Danĩelĩ 7:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Oko mwaka wʼerĩmbere wa Belsasarĩ, omwami wʼeBabelĩ, Danĩelĩ, mwalota akalola oko syonzolĩ syʼomutwe wuwe oko ngyingo yiwe; neryo mwasaka erilota eryo mwatũla omwatsi walyo.

Danĩelĩ 7:1 Iomraidhean Croise

Enzũko 15:1

Enyũma wʼemyatsi eyo ekĩnywa kyʼOmwami Mukulu mokyahĩka uku Abramu omo nzolĩ kiti, Sigubahe, Abramu; Ĩngye indi ngabo busana nawe; oluhembo lwawe lwasyabya lunene.

Enzũko 46:2

Na Nyamuhanga mwabũga na Ĩsraelĩ omwʼilota omo kiro ati, Yakobo, Yakobo, naye mwabũga ati, Nandi hano.

Yobũ 4:13

Omo malengekanĩa awakalĩre awahuluka omo nzolĩ syʼekiro, Omugulu otũgotserĩ tunene tũkahĩka oko bandu,

Ĩsaya 30:8

Na lino ugende, usakekyo oko kisayi embere syabo, kandi usakekyo omo kitabu, ikyabya busana nʼomugulu owakasa busana nʼerĩtũlago kera na kera.

Ĩsaya 8:1

NʼOmwami Mukulu mwambwira ati, Ũyĩmĩraye ekisayi kinene, Usake kukyo omo masako manene-manene uti, Maherĩ-salalĩ-hasĩ-bazĩ, kiti, Erĩhũnga nʼerinyega bĩkahĩka lũba.

Yeremĩa 23:28

Omũmĩnyererĩ oyuwite erilota abũge erilota liwe, nĩkwa oyuwite ekĩnywa kyage, abũge ekĩnywa kyage omo kwenene. Omwami Mukulu ati, Embuba ĩlabĩre engano yʼũkũkĩ kwehĩ?

Yeremĩa 27:7

Nʼebihanda byosĩ byasyamukolera, na mugala wuwe, na mwitsikulu wuwe, erĩhĩka aho mugulu wʼekihugo kiwe asyahĩkĩra. Nʼoko mugulu oyo ebihanda bingi nʼabami bakulu bakulu basyamuyira mo mukobe wabo.

Yeremĩa 36:32

Neryo Yeremĩa mwĩmya ekindi kĩkũnzo kyʼekitabu, mwahakyo omũhandĩkĩ Barũkũ, mugala wa Nerĩa, naye mwasaka mũkyo Yeremĩa akamubwira ebĩnywa byosĩ byʼekitabu ekyo Yehoyakĩmũ omwami wʼeYũda ahĩsaya omo muliro. Kandi ebĩnywa bingi ebiri ngabyo mobyatomekerwa kubyo.

Yeremĩa 36:4

Neryo Yeremĩa mwabirikira Barũkũ mugala wa Nerĩa, neryo Barũkũ mwasaka oko kĩkũnzo kyʼekitabu Yeremĩa akamubwira ebĩnywa byosĩ byʼOmwami Mukulu, ebyo amubwira.

Ezekĩelĩ 1:1

Neryo mokyabya omo mwaka wʼamakũmĩ asatu, oko mukera wʼakani nʼoko kiro kyʼebitanu kyʼomukera, omugulu nabya omo bunyegwa hakũhĩ nʼolũsĩ lwʼeKebarĩ, olubula molwakingukala, monalangira esyonzolĩ sya Nyamuhanga.

Ezekĩelĩ 40:2

Omo syonzolĩ sya Nyamuhanga mwanyireta omo kihugo kya Ĩsraelĩ, mwanyĩhĩra oko kitwa kiri-kiri kutsibu. Nʼoko kitwa ekyo ebwanga bwʼeluhande lwʼeyĩkwa habya enyũmba ngʼomũyĩ.

Danĩelĩ 1:17

Nĩkwa abalwana bani aba, Nyamuhanga mwahabo eriminya, nʼobuminye omwʼiga lyosĩ, nʼamenge; kandi Danĩelĩ abya nʼobowĩka omo syonzolĩ nʼomwʼilota.

Danĩelĩ 2:1

Oko mwaka wʼakabiri wʼeritabala lya Nebũkadeneza, Nebũkadeneza mwa­lota esyonzolĩ, nʼomutima wuwe mwakukubala, nʼotũgotserĩ tuwe motwamuhwako.

Danĩelĩ 2:26

Nʼomwami mwasũbĩrya mwabwira Danĩelĩ oyo wabya akahulwa mo Beltesaza, ati, Wanganatoka erĩnyĩmĩnyĩsya erilota eryo nabirilangira, nʼeribikula lyalyo kwehĩ?

Danĩelĩ 4:13

Monalangira omo nzolĩ syʼomutwe wage oko ngyingo yage, neryo, lebaya, omũteya, omundu ũbũyĩrĩre mwandagala akalũa elubula.

Danĩelĩ 4:5

Monalota esyonzolĩ esĩnyĩtĩre obuba; nʼamalengekanĩa oko ngyingo yage, nʼesyonzolĩ syʼomutwe wage mosyanyĩgerũkya omutima.

Danĩelĩ 5:1

Omwami Belsasarĩ mwayira erirya ĩnene busana nʼabakama buwe elfu nguma (1,000), kandi mwapũlya ebĩnyũ embere syʼeelfu eyo.

Danĩelĩ 5:22

Nawe, uwe mugala wuwe, Belsasarĩ, sũlĩtakehya omutima wawe, ĩnũnasĩ ebĩ byosĩ,

Danĩelĩ 5:30

Oko kiro ekyo, Belsasarĩ omwami wʼAbakaldea mwĩtwa.

Danĩelĩ 7:13

Kandi monasiba ngalangira omwʼilota lyʼekiro, neryo, lebaya, oyũsosĩre omugala wʼomundu mwasa omo bĩtũ byʼelubula, mwahĩka oko Mukulu Wʼebiro, mobamuleta hakũhĩ embere siwe.

Danĩelĩ 7:15

Nĩkwa ĩngye Danĩelĩ, ekĩrĩmũ kyage mokyakwa obũlĩge omwisi syʼomubiri wage, nʼerilota lyʼomutwe wage molyanyĩta obũlĩge.

Danĩelĩ 7:7

Enyũma wʼaho monalangira omwʼilota lyʼekiro, neryo, lebaya, enyama yʼakani, eyʼerĩũbahya, eyĩkalĩre, nʼeyʼamaka kutsibu; nayo yabya iwite ameno awʼebyuma, amanene manene. Moyalya, moyatsũtsanga mo bitswe-bitswe, moyalyatangirira amasĩgalira omo bisando byayo; nayo moyabya ogundi mũsĩndo oko Sindi nyama syosĩ esyabya embere wayo; kandi yabya iwite amahembe ĩkũmĩ.

Danĩelĩ 8:1

Oko mwaka wʼakasatu wʼeritabala lyʼOmwami Belsasarĩ erilota molyambulukirako, ĩngye Danĩelĩ, enyũma wʼesyo, esyanyibutukira erĩmbere.

Yoelĩ 2:28

Neryo enyũma wʼaho, nasyũtũlĩra Omũlĩmũ wage oko bandu bosĩ; abagala benyũ nʼabali benyũ basyaminyerera, nʼabasyakulu benyũ basyalota esyonzolĩ, nʼabalwana benyũ basyalola oko syonzolĩ.

Amosĩ 3:7

Kwenene Omukama Omwami Mukulu siendisyakola kindu, ate abĩsũlĩra abagombe buwe abamĩnyererĩ ekĩbĩsĩre kiwe.

Habakũkĩ 2:2

Neryo Omwami Mukulu mwanyĩsũbĩrya ati, Usake esyonzolĩ esyo nʼerĩmĩnyĩkalyasyo ndeke oko bisayi byʼamabwe, oyukasomasyo atoke erianguha.

Emiganzo 12:6

Neryo mwabũga ati, Lino muhulikirire ebĩnywa byage; hamabya omũmĩnyererĩ omo katĩkatĩ kenyũ, Ĩngye Mwami Mukulu nasyayĩmĩnyĩkalya kwiye omo nzolĩ, nasyabũga naye omwʼilota.

AbanyaRoma 15:4

Kusangwa ebyosĩ ebyasakawa erĩmbere omo Masako byasakawa busana nʼerĩtũkangĩrĩrya. Neryo Amasako akatuha eriyitsingirira nʼerihanda omutima, itwatoka eribya nʼamaha.

2 AbanyaKorinto 12:1

Litolere inayihalamba, nomo lite lyangagasakĩ. Nĩkwa lino ngandĩkanĩa busana nʼerilota nʼerĩbĩsũlĩrwa ebĩkalũa oko Mukama.

Eribisurirwa 1:19

Neryo Usake emyatsi eyo wabirilangira, nʼemyatsi eyiri lino, nʼemyatsi eyĩkandĩsyahĩka enyũma wʼemyatsi eyĩ.

Eribisurirwa 10:4

Neryo omugulu emĩlũmo irinda yʼobũtũkũ yamabĩlũma, nabya ngasonda erisaka. Nĩkwa monowa omulenge akalũa elubula ati, Uyire emyatsi eyo emĩlũmo irinda ĩkabĩbũga mwʼĩkũmbo, susakeyo!