Danĩelĩ 7:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Nʼoko mugulu oyo monasiba ngalangira busana nʼomulenge wʼebĩnywa byʼeriyiheka ebyo erĩhembe lyabũga; monasiba ngalangira erĩhĩka aho enyama eyo yĩtĩrawa, nʼomubiri wayo mwaherĩbwa, nʼerihabwa erĩhĩsĩrĩrĩbwa oko muliro.

Danĩelĩ 7:11 Iomraidhean Croise

Danĩelĩ 11:45

Neryo asyahanda amahema wʼekikali kiwe omo katĩkatĩ kʼengetsi nʼeKitwa Kibũyĩrĩre kibuya. Nĩkwa asyahĩka oko ndũlĩ yiwe, isihali mundu wasyamũwatĩkya.

Danĩelĩ 7:12

Neryo esindi nyama esyo mosyasagulwa eritabala lyasyo; nĩkwa eribyaho lyasyo molyatomekerwako busana nʼendambĩ eyahulawa.

Danĩelĩ 7:8

Nage monasamalira amahembe ayo, neryo, lebaya, erindi rĩhembe molyalasa omo katĩkatĩ kago, erĩke, embere walyo awandi mahembe asatu wʼerĩmbere mwakulwa nʼemĩrĩhĩ; neryo lebaya omwʼĩhembe erĩ habya ameso ngʼameso wʼomundu, nʼobuno obũkabũga emyatsi yʼeriyihalamba.

Danĩelĩ 8:25

Na busana nʼemibere yiwe asyatokesya amatebo omo byala biwe; kandi asyayĩhamya omo mutima wuwe; kandi asyaherya bangi omwʼiyiketera lyabo; kandi asyahangana nʼerilwa nʼOmunya-mwami wʼabanya-mwami; nĩkwa asyatĩndwa butsira omo byala byʼabandu.

2 AbanyaTesalonika 2:8

Neryo Omundu Mubi oyo asyabĩsũlwa, nʼOmukama Yesu asyamwĩta omo muka wʼobuno buwe, nʼerĩmũtogotya omo lukengerwa lwʼerihuluka liwe.

2 Petero 2:18

Kusangwa bakabũga ebĩnywa ebyʼobusa byʼeriyipipa, ibakabirikira abandu nʼeritebabo omo mwatsi wʼesyongumbu syʼomubiri nʼesyʼerĩsĩngĩra. Abandu aba babya bakateba, babya bandu abakasonda erĩlũa ukwʼabo bĩkere omo luhabo.

Yuda 1:16

Abandu aba bakatonga, nʼerirega abandi, ibakakwama esyongumbu syabo nyibi. Bakabũga nʼerĩyĩhamya, kandi bakapipa abandu busana nʼeribana kubo kwʼendũndĩ.

Eribisurirwa 18:8

Kikaleka amalĩge wago asyahĩka omo kiro kiguma: Akasũsũ, nʼobũlĩge, nʼenzala; Asyatogotĩbwa omo muliro. Kusangwa Omukama Nyamuhanga, oyukamutswera akalĩre.

Eribisurirwa 19:20

Nĩ­kwa enyama eyo moyahambwa, nʼomũmĩnyererĩ wʼamabehĩ haguma nayo, oyo wabya akakola ebitiko-tiko embere syʼenyama eyo. Omũmĩnyererĩ wʼamabehĩ oyo mwatebabo omo bitiko-tiko ebyo bahĩrawako omo lusako lwʼenyama eyo, nʼerĩramya esanamu yayo. Ababiri aba, nʼenyama eyo, nʼomũmĩnyererĩ wʼamabehĩ, mobaguswa ibaneho, omo ngetsi yʼomuliro eyikagulumira nʼekirimi.

Eribisurirwa 20:10

Neryo Dĩabolo oyo watebabo mwaguswa omo ngetsi yʼomuliro nʼobũsĩngo, aho enyama eyo nʼomũmĩnyererĩ wʼamabehĩ bagusawa; basyagalwa omo musibo nʼomo kiro kera na kera.

Eribisurirwa 20:12

Kandi monalangira abaholĩ, abakulu-bakulu nʼabake-bake, ibahangene embere wʼekĩtũmbĩ kyʼobwami; nʼebitabu mobyasanzulwa. Nʼekindi kitabu mokyasanzulwa, kye kitabu kyʼengebe. Neryo abaholĩ mobatswerwa omo myatsi eyĩsakĩre omo bitabu ngoko emĩbĩrĩ yabo yabya.

Eribisurirwa 20:4

Neryo monalangira ebĩtũmbĩ byʼobwami, nʼababya bĩkere kubyo, kandi, mobahabwa ehamũlĩ yʼeritswera. Monalangira nibya ebĩrĩmũ byʼabandu abatwĩbawa kwʼemitwe busana nʼerĩtũla omwatsi wa Yesu, kandi busana nʼekĩnywa kya Nyamuhanga. Mobataramya enyama eyo kutse esanamu eyo, kandi mobatahĩrwa kwʼolusako lwʼenyama eyo oko mbũmo syabo kutse oko byala byabo. Mobasuba nʼeribyaho nʼeritabala haguma na Kristo emyaka elfu nguma (1,000).