩ Mugala nga nindi, nina Tata; kandi sihali oyo wasĩ Tata nga nindi, nina Mugala, nʼomundu oyo Mugala anzĩre erĩmũbĩsũlĩra.

Yoane 12:34

Neryo endeko moyamũsũbĩrya iti, Twabĩrĩowa omo Migambo iti Kristo ayĩkala kera na kera. Neryo ũkabũga uti kwehĩ? Uti, Omugala wʼOmundu atolere iniasumbirwa endata. Omugala wʼOmundu oyũ nindi kwehĩ?

Yoane 3:35

Tata anzĩre Omugala, kandi abĩrĩhĩra emyatsi yosĩ omo byala biwe.

AbaEbrania 12:28

Neryo tubye nʼewasĩngya, kusangwa tukabana obwami obutetoka erĩsũka-sũkanĩbwa. Tukolere Nyamuhanga nʼerĩmũtsemesya, tumukenge nʼerĩmũsĩkya.

1 Petero 3:22

Yesu Kristo abiriya elubula, kandi ali oko byala byʼamali bya Nyamuhanga; iniabiritabala oko bamalaĩka, nʼabʼehamũlĩ bʼelubula nʼabʼamaka.

Eribisurirwa 1:6

kandi oyo watuyira eribya bwami bwʼabahererĩ erikolera Nyamuhanga wuwe na Tata. Uku Yesu Kristo kubye olukengerwa, nʼobũtokĩ, kera na kera! Amina.

Eribisurirwa 11:15

Neryo omũlaĩka wʼakalinda mwabuha engubi yiwe, neryo emirenge minene-minene omo lubula moyabũga iti, Obwami bwʼekihugo bwabiribya bwami bwʼomukama wetu, nʼobwa Kristo wuwe, naye asyatabala kera na kera!

Eribisurirwa 17:14

Aba basyalwa nʼEkyana kyʼEmbũlĩ, nĩkwa Ekyana kyʼEmbũlĩ, haguma nʼabakamukwama, ababirikirawa buwe, nʼabayisogawa, nʼabateregula buwe, basyakĩndabo, kusangwa iye ni Mukama wʼabakama, nʼOmwami wʼabami.

Eribisurirwa 3:21

Oyũkakĩnda, nasyamuha ehamũlĩ erĩĩkala haguma nage oko kĩtũmbĩ kyage kyʼobwami, ngoko nĩkala haguma na Tata wage oko kĩtũmbĩ kiwe kyʼobwami.