Danĩelĩ 7:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Kandi monasiba ngalangira omwʼilota lyʼekiro, neryo, lebaya, oyũsosĩre omugala wʼomundu mwasa omo bĩtũ byʼelubula, mwahĩka oko Mukulu Wʼebiro, mobamuleta hakũhĩ embere siwe.

Danĩelĩ 7:13 Iomraidhean Croise

Esyonyimbo 110:2

Erĩlũa eSĩonĩ, Omwami Mukulu asyalabya Obũtokĩ bwawe bwʼobwami. Ati, Utabale oko nzĩgũ syawe.

Esyonyimbo 2:8

Ũbũlaye, nage nasyakuha ebihanda eribya byawe, Kandi nasyakuha emitano yosĩ yʼekihugo.

Esyonyimbo 47:5

Nyamuhanga akahetukira oko kĩtũmbĩ kyʼobwami buwe! Omwami Mukulu akahetuka! Hali emirenge yʼobutseme, nʼomulenge wʼengubi.

Yeremĩa 49:19

Lebaya, omundu asyahetuka ngʼendale akalũa omo bisaka byʼeYorodanĩ oko lũlĩsĩryo lubisi. Kusangwa nasyaleka iniasagaho lũba, nʼoyukayisogawa nasyamũhĩra endata kuho. Kusangwa nindi alinga ngye kwehĩ? Kandi nindi wasyanyitwala omwʼĩbũgĩro kwehĩ? Nʼomũlĩsya nindi oyo wasyimana mo nzĩgũ yage kwehĩ?

Ezekĩelĩ 1:26

Nʼendata oko kyanya ekyabya endata oko mitwe yabyo mohabya ekĩsosekanĩo kyʼekĩtũmbĩ kyʼobwami, ngʼekĩsosekanĩo kyʼerĩbwe lyʼesafiro. Nʼoko kĩsosekanĩo ekyo kyʼekĩtũmbĩ kyʼobwami endata kutsibu, mohabya ekĩsosekanĩo kĩsosĩre omundu.

Danĩelĩ 2:44

Nʼoko biro byʼabami abo, Nyamuhanga wʼelubula asyahanganĩa obwami obũtendĩsyaherĩbwa na kera, kutse eritabala lyabo siryendĩsyasĩgĩrwa abandi bandu; nĩkwa bwasyatulanga mo bihande bihande nʼeribuga amami gosĩ aya, nabo bwasyahangana kera na kera.

Danĩelĩ 7:12

Neryo esindi nyama esyo mosyasagulwa eritabala lyasyo; nĩkwa eribyaho lyasyo molyatomekerwako busana nʼendambĩ eyahulawa.

Danĩelĩ 7:2

Danĩelĩ mwabũga ati, Monalangira omwʼilota lyage omo kiro, neryo, lebaya, amahunga ani wʼelubula mwabuhirira oko ngetsi nene.

Danĩelĩ 7:22

erĩhĩka aho Mukulu Wʼebiro ahĩkĩra. Nʼeritswera molyahabwa oko bandu ba Nyamuhanga Owendata Kutsibu, nʼendambĩ moyahĩka busana nʼabandu ba Nyamuhanga erĩsĩgalya obwami.

Danĩelĩ 7:9

Neryo monasiba ngalangira erĩhĩka aho ebĩtũmbĩ byʼobwami byahĩrĩrawaho, nʼomuguma oyo wabya Mukulu Wʼebiro mwĩkala oko kĩtũmbĩ kiwe. Esyongimba siwe syabya nyeru-nyeru ngʼenzururu, nʼesyonzwiri syʼomutwe wuwe syabya ngʼobweya bwʼembũlĩ obũhenĩrye kutsibu; nʼekĩtũmbĩ kiwe kyʼobwami kyabya ngʼebirimi byʼomuliro, nʼebĩrĩngo byako byabya ngʼomuliro owakaka.

Danĩelĩ 8:15

Neryo ĩngye Danĩelĩ nabere nabilangira erilota eryo, monasonda-sondya eriminyalyo; neryo, lebaya, mohahangana embere syage oyũsosĩre omundu.

Matayo 13:41

Omugala wʼomundu asyatuma abamalaĩka buwe, basyakuma-kuma nʼerĩlũsya ebyosĩ ebikaleka abandu ibakola ebibi, nʼabakola-nabi bosĩ omo Bwami buwe,

Matayo 24:30

Neryo ekiminyikalo kyʼomugala wʼomundu kyasyahuluka omo kyanya; neryo ebihanda byosĩ byʼomo kihugo byasyasũsũmana, kandi byasyalangira Omugala wʼomundu akasa oko bĩtũ byʼekyanya nʼobũtokĩ bunene nʼolukengerwa lunene.

Matayo 25:31

Nĩkwa omugulu Omugala wʼomundu asyasa omo lukengerwa luwe, nʼabamalaĩka bosĩ haguma naye, asyĩkala oko kĩtũmbĩ kiwe kyʼobwami kyʼolukengerwa.

Matayo 26:64

Yesu mwabũga naye ati, Uwe wamabũgakyo, nĩkwa ngababwira nyiti, Enyũma wʼaho mwasyalangira Omugala wʼomundu ĩnĩanĩkere oko byala byʼamali byʼOmũtokĩ Wʼebyosĩ, iniakasa oko bĩtũ byʼekyanya.

Matayo 28:18

Neryo Yesu mwasa mwabũga nabo ati, Ehamũlĩ yosĩ nabirihabwayo omo lubula nʼomo kihugo.

Matayo 8:20

Nĩkwa Yesu mwamubwira ati, Esyoboha siwite ebyũna, nʼesyonyonyũ syʼomo kyanya siwite esyonyutu, nĩkwa Omugala wʼomundu siawite aho angagotserya omutwe wuwe.

Mariko 13:26

Neryo basyalangira Omugala wʼomundu akasa omo bĩtũ, nʼobũtokĩ bunene, nʼolukengerwa.

Luka 21:27

Neryo basyalangira Omugala wʼOmundu akahuluka omo kĩtũ, nʼobũtokĩ, nʼolukengerwa lunene.

Luka 21:36

Nĩkwa mũtegaye emigulu yosĩ, nʼerisaba, mutoke eribana akagala kʼeribala emyatsi yosĩ eyĩ eyikasonda erĩhĩka, nʼerihangana embere syʼOmugala wʼOmundu.

Luka 24:27

Neryo Yesu mwakanĩryabo emyatsi yiwe eyiri omo Masako erĩtsũka omo bitabu bya Musa nʼamasako wʼabamĩnyererĩ bosĩ.

Yoane 12:34

Neryo endeko moyamũsũbĩrya iti, Twabĩrĩowa omo Migambo iti Kristo ayĩkala kera na kera. Neryo ũkabũga uti kwehĩ? Uti, Omugala wʼOmundu atolere iniasumbirwa endata. Omugala wʼOmundu oyũ nindi kwehĩ?

Yoane 3:13

Sihali omundu oyo wahetukira elubula, yo nʼomugala wʼOmundu oyo wandagala akalũa elubula.

Yoane 5:27

Kandi abiriha Omugala ehamũlĩ yʼeritswera esyombanza, kusangwa iye ni Mugala wʼOmundu.

Emibiri 7:56

Neryo mwabũga ati, Lebaya! namalangira olubula ĩlũnakĩngwĩre, nʼomugala wʼOmundu iniahangene oko byala byʼamali bya Nyamuhanga!

1 AbanyaTesalonika 4:17

Neryo netu ĩtwe tuliho, twasyabalwa haguma nabo omo bĩtũ erĩhĩndana nʼOmukama omo kyanya. Neryo twasyabya haguma nʼOmukama kera na kera.

1 Timoteo 6:16

Iye ĩyowene yukakota; kandi ĩkere omo kyakakala ekite kyangahĩkwamo. Sihali mundu oyo wabirimulolako, kandi sihali mundu wangatoka erimulolako. Erĩsĩkya nʼobũtokĩ bwa kera na kera bibye ukwʼiye, Amina.

AbaEbrania 2:14

Neryo kusangwa abana ni bandu bʼomubiri nʼomusasi, Yesu ĩyowene mwĩmya omubiri nʼomusasi ngʼabo. Mwakola atya iniatoka omo luholo luwe erĩherya Satanĩ oyo wabya nʼobũtokĩ bwʼoluholo.

AbaEbrania 9:24

Kusangwa Yesu mwatingira Ahabũyĩrĩre ahakokotĩbawa nʼebyala byʼabandu, ahabya ekĩsosekanĩo kyʼAhabũyĩrĩre hʼekwenene, nĩkwa mwingira elubula aho akabanika embere sya Nyamuhanga busana netu.

Eribisurirwa 1:13

Kandi omo katĩkatĩ kʼemitagala eyo, monalangira oyũsosĩre Omugala wʼOmundu, iniambite olukimba olũhĩkĩre oko bisando biwe, nʼobupa bwʼesyamagetsi oko kĩkũba kiwe.

Eribisurirwa 1:18

Kandi indi oyuliho! Nabya nyĩholĩre, neryo lebaya, nyiriho kera na kera. Kandi nyiwite ebĩboholĩ byʼoluholo nʼebyʼEkũlĩmũ.

Eribisurirwa 1:7

Mũlebaye! Akasa omo bĩtũ! Nʼobuli rĩso nʼasyamulangira, nʼabamutsimita nibya. Nʼebihanda byosĩ bya muna-kihugo byasyamulirira. Inga, bibye bitya! Amina.

Eribisurirwa 14:14

Kandi monalangira, neryo lebaya, habya ekĩtũ kyeru-kyeru, neryo oyo wĩkere oko kĩtũ ekyo, abya asosĩre omugala wʼomundu, iniawite embĩta yʼesyamagetsi oko mutwe wuwe, nʼomũtemĩ owatwĩre omo byala biwe.