Danĩelĩ 6:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Na lino, uwe Mwami, uyire erĩganĩsya erĩkalĩre, Usake amasako aya, nʼerĩhĩra erĩna lyawe lyo kugo siabindulawe, ngʼebihano byʼAbamedĩ nʼAbapersĩa, ebitebinduka.

Danĩelĩ 6:8 Iomraidhean Croise

Esĩterĩ 1:19

Kyamatsemesya omwami, ahĩre erĩhano lyʼobwami, nalyo lisakawe omo migambo yʼAbapersĩa nʼAbamedĩa siribye rikabindulwa, liti Vasĩtĩ syasyehĩka kandi embere syʼOmwami Ahasuero; nʼomwami ahe omwanya wuwe wʼobugole oko gundi mubuya kwilaba ye.

Esĩterĩ 3:12

Neryo abahandĩkĩ bʼomwami mobabirikirwa oko mukera wʼerĩtsũka nʼoko kiro kyʼerĩkũmĩ nʼebisatu, neryo mobyasakwa ngʼebyosĩ ebyo Hamanĩ ahamula abasondolĩ bʼomwami, nʼoko bakulu ababya oko buli kihugo, nʼoko banya-mwami bʼobuli kihanda, oko buli kihugo ngʼemisakire yakyo, nʼoko buli kihanda ngʼomũbũge wakyo; mokyasakwa omo lĩna lyʼOmwami Ahasuero, kandi mokyahĩrwa kwʼeyĩsembo yʼembũka yʼOmwami.

Esĩterĩ 8:10

Neryo mwasaka omo lĩna lyʼOmwami Ahasuero, mwahĩra eyĩsembo kusyo omo mbũka yʼOmwami, kandi mwatuma esyobarua esyo oko bakwenda abakagenda oko syosabayĩrĩ, ibakagenda oko syonyama sikanguha esyabya sikakola omũbĩrĩ wʼOmwami, esĩbũtĩrwe oko syosabayĩrĩ syʼOmwami.

Esĩterĩ 8:3

Kandi Esĩterĩ mwabũga embere syʼOmwami, mwawa ahisi oko bisando biwe, nʼerimulakira omo mĩsonĩa erĩlũsya omwaga wa Hamanĩ Omũagagĩ, nʼamenge wuwe ago ahimbika busana nʼAbayũda.

Esĩterĩ 8:8

Neryo musakire Abayũda ngoko mwanzĩre, omo lĩna lyʼOmwami, mũhĩre kwʼeyĩsembo yʼembũka yʼOmwami; kusangwa amasako awabirisakwa oko lĩna lyʼOmwami, nʼerĩhĩrwa kwʼeyĩsembo yʼembũka yʼOmwami, sihali mundu wangabindulago.

Esyonyimbo 94:21

Abakayira embĩta yʼabandu babuya, Nʼerĩhĩra omusango wʼerihola oko bandu bate ko lubanza.

Ĩsaya 10:1

Obũlĩge oko bandu abakahamula emigambo mibi, nʼabandu abakasaka eritswera eritatunganene,

Danĩelĩ 5:28

Peresĩ—obwami bwawe bwamagabwa, bwabirihabwa oko Bamedĩ nʼAbapersĩ.

Danĩelĩ 6:12

Neryo mobasegera hakũhĩ, nʼerĩbũga embere syʼOmwami busana nʼerĩganĩsya lyʼOmwami bati, Mũtalahĩrya erĩganĩsya liti obuli mundu oyo wasyasaba oko gundi nyamuhanga wahi nʼomundu wahi oko biro makũmĩ asatu, ate uwe mwami, asyaguswa omo kyũna kyʼesyondale kwehĩ? Neryo omwami mwasũbĩrya ati, Omwatsi oyo ni kwenene ngʼebihano byʼAbamedĩ nʼAbapersĩa, ebitebinduka.

Danĩelĩ 6:15

Neryo abandu aba mobahĩndana haguma embere syʼOmwami, mobabwira omwami bati, Uwe mwami, Uminye ngoko emigambo yʼAbamedĩ nʼAbapersĩa yiti, sihali eribindula kutse erĩganĩsya omugambo ogo mwami abirihamula.

Matayo 24:35

Ekyanya nʼekihugo byasyahwaho, nĩkwa ebĩnywa byage sibyendisyahwaho.